Википедиа:Сүүлийн үеийн мэдээ-2022
- 2022 оны 12 сарын 18 - Аргентины хөлбөмбөгийн шигшээ баг финалд Францын багийг торгуулийн цохилтоор хожиж, дэлхийн гурван удаагийн аварга болсон; Аргентины багийн ахлагч Лионель Месси дэлхийн аварга шалгаруулах тэмцээнд хамгийн олон тоглолт хийсэн рекордыг тогтоож, тэмцээний шилдэг тоглогчоор тодорчээ.
- 2022 оны 11 сарын 30 - Хятадын Коммунист Намын Ерөнхий нарийн бичгийн дарга асан Зян Зэминь 96 насандаа нас барав.
- 2022 оны 11 сарын 20 - Катар улсад Хөлбөмбөгийн Дэлхийн аварга шалгаруулах тэмцээн эхлэв.
- 2022 оны 11 сарын 16 - НАСА 2024 онд хүмүүсийг сар руу хүргэх Артемис сансрын хөлөгийн туршилтийн нислэгийг үйлдэв.
- 2022 оны 11 сарын 15 - НҮБ-ээс дэлхийн хүн амыг 8 тэрбумд хүрсэн гэж зарлав.
- 2022 оны 10 сарын 24 - Лиз Трассыг орлож Их Британий Консерватив Намын дарга ба ерөнхий сайдаар Риши Сунак томилогдов.
- 2022 оны 10 сарын 22 - Ши Жиньпин Хятадын Коммунист Намын Ерөнхий нарийн бичгийн даргаар гурав дахь удаагаа улиран сонгогдов.
- 2022 оны 9 сарын 30 - Орос улс Украины Луханск, Донецк, Запорожье, Херсон дөрвөн мужид салан тусгаарлах санал асуулга явуулж, бүрэлдэхүүндээ нэгтгэсэн нь олон улсад эрс шүүмжлэлд өртөв.
- 2022 оны 9 сарын 26 - АНУ-ын НАСА агентлаг DART хөлөгөө Диморфос бага гарагт мөргөлдүүлж, сансрын биет дэлхийтэй мөргөлдөхөөс өмнө сарниулах туршилтийг гүйцэтгэв.
- 2022 оны 9 сарын 26 - Оросоос Балтын тэнгисийг дайруулан Герман руу ирэх усан доорх хийн хоолойн гурван шугамд гэнэтийн даралтын уналт бий болжээ. Шалгалтын явцад 90 метрийн гүн дэх уг гурван шугамын хоолойнуудыг дэлбэлсэн болохыг тогтоожээ.
- 2022 оны 9 сарын 21 - Монгол Улсын ерөнхийлөгч Ухнаагийн Хүрэлсүх Нэгдсэн Үндэстний Байгууллагын Ерөнхий Ассамблейн (зураг) 77 дугаар чуулганд оролцож байна.
- 2022 оны 9 сарын 21 - Украины Донецк болон Луханск мужийг Оросын Холбооны Улсын бүрэлдэхүүнд орох эсэх нийтийн санал асуулга явуулна гэж оросын ерөнхийлөгч В. Путин мэдэгдэв.
- 2022 оны 9 сарын 19 - Сербийн нийслэл Белград хотод зохиогдож буй Чөлөөт Бөхийн Дэлхийн Аварга Шалгаруулах Тэмцээний 61 килограммын жинд барилдсан Монгол Улсыг төлөөлөн оролцсон тамирчдаас Мөнхтөрийн Лхагвагэрэл, Долгоржавын Отгонжаргал нар мөнгөн медаль хүртсэн бол Нармандахын Наранхүү хүрэл медалийн болзол хангажээ.
- 2022 оны 2 сарын 24 - ОХУ-ын ерөнхийлөгч В.Путины тушаалаар тус улсын арми Украйн улсад халдан довтлов.