Ши Жиньпин

Ши Жиньпин (хят. 习近平, Xí Jìnpíng) - 2013 оны 3-р сарын 14-ний өдрөөс хойш БНХАУ-ын даргаар ажиллаж буй, Хятадын төрийн зүтгэлтэн, улс төрч юм.

Ши Жиньпин 
习近平

2019 онд

ХятадХятад Хятадын Коммунист Намын Ерөнхий Нарийн Бичгийн Дарга
Одоо хашиж буй
Албаа хүлээн авсан;
2012 оны 11 сарын 15
Өмнөх Ху Жиньтао

ХятадХятад Хятадын 7 дахь Ерөнхийлөгч
Одоо хашиж буй
Албаа хүлээн авсан;
2013 оны 3 сарын 14
Премьер Ли Көциан
Дэд Ерөнхийлөгч Ли Юаньчао
(2013-2018)
Ван Чишань
(2018 оноос хойш)
Өмнөх Ху Жиньтао

ХятадХятад Хятадын Цэргийн Төв Комиссын Дарга
Одоо хашиж буй
Албаа хүлээн авсан;
Намаас томилсон:
2012 оны 11 сарын 15
Улсаас томилсон:
2013 оны 3 сарын 14
Дэд дарга Фан Чанлон
Шу Чилиан
Жан Юушиа
Өмнөх Ху Жиньтао

ХятадХятад Хятадын Коммунист Намын Нэгдүгээр Орлох Нарийн Бичгийн Дарга
Албан тушаал хашсан
2007 оны 10 сарын 22 – 2012 оны 11 сарын 15
Өмнөх Жэн Чинхон
Дараах Лиу Юуньшань

ХятадХятад Хятадын Дэд Ерөнхийлөгч
Албан тушаал хашсан
2008 оны 3 сарын 15 – 2013 оны 3 сарын 14
Ерөнхийлөгч Ху Жиньтао
Өмнөх Жэн Чинхон
Дараах Ли Юаньчао

Төрсөн 1953 оны 6 сарын 15 (1953-06-15) (69 настай)
Бээжин, БНХАУ
Улс төрийн нам Хятадын Коммунист Нам
(1974 оноос хойш)
Гэр бүлийн хүн
  • Кэ Линлин (г. 1979; сал. 1982)
  • Фэн Лиюань (г. 1987)
Хүүхэд Ши Минзэ
Төгссөн сургууль Цинхуа Их Сургууль
Гарын үсэг
Цэргийн алба
Зүтгэсэн улс БНХАУ
Алба хаасан Ардын Чөлөөлөх Арми
Хашсан он 1979-1982
Цол Батлан Хамгаалах Сайд Гэн Биаогийн Нарийн Бичиг
Нэгж Цэргийн Төв Хорооны Ерөнхий Алба
Ши Жиньпин (2017)

Тэрээр 2012 оны 11-р сарын 15-ны өдөр Хятадын Коммунист Намын Ерөнхий нарийн бичгийн даргаар сонгогдсон.

Ши Жиньпин бол Хятадын улс төрийн системийн хамгийн өндөр албан тушаалтны нэг юм. Тэрбээр 2012 оны 11-р сарын 15-нд огцорсон БНХАУ-ын дарга Ху Жиньтаог залгамжлан ажиллаж байна.

Тэрбээр олон улсад өөрийн улс төрийн өрсөлдөгчөө нугачин дардаг арга барил, хүний амьдралын бүх хэсгийг тагнан удирдах оролдлого, Шинжиан дахь уйгар үндэстнүүдийг хомроглон хорих үйл ажиллагаа, үндэстний цөөнхийн эсрэг бодлого, Хятадын үндсэрхэг үзлийг өөхшүүлэн дэвэргэх хандлага, эдийн засгийн хаалттай бодлого, хүний эрхийг үл тоодог үзэл зэргээсээ үүдэн хүчтэй шүүмжлэл дагуулдаг.

НамтарЗасах

Ши Жиньпин 1953 оны 6 дугаар сарын 15-нд Бээжин хотод төрсөн. Хятадын дийлэнх олонхи болсон Хан үндэстэн. Эцэг Ши Жунсюнь (1913—2002) Шэньси мужийн Фупин дүүргээс гаралтай, 1930-аад оны үед Мао Зэдунтэй ойр хамтран зүтгэж байсан. 1949 онд БНХАУ байгуулагдахад өндөр албан тушаалтай байсан бөгөөд 1959-1962 онуудад Төрийн Зөвлөлийн орлогч дарга (Ерөнхий сайдын орлогч) байсан.

Ши Жиньпиний эцэг өндөр алба хашиж байсан тул түүний бага нас хангалуун байсан боловч 1962 онд түүний аавыг намын эсрэг хуйвалдаанд буруутгаж байжээ. 1965 онд эцэг Ши Жунсун Бээжингээс Хэнань муж руу хөөгдөн цөллөгдөж, "Соёлын хувьсгал" -ын үеэр (1966-1976) баривчлагдаж байжээ.

Хэлмэгдүүлэлт Ши Жиньпинг мөн тойроогүй ажээ. 1969 онд залуу Ши-г "хөдөлмөрөөр хүмүүжүүлэх лагерт" БНХАУ-ын Шэньси мужийн хамгийн ядуу дүүргийн нэг Янчуань тосгон руу илгээсэн байна.

Тэнд бараг долоон жилийн турш Ши Жиньпин их хүнд нөхцөлд амьдарсан байна: Түүний гэр нь агуй, тоосгон дээрх нимгэн хөнжил нь түүний ор, хувин нь түүний бие засах газар байсан гэдэг.

1971 онд тэрээр Хятадын Хувьсгалт залуучудын Эвлэлд элссэн байна.

1974 онд түүний аав нь шоронд байсан болов ч Ши Жиньпин Хятадын Коммунист намд (ХКН) элсэж, яваандаа тосгоны намын байгууллагын нарийн бичгийн дарга болжээ.

1975 онд Ши Жиньпин нэр хүндтэй Бээжингийн Чинхуа их сургуулийн хими, технологийн ангид элсэн оржээ. 1979 онд дунд сургуулиа төгсөөд хэсэг хугацаанд Төрийн Зөвлөл болон Цэргийн төв Зөвлөлийн Тамгын газрын нарийн бичгийн даргаар ажиллаж байжээ.

1985 онд Ши Фужиан мужийн Фужоу хотын намын хорооны нарийн бичгийн дарга болжээ. Дараа нь мужийн захирагч, Жэжян мужийн намын хорооны нарийн бичгийн дарга болж дэвшсэн байна. Үүний дараа тэрээр Хятадын удидлагын жинхэнэ төв болох Улс төрийн Товчоо, түүний Байнгын хороонд орохоосоо өмнө Шанхай хотын намын хорооны нарийн бичгийн даргаар ажиллаж байжээ.

2012 оны 11 дүгээр сард болсон ХКН-ын XVIII Их хурлаар Ши Жиньпин ХКН-ын Ерөнхий нарийн бичгийн даргаар сонгогдсон байна.

2013 оны 3 дугаар сарын 14-нд Бүх Хятадын Ардын төлөөлөгчдийн хурлаар БНХАУ-ын даргаар сонгогдсон.

Цахим холбоосЗасах

  Commons: Xi Jinping – Викимедиа зураг, бичлэг, дууны сан