Далдан хүндүлэн ноён

Далдан хүндүлэн ноён нь Гэрсэнз жалайр хунтайжийн Хатунхай хатнаас төрсөн 6-р хүү юм. Түүнд Тангуд, Сартуул отгуудыг өгсөн.

Цолны талаар

Түүний цолыг хөндлөн хүндлэн гэж бичсээр ирсэн. Уг утга нь kündülen гэдэг нь хүндтэй, хүндлэм гэсэн санааг илэрхийлж байна.^[1]

Удам угсаа

Далдан хүндүлэн ноён нь хоёр хүүтэй байсан. Ахмад нь Ууба бөх ноён, отгон нь Зөнтэй Хатанбаатар нар болно.^[2] Засагт хан аймгийн Сэцэн вангийн хошууны (аман ярианд Сартуул Сэцэн вангийн хошуу гэж нэрлэдэг) дээд өвөг болжээ. Одоогийн Завхан аймгийн Ургамал, Завханмандал, Сант-Маргац, Цэцэн уул, Сонгино, Дөрвөлжин, Эрдэнэхайрхан сумын ихэнх нутаг, Яруу, Алдархаан сумдын баруун хэсэг, Түдэвтэй сумын урд хэсэг, Увс аймгийн Завхан сумын нутаг тус тус Сэцэн вангийн хошуунд харъяалагдаж байсан.^[3]

Гэр бүл

Эцэг: Гэрсэнз жалайр хунтайж
Эх: Хатунхай хатан
Хатан: Урианханы Буйдурунгийн охин Мандал хатан^[4]
Хүү: Ууба бөх ноён, Зөнтэй хатанбаатар
Охин: Түнхэн абай (Ойрадын Тогуйд өгсөн)^[4]

Холбоотой мэдээ

Эшлэл

↑ Ж.Гэрэлбадрах "Дөчин, Дөрвөн хоёрын Монгол улсын язгууртны цол зэрэг" УБ., 2010. 104-105 дахь тал
↑ Алтан ураг. УБ., 2011 он. Гурав дахь удаагийн хэвлэл. 326 дэх тал
↑ Алтан ураг. УБ., 2011 он. Гурав дахь удаагийн хэвлэл. 329 дэх тал
↑ ^4.0 ^4.1 Үндэсний их шар тууж оршивой. УБ., 2006. 101 дэх тал

[1] Ж.Гэрэлбадрах "Дөчин, Дөрвөн хоёрын Монгол улсын язгууртны цол зэрэг" УБ., 2010. 104-105 дахь тал

[2] Алтан ураг. УБ., 2011 он. Гурав дахь удаагийн хэвлэл. 326 дэх тал

[3] Алтан ураг. УБ., 2011 он. Гурав дахь удаагийн хэвлэл. 329 дэх тал

[:0-4] 4.0 ^4.1 Үндэсний их шар тууж оршивой. УБ., 2006. 101 дэх тал

[1]

[2]

[3]

[4]