Долоннуурын чуулган

Долоннуурын чуулган бол Халхын ноёд, Халх-Ойрадын хоорондын тэмцлийг Манжид ашигтайгаар шийдвэрлэсэн чуулган бөгөөд тус чуулганы шийдвэрээр Халх Монголын газар нутаг нь Чин улсын харъяат болжээ.

1691 оны 4-р сарын эцсээр Энх-Амгалан хаан 16 хүрээ, 23 баг цэргээр хамгаалуулж Долоннуурт ирж 5-р сарын шинийн 2-нд чуулган эхэлжээ. Тус чуулганд Манж улсын Энх-амгалан хаан тэргүүтэй дээд зиндааны ноёд, түшмэл, Халхын Түшээт хан Чахундорж, Өндөр гэгээн Занабазар, Сэцэн хан Өмэхэй, Засагт ханы ойр угсааныхан бүгд 500 гаруй ноёд, тайж нар, мөн өвөрлөгч 49 хошууны нөлөө бүхий том ноёд оролцжээ.

Түүхийн тойм засварлах

Манж улсын төрөөс чуулган хийх газрыг Долоннуурт сонгож авсан нь:

  1. Халхын хант улсын газар нутаг Ойрадын Галдан хааны мэдэлд байсан
  2. Мүгдэн, Бээжин, Халх, Өвөр Монголын нутгийн заагт орших, олны хөлийн газрыг сонгон авсан нь Манж хаан сүр хүчээ олны өмнө гайхуулах, алдаршуулахад анхаарсан хэрэг байв.
  3. Тус нутаг нь эртний Юань улсын Дээд нийслэлийн хүрээний нутаг байсан тул уг газар нь нилээн чухал ач холбогдолтой байсан юм.[баримт хэрэгтэй]

Хааны төлөөний сайд чуулганы ажлыг тусгайлан бэлтгүүлж, ёслолын дэс дараа, дэг ямбыг маш нарийн зохион байгуулсан байжээ.

1691 оны 4-р сарын эцсээр Энх-Амгалан хаан 16 хүрээ, 23 баг цэргээр хамгаалуулж Долоннуурт ирж 5-р сарын шинийн 2-нд чуулган эхэлжээ. Тус чуулганд Манж улсын Энх-амгалан хаан тэргүүтэй дээд зиндааны ноёд, түшмэл, Халхын Түшээт хан Чахундорж, Өндөр гэгээн Занабазар, Сэцэн хан Өмэхэй, Засагт ханы ойр угсааныхан бүгд 550 гаруй ноёд, тайж нар, мөн өвөрлөгч 49 хошууны нөлөө бүхий том ноёд оролцжээ. Долоннуурын Асу хэмээх хаалганы өмнө их ёслолыг үйлдэж, Манжийн хааны зарлигийг уншин сонсгожээ. Зарлигийн агуулга нь 1680-аад оноос хойш Халхын талаар явуулсан төрийн бодлого, цаашид Халхыг хэрхэн захирах талаар тодорхой дурджээ.

Тус чуулганаар Халхын 36 ноёдыг хошуу захирах засаг ноён болгож, манжийн төрийн цолыг дараах тоогоор олгосон: 1 чин ван, 5 жүн ван, 3 бэйл, 6 бэйс, 3 түшээ гүн, 1 туслагч гүн, 15 тэргүүн зэрэг тайж[1] олгож, 36 ноёныг хошууны засаг ноён болгосноос Түшээт хан Чахундорж, Сэцэн хан Өмэхэй хоёрт Чин гүрний цол хэргэм шагнаагүй ажээ. Түшээт хан аймагт 17 хошуу (Эдгээрийн 8 хошуу нь Сайн ноёны удмын ноёдын хошууд), Сэцэн хан аймагт 10, Засагт хан аймагт 8 хошууг[1][2] тус тус тус хуваан захируулжээ.

Тийнхүү Халхыг Манжийн харъяат гэж албан ёсоор тунхагласан нь нийт Монголын тусгаар тогтнолын үйл хэрэгт ихээхэн хохирол учруулсан юм. Энэ үйл явдалд их ач холбогдол өгч байсан нь юуны өмнө, Халхын хант улсыг оруулж авснаар цааш Зүүнгар, Хөх нуур, Түвэд, Хами зэрэг улс орнуудад төрийн бодлогоо явуулах боломж нээгдсэн төдийгүй тэдгээрийг байлдан эзлэхэд Өвөр Монгол, Халхын цэргийн хүчийг ашиглах боломж олж буй зэрэгтэй холбоотой байв.

Халхын засаг ноёд засварлах

Долоннуурын чуулганы дараах 36 хошууны засаг ноёд[2]
Ноёдын нэр Манжаас өмнөх цол Манжийн соёрхосон цол Хошууны нэр[3] Тайлбар
Түшээт хан аймаг
1. Чахундорж Очирай Түшээт хан Манжаас цол олгоогүй Түшээт ханы хошуу
2. Гүрүшихи Мэргэн жонон жүн ван Мэргэн вангийн хошуу
3. Галдандорж хунтайж жүн ван Дархан чин вангийн хошуу Түшээт ханы хошуунаас салбарласан
4. Шидишири баатар хунтайж төрийн бэйл Зоригт вангийн хошуу Түшээт ханы хошуунаас салбарласан
5. Шибдуй[4] хатанбаатар улсад туслагч гүн Баатар вангийн хошуу Түшээт ханы хошуунаас салбарласан
6. Чамчугнамжил[5] тайж тэргүүн зэргийн тайж Эрдэнэ дайчин вангийн хошуу Түшээт ханы хошуунаас салбарласан
7. Баран/Багаран[6] тайж тэргүүн зэргийн тайж Бишрэлт гүнгийн хошуу Түшээт ханы хошуунаас салбарласан
8 Байнжурдорж[7] тайж тэргүүн зэргийн тайж Далай гүнгийн хошуу Түшээт ханы хошуунаас салбарласан
9. Цэрэн[8] эрх ахай[9] тэргүүн зэргийн тайж Ачит гүнгийн хошуу Мэргэн вангийн хошуунаас салбарласан
Сайн ноёны аймаг (1725 он хүртэл Түшээт хан аймгийн харъяанд байсан)
1. Шамба итгэлт найрт эрх дайчин ноён[10] жүн ван Сайн ноён ханы хошуу
2. Гомбо[11] хөндлөн дайчин дүүргэч[12], хүндлэн бошгот[13] жүн ван Далай Чойнхор вангийн хошуу Сайн ноёны хошуунаас салбарласан
3. Тод-Эрдэнэ[14] эрх ахай[15] улсын түшээ гүн Эрдэнэ жүн вангийн хошуу Сайн ноёны хошуунаас салбарласан
4. Сутай илдэн[16] заан хунтайж улсын түшээ гүн Илдэн гүнгийн хошуу Сайн ноёны хошуунаас салбарласан
5. Ванчиг[17] тайж улсын түшээ гүн Жонон гүнгийн хошуу Сайн ноёны хошуунаас салбарласан
6. Аюуш[18] үйзэн ноён[19] тэргүүн зэргийн тайж Саруул гүнгийн хошуу Сайн ноёны хошуунаас салбарласан
7. Тоба[20] эрх ахай[21] тэргүүн зэргийн тайж Цогтой гүнгийн хошуу Сайн ноёны хошуунаас салбарласан
8. Данзан-Эрдэнэ[22] тайж тэргүүн зэргийн тайж Ёст бэйлийн хошуу Сайн ноёны хошуунаас салбарласан
Засагт хан аймаг
1. Цэвээнжав[23] Засагт хан хошой чин ван Засагт ханы хошуу
2. Зодов[24] илдэн дармашири бэйл Эрдэнэ бэйсийн хошуу Засагт ханы хошуунаас салбарласан
3. Бүүвэй[25] Бэсүдийн цагаан бар ноён[26] бэйс Илдэн гүнгийн хошуу Засагт ханы хошуунаас салбарласан
4. Соном-Ишжав[27] эрдэнэ дайчин[28] тэргүүн зэргийн тайж Жонон вангийн хошуу Засагт ханы хошуунаас салбарласан
5. Гүнчин[29] (Гунжан[30]) хатанбаатар[30] тэргүүн зэргийн тайж Зоригт вангийн хошуу Засагт ханы хошуунаас салбарласан
6. Эрдэнэгомбо[31] зоригт увш[32] тэргүүн зэргийн тайж Баатар бэйсийн хошуу Засагт ханы хошуунаас салбарласан
7. Үржин/Норжин[33] сэцэн хунтайж[34] тэргүүн зэргийн тайж Ёст бэйлийн хошуу Засагт ханы хошуунаас салбарласан
8. Аюуш Хамар[35] дайчин тэргүүн зэргийн тайж Бишрэлт гүнгийн хошуу Засагт ханы хошуунаас салбарласан
Сэцэн хан аймаг
1. Өмэхэй Сономдорж Махасамади Сэцэн хан Манжаас цол аваагүй Сэцэн ханы хошуу
2. Намжил[36] эрдэнэ хунтайж, эрдэнэ жонон[37] жүн ван Дархан вангийн хошуу Сэцэн ханы хошуунаас салбарласан
3. Пунцаг[38] илдэн тойн, илдэн жонон[39] бэйс Илдэн жүн вангийн хошуу Сэцэн ханы хошуунаас салбарласан
4. Цэрэндаш[40] эрдэнэ ахай тэргүүн зэргийн тайж Ёст бэйсийн хошуу Сэцэн ханы хошуунаас салбарласан
5. Гүржав[41] тайж тэргүүн зэргийн тайж Хурц вангийн хошуу Сэцэн ханы хошуунаас салбарласан
6. Сарандаш[42] эрх хунтайж[43] тэргүүн зэргийн тайж Мэргэн гүнгийн хошуу Сэцэн ханы хошуунаас салбарласан
7. Цэвдэн[44] сэцэн жонон[45], эрх тайж[46] бэйл Жонон вангийн хошуу Сэцэн ханы хошуунаас салбарласан
8. Буджав[47] эрх тайж[48], жонон[45], эрдэнэ жонон[49] бэйс Эрдэнэ далай вангийн хошуу Сэцэн ханы хошуунаас салбарласан
9. Дарь[50] илдэн хунтайж[48], илдэн жонон[51] бэйс Бишрэлт вангийн хошуу Сэцэн ханы хошуунаас салбарласан
10. Ананд[52] эрх хунтайж[43], далай жонон[53] бэйс Чин ачит вангийн хошуу Сэцэн ханы хошуунаас салбарласан
11. Цэвдэн[54] жонон[55], цэцэн жонон[56] бэйс Сэцэн вангийн хошуу Сэцэн ханы хошуунаас салбарласан

Холбоотой мэдээлэл засварлах

  • Галдан бошигт хаан
  • Занабазар
  • Энх-амгалан хаан
  • Долнуур


    Эшлэл засварлах

    1. 1.0 1.1 Б, Балжинням (2012). Дэлхийн Монголчуудын Түүх. Vol. 7. Улаанбаатар. p. 9.
    2. 2.0 2.1 ., Галдан туслагч (2006). Эрдэнийн эрих. Улаанбаатар. pp. 145–156.{{cite book}}: CS1 maint: numeric names: authors list (link)
    3. Богд хаант Монгол Улсаас олгосон хошууны нэр
    4. элэнц өвөө нь Автай сайн хан, өвөө нь Шибагудай өлзийт хунтайж, аав нь Мужан убаши хунтайж
    5. Элэнц өвөө нь Эрээхий мэргэн хан, өвөө нь Дорж дүүргэгч ноён, аав нь Дэсврэл (Лхасожав) чин хунтайж
    6. Өвөө нь Эрээхий мэргэн хан, аав нь Лабдар холч дархан хунтайж
    7. Өвөө нь Чахундорж хан, аав нь Намжилдорж эрдэнэ бандида
    8. элэнц өвөө нь Абуху мэргэн ноён, өвөө нь Ангаахай мэргэн ноён, аав нь Бадмаши мэргэн цөөхүр ноён
    9. Боржигин, Шамба (2006). Асрагч нэртийн түүх. Улаанбаатар. p. 74.
    10. Дайчин гүрний дотоод яамны монгол бичгийн гэрийн данс. Vol. 11. Улаанбаатар: Соёмбо принтиг ХХК. 2010. p. 68.
    11. Түмэнхэн сайн ноёны отгон хөвүүн
    12. ., Шамба (2006). Асрагч нэртийн түүх. Улаанбаатар. p. 75.{{cite book}}: CS1 maint: numeric names: authors list (link)
    13. Дайчин гүрний дотоод яамны монгол бичгийн гэрийн данс. Vol. 11. Улаанбаатар: Соёмбо принтинг ХХК. 2010. p. 69.
    14. элэнц өвөө нь Түмэнхэн сайн ноён, өвөө нь Жодов сэцэн ноён, аав нь Соном сэцэн дайчин хушууч
    15. Боржигин, Шамба (2006). Асрагч нэртийн түүх. Улаанбаатар. p. 77.
    16. Цогт тайжийн хөвүүн
    17. элэнц өвөө нь Данзан лам, өвөө нь Дайчин хошууч, аав нь Дэгдээхэй мэргэн ахай
    18. өвөө нь Түмэнхэн сайн ноён, аав нь Цогт үйзэн ноён
    19. Боржигин, Шамба (2006). Асрагч нэртийн түүх. Улаанбаатар. p. 79.
    20. Хуланц өвөө нь Түмэнхэн сайн ноён, элэнц өвөө нь Жодов сэцэн ноён, өвөө нь Цаман цөөхүр лам, аав нь Бунтар дайчин цөөхүр
    21. Боржигин, Шамба (2006). Асрагч нэртийн түүх. Улаанбаатар. p. 76.
    22. элэнц өвөө нь Түмэнхэн сайн ноён, өвөө нь Бамилингарьд баатар эрдэнэ, аав нь Бичигэдэй эрх ахай дайчин
    23. Засагт хан Цэнгүүний хөвгүүн
    24. Лайхур ханы хөвгүүн Убадай дармаширийн хөвгүүн
    25. хуланц өвөө нь Төвөд хатанбаатар, элэнц өвөө нь Хонхуй сэцэн ноён, өвөө нь Цэрэнжав ахай дайчин, аав нь Цэвээндорж цагаан барс (хожим Тэнгэр тойн цолтой болсон)
    26. Дайчин гүрний дотоод яамны монгол бичгийн гэрийн данс. Vol. 11. Улаанбаатар: Соёмбо принтинг ХХК. 2010. p. 89.
    27. хуланц өвөө нь Төвөд хатанбаатар, элэнц өвөө нь Хонхуй сэцэн жонон, өвөө нь Цэрэн цөөхүр, аав нь Дорж зоригт жонон
    28. Боржигин, Шамба (2006). Асрагч нэртийн түүх. Улаанбаатар. p. 70.
    29. элэнц өвөө нь Төвөд хатанбаатар, өвөө нь Бадма хатанбаатар, аав нь Цэрэнгомбо хатанбаатар
    30. 30.0 30.1 Шар тууж. Улаанбаатар. 2006. p. 207.
    31. элэнц өвөө нь Лайхур хан, өвөө нь Убадай дармашири, аав нь Номч Тайван хунтайж
    32. Шар тууж. Улаанбаатар. 2006. p. 80.
    33. элэнц өвөө нь Төвөд хатанбаатар, өвөө нь Хонхуй сэцэн жонон, аав нь Цагаанжав сэцэн ноён
    34. Шар тууж. Улаанбаатар. 2006. p. 81.
    35. хуланц өвөө нь Төвөд хатанбаатар, элэнц өвөө нь Хонхуй сэцэн жонон, өвөө нь Гүр номч тайж, аав нь Бодох тайж
    36. Норов сэцэн ханы хөвгүүн
    37. Дайчин гүрний дотоод яамны монгол бичгийн гэрийн данс. Vol. 11. Улаанбаатар: Соёмбо принтинг ХХК. 2010. p. 52.
    38. Норов сэцэн ханы хөвгүүн
    39. Дайчин гүрний дотоод яамны монгол бичгийн гэрийн данс. Vol. 11. Улаанбаатар: Соёмбо принтинг ХХК. 2010. p. 77.
    40. өвөө нь Шолой сэцэн хан, аав нь Чойжав уваш хунтайж
    41. Элэнц өвөө нь Шолой сэцэн хан, өвөө нь Чойжав увш хунтайж, аав нь Данзан дайчин хунтайж
    42. элэнц өвөө нь Шолой сэцэн хан, өвөө нь Лабури эрх тайж, аав нь Номун Зайсан хунтайж
    43. 43.0 43.1 ., Шамба (2006). Асрагч нэртийн түүх. Улаанбаатар. p. 82.{{cite book}}: CS1 maint: numeric names: authors list (link)
    44. Шолой сэцэн ханы хөвгүүн
    45. 45.0 45.1 Шар тууж. Улаанбаатар. 2006. p. 215.
    46. Дайчин гүрний дотоод яамны монгол бичгийн гэрийн данс. Vol. 11. Улаанбаатар: Соёмбо принтинг ХХК. 2010. p. 73.
    47. Шолой сэцэн ханы хөвгүүн
    48. 48.0 48.1 ., Шамба (2006). Асрагч нэртийн түүх. Улаанбаатар. p. 81.{{cite book}}: CS1 maint: numeric names: authors list (link)
    49. Дайчин гүрний дотоод яамны монгол бичгийн гэрийн данс. Vol. 11. Улаанбаатар: Соёмбо принтинг ХХК. 2010. p. 80.
    50. Шолой ханы хөвүүн Мачари илдэн түшээтийн хөвүүн
    51. Дайчин гүрний дотоод яамны монгол бичгийн гэрийн данс. Vol. 11. Улаанбаатар: Соёмбо принтинг ХХК. 2010. pp. 86–87.
    52. Шолой сэцэн ханы хөвгүүн
    53. Дайчин гүрний дотоод яамны монгол бичгийн гэрийн данс. Vol. 11. Улаанбаатар: Соёмбо принтинг. 2010. p. 83.
    54. Шолой сэцэн ханы хөвгүүн
    55. Шар тууж. Улаанбаатар. 2006. p. 87.
    56. Дайчин гүрний дотоод яамны монгол бичгийн гэрийн данс. Vol. 11. Улаанбаатар: Соёмбо принтинг ХХК. 2010. p. 92.