Википедиа:Сүүлийн үеийн мэдээ-2014

2014 оны мэдээний сан

12 сарын 25 — Киотогийн их сургуулийн эрдэмтэдийн судалгаагаар хэрэв хүн 20 секунд нэг хөл дээрээ зогсч чадахгүй бол ямар нэгэн тархиний эмгэгтэй ба тархиний судасны гэмтэлтэй байх магадлал өндөр болохыг тогтоов. Тархи нь маш нарийн дотоод сүлжээгээрээ хараа, дотоод чих, байршлийн мэдрэхүйг зохицуулж хүний тэнцвэрийн системийг ажиллуулж байдаг. (хөлөндөө гэмтэлтэй хүнд дээрх дүгнэлт хамаагүй) >> 12 сарын 20 — Дэлхийгээс илгээсэн шугам зургаар 400км өндөр тойрог замд байгаа Олон Улсын Сансрын Станц дээр 20 төрлийн түлхүүр, бахь зэрэг багаж хэрэгслийг Гурван_хэмжээст_хэвлэгчээр амжилттай хэвллээ. >> 12 сарын 15 — Монголын Алтан Ураг хамтлагийн хөгжмийг АНУ-ын Нэтфликс компаний 90 сая долларын өртгөөр бүтээсэн "Марко Поло" тв-ийн 10 ангит цувралд кинонд тоглож байна. Мөн энэ кинонд Монголын жүжигчин Б.Амарсайхан Аригбөхийн дүрийг бүтээсэн юм. >> 12 сарын 13 — iRobot компаний робот тоос сорогчыг саяхнаас хакерууд ба сонирхогчидод зориулж хүссэн хүн дураараа програмчилж олон янзын үйлдэл хийж болхоор гаргалаа. Хэрэглэгчидэд зориулж гэрийн тоос соруулах ажлыг хөнгөвчилөх ийм робот тоос сорогчууд зах зээлд нэвтрээд 10 гаруй жил болсны дараа анхны нээлттэй эхтэй робот хэрэгсэл зарагдаж эхэллээ. >> 12 сарын 12 — Өдөр бүр 4.5 тэрбум like дардаг нийт хэрэглэгчдэдээ Facebook таалагдаагүй сэтгэгдлээ илэрхийлэх сонголт нэмэхээр төлөвлөж байгаа аж. Энэ нь хэрэглэгчдийн зүгээс хамгийн их хүсдэг сонголт бөгөөд компаний зүгээс тэдэнд сэтгэгдлээ илэрхийлэх боломжийг олгохдоо хэн нэгнийг доромжлолд өртүүлэхгүй байхаар ажиллаж байгаа гэнэ. >> 12 сарын 11 — Цахим валют биткоиныг Microsoft компани гүйлгээндээ хүлээж авахаар болжээ. Өнөөгийн байдлаар 1 биткоин нь 357$-н ханштай байна. >> 11 сарын 26 — НАСА-ын Шинэ Хязгаар сансрын хөлөг 90 хоногийн унтаа нислэгээс удахгүй 12 сарын 6-нд сэрж Дэлхийн ван одой гаригийг тандан судлах ажилдаа орно. Шинэ хязгаар хөлөг нь одоогоор дэлхийгээс 4,8 тэрбум км зайтай нисч байна. >> 11 сарын 20 — 12 улсын 100 эрдэмтэд хамтран жаран хөлт хорхойны нэгэн төрлийн бүрэн генийн кодыг тайлж дууслаа. Ийм хорхойны төрөл нь дэлхий дээр 500 сая жилийн турш амьдарсан хамгийн эртний амьтны нэг юм. 200 сая жилийн өмнөөс энэ хорхой нь нүдгүйгээр амьдрах болжээ. >> 11 сарын 14 — АНУ-ын эрдэмтэд хиймэл фотосинтезын аргаар эрчим хүч гарган авах талаар судалгаа хийж байна. Одоогоор ургамлын адил ус, нүүрсхүчлийн хий ашиглан энерги гарган авах технологи амжилттай байгаа ч нилээд үнэтэй байгаа аж. Энэхүү технологиор илүү хямд эрчим хүч гаргах аргыг олсноор хүлэмжийн эффект болон эрчим хүчний хомсдол гэсэн хоёр асуудлыг нэг замаар шийдэх боломжтой юм. >> 11 сарын 11 — Гүүгл шилийг ашиглан шинэхэн эмч анхны мэс ажилбараа хийжээ. Энэ нь Гүүгл компаний шинэ бүтээлийг анх удаа албан ажилд ашиглаж байгаа тохиолдол юм. Чингэхдээ хагалгааны өрөөний гадна буй эмч шилний бичиж буй мэс ажилбарын бичлэгийг шууд үзэн, шилэнд буй чихэвчээр дамжуулан хагалгаа хийж буй шинэ эмчид зааварчилгаа өгсөн байна. >> 11 сарын 5 — Цэрдийн галавыг тэсч үлдэхэд, шувуудын өвөгт өндөгнийх нь хэлбэр тусалсан байж болох юм гэдэг таамаглалыг Их Британийн эрдэмтэд дэвшүүлсэн байна. Нисдэг болон өдөт үлэг гүрвэлүүдийн өндөгний хэлбэрийг судалж үзэхэд устаж үгүй болснуудын өндөг шувуудынхаас харьцангуй гонзгой, тэгш хэмтэй байсан бол галавыг тэсч үлдэн шувуудын өвөг болснуудын өндөг өнөөгийн шувуудынхаас ялгахын аргагүй байсан байна. >> 11 сарын 3 — Нэгдсэн Вант улсын эрдэмтдийн судалснаар хүний ДНХ-ийн зөвхөн 1% нь л шаардлагатай биологийн процессийн мэдээллийг агуулдаг байна. Үүнээс гадна 7% орчим нь генүүдийг идэвхижүүлэх, унтраах зэрэг зохицуулах үйлчилгээтэй ба нийт 8.2% нь л ажиллагаатай байдаг байна. Үлдсэн 91.8% нь залхуу буюу ажиллагаагүй геном бөгөөд удамшлийн үлдэгдэл мэдээлэл зэргийг агуулдаг байна. >> 11 сарын 1 — Одоогоос 600-700 сая жилийн өмнөөс амьтад дэлхий дээр үүсч бий болхоос өмнө Протерозойн эринд хүчилтөрөгч дэлхий дээр одоогийнхоос дөнгөж 0,1% хэмжээтэй маш бага байжээ. Генетикийн хөгжил хичнээн явагдлаа ч хүчилтөрөгч хангалттай бус орчинд том амьтад үүсч хувьсах бололцоогүй дэлхий 1 тэрбум орчим жилд амьралгүй оршжээ. >> 10 сарын 25 — 2016 оны 7 сард Монголд АСЕМ-ын дээд хэмжээний уулзалт болж Ази, Европын 53 орны төрийн тэргүүнүүд чуулахаар боллоо. >> 10 сарын 18 — АНУ-ын Локхид Мартин компани наран дээрх цөмийн урвалыг дууриалгаж ажилладаг тусгай эрчим хүчний реакторын (fusion reactor) боловсронгуй технологид томоохон дэвшил гаргаж ойрын 5 жилд эхний реакторыг бүтээхээ зарллаа. Ийм цөмийн реактор нь огт хоргүй ажиллагаатай бөгөөд энгийн нүүрсний цахилгаан станцаас 10 сая дахин их эрчим хүчийг гаргах болно. >> 10 сарын 12 — Андройд 5.0 шинэ үйлдлийн системд ойрын хэдэн сарын дотор Сони, HTC, Моторолла, Nexus зэрэг ухаалаг утаснууд хамгийн түрүүнд шилжинэ. >> 10 сарын 6 — 2014 оны Нобелийн шагналыг анагаахын салбарт Норвегийн эрдэмтэд Эдвард Мозер, Мая-брит Мозер ба АНУ-ын эрдэмтэн Жон О'Киф нар тархины эсийн судалгаагаараа хүртлээ. >> Video 10 сарын 5 — Гадаадад байдаг Монголчууд өдөр тутмын дотоодын мэдээллийг www.eagle.mn, news.gogo.mn, www.news.mn гэсэн хамгийн их уншигчтай мэдээллийн сайтнуудаас авах боломжтой. Мөн үндэсний төв тв радиогийн шууд онлайн нэвтрүүлгийг www.mnb.mn сайтнаас үзэх боломжтой. 10 сарын 1 — Швед нь бүх хогоо 99% боловсруулж зөвхөн 1%-ийг нь газарт булж экологи хамгааллаар энэ салбарт дэлхийд тэргүүлж эхэллээ. Шведийн зарим хотууд шатаасан хогоороо 40%-ийн цахилгаан дулаанаа хангадаг. Мөн хогны дутагдалд орж сүүлийн жилүүдэд Их Британи, Итали, Норвегаас төлбөр авч тэдний хогийг авч дахин боловсруулж цахилгаан, дулаанаа үйлдвэрлэж хортой үнсийг нь эргүүлээд илгээдэг. >> 9 сарын 24 — Зарим цөөн бүлэг эмэгтэйчүүд төрөлхийн генийн онцлогоор нүдэндээ 4 төрлийн өнгө мэдрэгчтэй бөгөөд 100 сая өнгийг харж чаддаг харин бусад 99% гаруй хүмүүсийн нүд 3 төрлийн мэдрэгчтэй 1 сая өнгийг ялгадаг байна. Энэ генийн онцлогийг Тетрохромат гэдэг. >> 9 сарын 22 — Монголын хэрэглэгчидэд чиглэсэн гадны хэвлэл мэдээллийн байгууллагууд хуурамч мэдээ тараах явдал цөөнгүй байдаг. 7 сарын 25-нд энд мэдээлсэн АНУ нь агаарын бохирдлоороо дэлхийд 2-т орж нийт бохирдлын 19%-ийг эзэлдгийг Монгол дахь Блүүмберг ТВ хуурамчаар мэдээлж БНХАУ-ын дараа Европ 2-т ордог гэж 9 сарын 22-ны мэдээгээрээ хэд давтаж мэдээллээ. 9 сарын 19 — Хэрэгцээгүй нээлтүүдэд олгодог Иг Нобелийн шагналын 2014 оны физикийн салбарын шагналыг Японы эрдэмтэд гадилын хальсан дээр гишгэхэд яагаад гулсамтгай байдаг талаарх судалгаагаараа хүртжээ. >> 9 сарын 18 — Олон улсын шинжлэх ухааны "Байгаль" сэтгүүлд бичигдснээр өнөөгийн Европчууд эртний гурван аймгаас үүсжээ. Цаг хугацааны өөр өөр үед Европод суурьшсан цэнхэр нүдтэй анчид, бор нүдтэй цагаан арьстан тариачид, Сибириэс нүүдэллэн ирсэн хүмүүс холилдож өнөөгийн Европын үндэстнүүд үүсжээ. >> 9 сарын 18 — Их Британийн судлаачид Хойд Америкт ургадаг нэгэн зүйлийн жимсгэнэ хорт хавдрын эсрэг үйлчлэлтэйг илрүүлсэн байна. Лабораторийн нөхцөлд жимсний ханд болон эмийн холимог нь дан эмээр үйлчилснээс илүү их хорт хавдрын эсийг устгажээ. >> 9 сарын 16 — НАСА хамгийн аврага пуужин бүтээх аврага гагнуурыг бэлэн болголоо, 55м өндөр 26м диаметртэй энэхүү гагнуураар аврага пуужингийн түлшний сав ба бусад их биеийг бүтээж бусад гариг руу нисэх сансрын хөлгийг бүтээнэ. >> 9 сарын 12 — Мемори карт үйлдвэрлэгч "СанДиск" компани 512 Гб хэмжээтэй SD карт бүтээжээ. Энэ нь одоогоор бүтээгдсэн хамгийн их багтаамжтай карт юм. Мэргэжилтнүүд яваандаа 2 Тб буюу 2000 Гб багтаамжтай карт бүтээх боломжтой гэж үзэж байна. >> 9 сарын 6 — Олон улсын 6 сая аялагчдаас авсан санал асуулгаар Токио, Варшав, Сөүл, Братислав, Софи хотууд хамгийн цэвэр зочид буудалтайгаар шалгарч; Рио-де-Жанейро, Лондон, Осло, Амстердам, Копенгаген хотууд хамгийн бохир буудалтайгаар шалгарлаа. >> 9 сарын 5 — 2010 онд Мексикийн буланг газрын тосоор бохирдуулсан Бритиш Петролиум компани АНУ-ын янз бүрийн албадад одоогоор 43 тэрбум ам.дол-ын экологи сүйтгэсний торгууль төлжээ. Саяхнаас Шинэ Орлеаний шүүхээс нэмж 17 тэрбум долларын торгуулийг мөн компанид тавилаа. Үүнээс гадна 9 тэрбум долларын 3 заргууд нэхэгдэж байна. >> 9 сарын 3 — АНУ-ын Хойд Каролина мужид сүүлийн 10 жилд нүүрсний цахилгаан станцыг эрс хязгаарлаж нүүрс шаталтыг багасгаснаар 2012 оноос эхэлж жил бүр 1700 хүн бохирдсон агаараар нас барахаас сэргийлжээ. >> 8 сарын 27 — Барселон хотод сүүлийн жилүүдэд оршин суугчидаас нь 5 дахин олон жуулчид ирэх болсноор иргэдийн амгалан байдлыг барууны жуулчид алдагдуулж хог тарих, архидах, танхайрах байдал газар авч олон зуун Барселончууд эсэргүүцэж жагслаа. >> 8 сарын 26 — 10 жилийн турш 67Р сүүлт од руу нисч хүрсэн Розетта сансрын хөлөг нь удахгүй энэ 11 сард сүүлт одон дээр буугч төхөөрөмжөө газардуулж нарийн судлахаар бэлтгэж газардах 5 байрлалыг тогтоогоод байна. >> 8 сарын 23 — Норвегийн Ставингерийн их сургуулийн судлаачид хүн киндл, айпад, таблетнаас и-ном уншихад цаасан ном уншихаас бага зүйл санаж хадгалдгийг тогтоов. >> 8 сарын 20 — Сүүлийн 300 жилд Дэлхийн хүн ам 10 дахин өсчээ. 1804 онд нийт хүн ам 1 тэрбум, 1922 онд 2 тэрбум, 1974 онд 4 тэрбум, 2010 онд 7 тэрбумд хүрсэн, 2018 онд 8 тэрбумд хүрнэ. Мөн байгальд олон зуун төрлийн амьтан, ургамлууд хүний хэт өсөлт ба болгоомжгүй байдлаас болж устаж хорогджээ. >> 8 сарын 19 — Монгол, Япон уран бичлэгийн үзэсгэлэн наймдугаар сарын 20-оос “Blue Moon” арт галерейд нээгдэнэ. 8 сарын 13 — Дэлхийд 100 000 тераваттын цахилгааны нарны эрчим хүч хором бүрт ирдэг харин дэлхийн одоогийн нийт цахилгааны хэрэглээ 23 тераватт байна. >> 8 сарын 8 — АНУ-ын Сиракюзийн их сургуулийн профессор Сам Акен 40 өөр төрлийн жимсийг нэг модон дээр залгаж үржүүлэх аргаар ургуулжээ. Уг мод нь 9 жилийн турш 40 өөр төрлийн жимсний ургац өгчээ. >> 8 сарын 1 — Монгол улсад анх удаагаа Боинг онгоцны бүрэн задаргаа засварыг МИАТ-ын засварын алба хийж эхэллээ. Гадны улсуудад 1,5 сая ам.долларт хийдэг засварыг Монгол инжинерүүд 1,2 саяд гүйцэтгэж өрсөлдөж байна. >> 7 сарын 25 — Дэлхийн агаарыг бохирдуулагч гол 5 улсууд БНХАУ 23%, АНУ 19%, Европын холбоо 13%, Энэтхэг 6%, ОХУ 6%-ын хэмжээтэйгээр нийт бохирдлыг эзэлдэг. >> 7 сарын 22 — Огторгуйн ихэнх галактикийн төвд сансрын хар нүх оршдог. Харин зарим галактикийн төвд нэг биш хэд хэдэн хар нүх оршдогийг эрдэмтэд тогтоов. >> 7 сарын 20 — Дэлхий даяар өдөр бүр 100 000 гаруй гэр ахуйн ухаалаг цахилгаан хэрэгслүүд (ухаалаг тв, ухаалаг хөргөгч...) интернэтэд холбогдсноос болж шинээр вирустэж хакеруудын мэдэлд ордог байна. >> 7 сарын 18 — Эх орноороо мориор аялах "Морьтон Монгол" төслийн 5 гишүүнтэй багийнхан 5 сараас аяллаа эхэлж одоо 3000км зам туулж Хөвсгөл аймгийн Баянзүрх суманд хүрлээ. Тэд нийт замынхаа 40%-ийг туулжээ. >> 7 сарын 16 — АНУ-ын Калифорнид усыг үргүй хэрэглэсэн болон хамаагүй гоожуулсан иргэн, байгууллагыг өдөрт 500 ам.дол-оор торгох хуулийг баталлаа. >> 7 сарын 15 — Google Map-ийн илүү дэлгэрэнгүй харуулдаг Street View үйлчилгээ нь энэ 8 сараас эхлэн Монголын хотууд ба зам гудамжыг дэлгэрэнгүйгээр нэтийн газрын зургаараа харуулж эхлэнэ. Ингэснээр хэрэглэгч дурын зам дээрх цэгээсээ эргэн тойрноо 360 градус ажиглах боломжтой. 7 сарын 13 — АНУ-ын Бэлл Лабс компанид энгийн холбооны зэс утсаар 10 гигабитийн хурдтай интернэт дамжуулж шилэн каблиас илүү технологийн боломжийг батлав. >> 7 сарын 11 — Калифорны их сургуулийн судлаачдын гаргаж авсан энгийн элсний хольцтой лити ион зай нь одооны гар утаснуудад хэрэглэдэг лити ион зайнаас 3 дахин их хүчин чадалтай байна. >> 7 сарын 9 — Монгол улсын нэн ховордсон амьтан, ургамлын бүртгэл болох шинэ “Улаан ном”-ыг Байгаль Орчин Ногоон Хөгжлийн яамнаас redbook.mn вэбээр үнэгүйгээр цахим номын хэлбрээр тарааж эхэллээ. 7 сарын 3 — Ekocycle-3D гурван хэмжээст хэвлэгч нь хаягдал ундааны савыг ашиглан бүх төрлийн хуванцар эдлэлийг шинээр хэвлэдэг анхны эко ажиллагаатай хэвлэгч боллоо. >> 7 сарын 2 — Хонконгд өчигдөр 80000 гаруй иргэдийн Бээжингийн бодлогын эсрэг ба илүү их ардчилалийг шаардсан жагсаал боллоо. >> 6 сарын 29 — 3 хэмжээст хэвлэлийн аргаар хүний бүх эрхтэнг эс бүрээр нь бүтээж хэвлэх цаг ойртсоор байна. Одоогийн био 3 хэмжээст хэвлэлийн аргаар хүний судас ба зарим жижиг эрхтний хэсгийг бүрэн хэвлээд байна. >> 6 сарын 21 — Герман улс анх удаагаа нийт цахилгаан үйлдвэрллийнхээ 50%-ийг нарны эх үүсвэрээр хангаж 23 гигаваттыг үйлдвэрллээ. Германы 90% нарны хавтангууд нь байшингийн дээвэр дээр байрладаг, Монголоос 40% нарны илчлэг султай орон юм. >> 6 сарын 20 — Монголд анх удаагаа зохиогдож байгаа андергроунд төрлийн киноны "Алтан хальс" олон улсын уралдаанд 33 бүтээл өрсөлдөж байна. >> 6 сарын 16 — Бразилд болж буй хөлбөмбөгийн ДАШТ-д баг нь хожигдсон Японы хөгжөөн дэмжигчид тэмцээний дараа нутгийн заншлаараа бүгдээрээ хогийн уут барин суусан суудал доорх хогоо цэвэрлэж цэнгэлдэхийн хэсэг газрыг цэвэрлэсэн нь бусад орныхныг гайхшруулж өөрөөсөө ичэхэд хүргэжээ. >> 6 сарын 15 — Испаний Ибиза арлын иргэд арлынх нь орчимд газрын тосны хайгуул хийхийг эсэргүүцэж 60000 иргэд нь эсэргүүцэлд гарын үсэг зурж дэлхийн экологийн өвөөр бүртгэгдсэн арлаа хамгаалжээ. >> 6 сарын 10 — Одоогийн нарны цэнэг хураагч хавтангаас 40% илүү чадалтай ба илүү хямд хавтангийн технологийг Калифорны их сургуулийн профессор Али Жави гаргаж авав. >> 6 сарын 9 — Туул голыг хамгаалах судлах чиглэлээр “Туул форум”-ыг Байгаль орчин, ногоон хөгжлийн яам, Туул голын сав газрын захиргаа, 2030 Усны нөөцийн бүлэг төрийн бус байгууллага хамтран зохион байгуулж Туул Голын Сав Газрын Зөвллийг үүсгэн байгуулав. >> 6 сарын 2 — АНУ-ын Колумбын их сургуулийн эрдэмтэд анх удаа хүний үүдэл эснээс үений зөөлөн эдийг лабораторид ургуулж чадлаа. >> 5 сарын 28 — Гүүгл компани огт жолоогүй, тоормосгүй, хазгүй цэвэр өөрийгөө жолооддог хиймэл оюуны удирдлагтай 2 хүний суудалтай бүрэн суудлын тэргээ туршилтаар үйлдвэрлэн гаргаж эхэллээ. >> 5 сарын 25 — Олон улсын сайн дурын иргэд нийлээд нийтийн санхүүжилтийн (crowdfunding) аргаар 150 000 ам.дол-ыг саяхан цуглуулж 1978 онд хөөргөөд 1997 он хүртэл манай нарны аймагт сүүлт оддыг судалж байсан "Нар-Дэлхий Судлаач-3" хиймэл дагуултай дахин холбоо тогтоож ажилд оруулахаар боллоо. >> 5 сарын 20 — Германий ГСИ лабраторид химийн 117-р элементийг нээхэд Монголын эрдэмтэн Жадамбын Хуягтбаатар ахалж хамтран оролцжээ. >> 5 сарын 19 — Аргентиний Патагонид Титанозавр үлэг гүрвэлийн хамгийн аврага ясийг оллоо. 90 сая жилийн өмнө амьдарч байсан энэ үлэг гүрвэлийн яс 20м өндөр амьтных байжээ. >> 5 сарын 16 — Италийн зохион бүтээгч Жианлука Сада огт хигээсгүй дугуйтай бөгөөд эвхэгдээд дундаж спортын цүнхэнд багтдаг унадаг дугуйг зохион бүтээлээ. >> 5 сарын 15 — Макс Планкын институтын эрдэмтэд ба Сингапурын их сургуулын эрдэмтэд графинийг хязгааргүй дулаан дамжуулах чадвартай болхыг тогтоов. >> 5 сарын 8 — АНУ-ын Аляскад байгаа Пэблийн зэс ба алтны том уурхайг нээхийг орон нутгийн байгаль хамгаалагчид хүчтэй эсэргүүцэж тэмцснээс болж Рио Тинто компани уг уурхайд оролцохоо больж 19%-ийн хувьцаагаа Цагаан Ордны нөлөөлөл дор орон нутгийн байгууллагуудад хандивллаа. >> 5 сарын 6 — Сингапурт болсон 2014 оны Сонирхогчдын Шатрын Олон Улсын Аврагын тэмцээнд 39 орны оролцогчдоос Г.Мөнхбаяр (16 настай) 8 оноогоор түрүүлж Дэлхийн аварга болж, ОУ-ын Шатрын холбооны мастер цолны болзол биелүүллээ. >> 5 сарын 5 — Өмнөд Суданы Бэнтү дэхь чухал газрын тосны бүсэд босогчид ба засгийн газрын цэргүүдийн хооронд томоохон тулалдаан эхэлж Монголын энхийн сахиулагчдын хариуцсан хэсэг ид тулалдааны бүсэд орсон байна. >> 5 сарын 3 — Архитекторчид Амстердам хотод гурван хэмжээст хэвлэгчээр анхны бүрэн хэмжээний байшин барьж эхэллээ. Барилгыг ургамлын тосноос гарган авсан хуванцраар хэвлэж байна. >> 5 сарын 2 — Химийн 117 дахь хэт хүнд элементийг Германы ГСИ лабраторид хиймлээр гарган авч чадлаа. Одоогоор 117-р элементэд нэр өгөөгүй байна. >> 4 сарын 28 — Майкрософт корпораци Интернет эксплорер 6-11 веб хөтчийнхөө хэрэглэгчдэд хакерууд хэрэглэгчдийн компьютерлүү нэвтрэх эрх болон мэдээллийг мэдэж авч болзошгүйг анхааруулан, үүнийг засварлахаар ажиллаж байгаагаа мэдэгдлээ. >> 4 сарын 22 — Хитачи компани дэлхий дээрх хамгийн хурдан цахилгаан шат барих гэж байгаагаа мэдэгдлээ. 2016 онд Хятадын Гуанжоу хотод ашиглалтанд орох Гуанжоугийн санхүүгийн төвийн барилгад суурилуулагдах энэхүү цахилгаан шат нь 20 м/с хурдтай байх бөгөөд тус барилгын 1-р давхраас 95-р давхар хүртэл гарахад 43 секунд зарцуулна. >> 4 сарын 19 — Төслийн шатандаа байсан Вант улсын цамхгийн (Англи: Kingdom Tower) барилгын ажил ирэх долоо хоногоос эхлэх гэж байна. Саудын Араб улсын Жидда хотод баригдах энэхүү барилгыг 200 давхар бүхий 1000 м өндөртэй барихаар төлөвлөж байгаа бөгөөд баригдаж дуусаад дэлхийн хамгийн өндөр барилга болох юм. >> 4 сарын 19 — Волксваген компани 1 литр дизелиэр 160км явдаг цахилгаан-дизель машин XL1-ийг танилцуулав. XL1 нь зөвхөн зайгаараа 35км явж чадна. >> 4 сарын 18 — Сансрын Кеплер одон орны дурнаар анхны дэлхийтэй ойролцоо хэмжээтэй, одныхоо амьдрал байж болохуйц бүсэд тойрон эргэж буй гараг илрүүлжээ. Кеплер-186ф хэмээн нэрлэгдсэн энэхүү гараг нь дэлхийгээс 500 гэрлийн жилийн зайд оршдог байна. >> 4 сарын 15 — Графин нь металаас 200 дахин бөх, тунгалаг, зэснээс илүү цахилгаан дамжуулдаг ойрийн 30 жилд бүх үйлдвэрлэл ба технологид хувьсгал авчирах шинэ материал юм. >> 4 сарын 9 — Өнөөдөр МСҮТ-ийн 1000 оюутнууд Туул голын эргийн дагуу 16км хэсгийг цэвэрллээ. >> 4 сарын 3 — Санчир гаргийн дагуул Энселадусын өмнөд туйлын 30-40 км зузаан мөсөн бүрхүүл доор 8-16 км гүнтэй томоохон хэмжээний шингэн усан далай байгааг Кассини сансрын хөлгөөс авсан мэдээллээр НАСА-н эрдэмтэд нотолсон байна. >> 4 сарын 2 — Чили улсад 8.2 магнитудын хүчтэй газар хөдлөлт болсон байна. Газар хөдлөлтийн төв тус улсын Икике хотоос баруун хойш 92 км зайд байжээ. Газар хөдлөлтийн улмаас 6 хүн амь үрэгдсэн ба 2.11 м өндөртэй цунами үүсчээ. >> 4 сарын 1 — Автомашин үйлдвэрлэгч Мазда компани цахилгаан хөдөлгүүртэй машинаас ч илүү байгальд хоргүй машиний хөдөлгүүрийн технологи SkyActiv-г нээснээ зарлав. >> 3 сарын 31 — Улсын 1-р төв эмнэлэгт Үүдэл эсийг шилжүүлэх эмчилгээг анх удаа хийж анагаахын маш өндөр түвшиний эмчилгээг Монголд нэвтрүүллээ. >> 3 сарын 29 — "Монгол кино" ном гарлаа. Уг номонд кино урлагийн нэрт уран бүтээлчдийн бүрэн лавлахийг багтаажээ. 3 сарын 28 — АНУ-д 14 настай сургуулийн сурагч Garamond үсгийн хэлбэрээр бичиг баримтаа хэвлэхэд 30% бага принтерийн хор үрэгддэгийг олж үүнийг одоогийн Америкийн төрийн бичиг хэрэгт хэрэгжүүлвэл жилд 136 сая ам.доллар хэмнэхийг тооцоолжээ. >> 3 сарын 27 — Үндэсний түүхийн музейд ирэх 4 сарын 8-нд 160 орчим шинэ ховор үзмэртэй 1300 жилийн өмнөх эртний Монголын түүхийг танилцуулах үзэсгэлэн нээгдэнэ. 3 сарын 26 — Ямаа маш адтай ухаантай бөгөөд нэг юмаа 10 сар санадаг амьтан болхыг Лондоны Маригийн их сургуулийн эрдэмтэд тогтоов. >> 3 сарын 24 — 3 сарын 8-наас сураггүй Малайзын нисэх онгоц Энэтхэгийн далайн өмнөд хагаст унасан байжээ. 239 хүнээс нэг нь ч амь гарсангүй. 3 сарын 22 — Казах болон өөр олон үндэстнүүдийн дунд өргөн дэлгэр тэмдэглэгддэг Науризын баяр болж байна. Науриз гэдэг нь шинэ өдөр гэсэн утгатай Перс гаралтай үг юм. 3 сарын 21 — Биткойний саяхан хаагдсан дижитал зах зээл Mt.Gox-ын албанаас "мартагдсан" хард дискэнд байгаа 116 сая долларын ханш бүхий 200000 биткойнийг олсноо зарлав. Нийт 850000 биткойнийг хакеруудад алдсан тус зах зээл өнгөрсөн сард дампуурлаа зарласан юм. >> 3 сарын 20 — Харвардын их сургуулийн одон орончид ертөнц их тэсрэлтээр үүссэний дараахан болсон таталцлалын долгионийг илрүүлж ертөнцийн үүслийн чухал эх үүсвэрийг бататгав. >> 3 сарын 19 — Европын Холбооны парламентаас тамхины хайрцган дээр гэмтсэн эрхтнүүдийн зургийг томоор хэвлүүлэхийг хуульчиллаа. Монгол улсын хувьд мөн адилаар архины шил ба хайрцган дээр архинд гэмтэх эрхтний зургийг тавьж нийтийн эрүүл мэндийг хамгаалах боломжтой. >> 3 сарын 16–18 — Украйн улсын Бүгд Найрамдах Өөртөө Засах Крым Улс, Севастополь хотын иргэд нийтийн Украйнаас салж Орост нэгдэхийг дэмжсэн санал асуулгын дүнг үндэслэж Крымын засгийн газраас «Бүгд Найрамдах Крым Улс» Украйнаас тусгаар тогтносныг зарлалаа. Үүнээс Орос улс Крымыг авахаа мэдэгдэж, цэрэг зэвсэг оруулан хамгаалж байна. 3 сарын 17 — Германы 2600 оршин суугчтай Вилдполдсрайд суурин нар салхины эрчим хүчинд бүрэн холбогдож хэрэгцээнээсээ 500% илүү цахилгаан үйлдвэрлэж илүүдлээ улсынхаа төв шугманд зарж жилдээ 4 сая евро олдог. >> 3 сарын 14-15 — АНУ-ын Вашингтон хотноо АНУ-д сурч, ажиллаж буй Монгол улсын иргэдийн дунд "Надад хэлэх үг байна-4" хэмээх илтгэлийн тэмцээн амжилттай зохион байгуулагдлаа. Тэмцээнд АНУ-ын өнцөг булан бүрээс ирсэн 18 залуу өрсөлдсөн байна. Энэхүү тэмцээн нь анх 2011 оноос зохиогдож эхэлсэн бөгөөд өмнөх тэмцээнүүд Лос-Анжелес, Сан-Франциско, Чикаго хотуудад болж байжээ. 3 сарын 14 — Монголоос өдөрт дунджаар англи Википедиаг 56000 удаа, монгол Википедиаг 16000 удаа үзэж байна. Одоогоор иргэдийн 25% интернэтэд холбогдсон.>> 3 сарын 12 — Хангайн нурууны ойд 1100 жилийн настай царс мод олдсон бөгөөд цаашид 1000 жил ч байх боломжтойг мэдээлжээ. >> 3 сарын 12 — Олон улсын эрдэмтэд манай галактикаас шинээр нээсэн HR5171 A аврага шар од нарнаас 1300 дахин том бөгөөд 1 сая дахин хурц гэрэлтдэгийг тогтоов. >> 3 сарын 10 — “Эрдэнэс Тавантолгой” компани нүүрсний уурхайн метан хийг ашиглах төсөл хэрэгжүүлэхээр болжээ. Энэхүү төслийг Өмнөд Солонгосын “Korea Gas Corporation” болон Монголын өрөмдлөгийн “Элгэн” компанитай хамтран хэрэгжүүлнэ. 3 сарын 10 — Бусаны олон улсын кино наадмын тэргүүн шагналт “Алсын удирдлага” киноны хөгжмийг зохиосон хөгжмийн зохиолч С.Сансаргэрэлтэхийг "Алтан гадас одон"-гоор шагналаа. 3 сарын 8 — Малайзын Куала-Лумпураас Хятадын Бээжинг зорьж 239 хүн тээн шөнөөр хөдөлсөн Боинг-777 загварын нисэх онгоц (дээрх зураг) Хятадын өмнөд тэнгис дээгүүр нисч яваад ор сураггүй алга болов. 3 сарын 7 — Өвлийн XI паралимпын наадам ОХУ-н Сочи хотноо эхлэв. Уг паралимпэд 45 орны 550 тамирчин 5 спортын төрлөөр өрсөлдөж байна. Монгол улсаа төлөөлөн Батмөнхийн Ганболд уулын цанын төрлөөр орж байна. 3 сарын 2 — Фейсбүүкийн үүсгэн байгуулагч 29 настай Марк Зүкерберг (доорх зураг) өнгөрсөн онд 1 тэрбум долларыг хандивт өгч дэлхийн 2013 оны шилдэг хандивлагч боллоо. >>