Афин
Афин (гре. Αθήνα, Athina) нь Грекийн нийслэл бөгөөд хамгийн том хот нь юм. Аттика периферигийн ихэнхийг эзлэдэг. Афин нь дэлхийн хамгийн эртний хотуудын нэг бөгөөд 3,000 жилийн бичигдсэн түүхтэй.
| Афин хот Δήμος Αθηναίων (Αθήνα) | |||
|---|---|---|---|
| |||
| Ерөнхий | |||
| Улс: |  Грек
| ||
| Муж: | Аттика | ||
| Мужийн дүүрэг: | Төв Афин | ||
| Газар зүйн солбицол: | 37° 59′ У, 23° 44′ З | ||
| Газар нутаг: | 38.964 км² | ||
| Хүн ам: | 664,046 (2011[1]) | ||
| Хүн амын нягтрал: | 17,042.6 хүн/км² | ||
| Шуудангийн дугаар: | 10431–11855, 16121 | ||
| Суурингийн бэлгэдэл: |  | ||
| Захиргааны төв: | Афин | ||
| ОНЗ-1-ы нэгжийн код: | 4501 | ||
| Орон нутгийн дүүрэг: | байхгүй | ||
| Хотын дүүрэг: | 7 | ||
| Цахим хуудас: | www.cityofathens.gr | ||
| Аттика муж дахь байршил | |||
 | |||
Афины захиргаа доорх 39 км² газар нутагт 2001 оны байдлаар 745,514 хүн амьдарч байна. Афины хотын хүн ам нь 2005 оныхоор 3.37 сая хүн амтай байжээ. Афин мужийн газар нутаг нь 412 км² бөгөөд 3,192,606 хүн амтай. Афины Их Хотын Бүсийн (Larger Urban Zone, LUZ) хүн ам нь Европын холбоо дахь LUZ-уудаас наймд жагсдаг. Афин нь маш хөдөлгөөнтэй, олон орны иргэд амьдардаг газар бөгөөд Грекийн эдийн засаг, санхүү, аж үйлдвэр, улс төр, соёл урлагийн төв юм. Одоогоор Европын холбооны тэргүүлэгч бизнесийн төвүүдийн нэг болж хөгжсөөр байна. 2008 оны UBS-ын судалгаагаар дэлхийн 32 дахь баян хотоор шалгарчээ.
Сонгодог Афин хот нь их хүчирхэг хот-улс байв. Соёл урлаг, эрдэм мэдлэг, гүн ухааны төв байсан бөгөөд Платоны академи, Аристотелийн лицей зэрэг байрлаж байжээ. Афин хотод Сократ, Перикл, Софокл зэрэг философичид, мөн тухайн үеийн хамгийн алдар нэр бүхий зохиолч, улс төрчид төрсөн байна. МЭӨ 5 болон 4-р зууны үед Европ тивийн бусад газарт үзүүлсэн соёл урлаг, улс төрийн нөлөөнүүдээс нь болж Афин нь барууны соёл иргэншлийн ба ардчиллын үүсэн хөгжсөн газар гэгддэг.
Афинд сонгодог үеийн өв, нөлөө нь ихэд мэдрэгддэг бөгөөд энэ нь олон тооны эртний хөшөө дурсгал, уран зураг, барималуудад дүрслэгдэнэ. Эдгээрээс хамгийн алдартай нь эртний барууны соёл иргэншлийн тэмдэг гэгддэг Акрополь дахь Парфенон юм. Грекийнхээс гадна Афинд түүхийг нь өгүүлсэн Ром, Византын эзэнт гүрнүүдийн олон, Османы эзэнт гүрний цөөн тооны хөшөө дурсгал байдаг. 1830 оноос (Грекийн тусгаар тогтносон өдөр) хойших орчин үеийн зүйлүүд ч элбэг тохионо. Эдгээрт 19-р зууны Грекийн парламент, мөн Афины гурвал (номын сан, их сургууль, академи) ордог. Афин хотод 1896 оны анхны орчин үеийн Олимпын наадам зохиогдсон бөгөөд 108 жилийн дараа 2004 оны дахин амжилттайгаар зохион байгуулагдсан аж.
Газарзүй Засварлах
Уур амьсгал Засварлах
| Афин | ||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Уур амьсгалын диаграмм | ||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||
|
Сарын дундаж температур болон хур тунадасны хэмжээ: Афин
Эх сурвалж: meteoclub.gr; Sonnenscheindauer, Luftfeuchtigkeit, Wassertemperatur: wetterkontor.de
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Цахим холбоос Засварлах
Commons: Афин – Викимедиа дуу дүрсний сан |
Wiktionary: Афин – Энэ үгийг тайлбар толиос харна уу |
Эшлэл Засварлах
- ↑ Грекийн Үндэсний Статистикийн Газрын 2011 оны хүн амын тооллогын үр дүн (ΕΛ.ΣΤΑΤ) (Excel-Dokument, 2,6 MB)