Википедиа

Астон Вилла

Хөлбөмбөгийн Астон Вилла баг (Англи: Aston Villa Football Club) нь Английн Бирмингем их хотын Уиттон дүүргийн харъяат хөлбөмбөгийн баг бөгөөд Премьер лигт тоглодог. Астон Вилла нь 1874 онд байгуулагдсан гэдгээрээ Английн хөлбөмбөгийн ахмад багуудын тоонд орох агаад 1888 оноос явагдаж эхэлсэн Английн хөлбөмбөгийн лигийн анхдагдын нэг, 1992 онд статусаа өөрчилсөн Премьер лигийн мөн л анхдагчдын нэг юм.

Астон Вилла
Астон Вилла багийн сүлд
Бүтэн нэрХөлбөмбөгийн Астон Вилла баг
Хоч нэрВилла, Астон Вилла, Арслангууд
Байгуулагдсан1874[1]
Цэнгэлдэх хүрээлэнВилла Парк
Астон
Бирмингем B6 6HE
Англи7
(Багтаамж: 42,788[2][3])
ЭзэнАмерикийн Нэгдсэн УлсРэнди Лернер
МенежерШотландАлекс Маклиш
АхлагчБолгарСтилиян Петров
ЛигПремьер лиг
2019–2017-р байр
Цахим хуудасКлубийн цахим хуудас
Өөрийн талбай дээрх хувцас хэрэглэл
Өрсөлдөгчийн талбай дээрх хувцас хэрэглэл
Гурав дахь хувцас хэрэглэл
Энэ улирал

Вилла лигийн тэргүүн дивиз, Английн хөлбөмбөгийн холбооны цомд тус бүр долоо түрүүлсэн. Аваргуудын лигийн тэмцээнд Английн түүхэн дөрвөн баг түрүүлсэн байдгийн нэг нь Вилла бөгөөд Европын цом нэртэй байх үед нь 1981-82 оны улирлын шигшээ тоглолтонд Бавари Мюнхен багийн 1-0 харьцаагаар хожиж цомын болж байв.

Бирмингем хотоос хөлбөмбөгийн олон сайн баг төрөн гарсан бөгөөд түүний дотроос Бирмингем Сити, Астон Вилла нарыг онцлох нь зүй. 1879 оноос энэ хоёр багийн ширүүхэн өрсөлдөөний түүх эхлэлтэй. Багийн өмсгөлийн тухайд улаан дарсны өнгийг илтгэх цамц нь тэнгэрийн хөх өнгийн ханцуйтай бөгөөд цагаан богино өмд, цэнхэр оймс.

Түүх

засварлах

Хөлбөмбөгийн Астон Вилла баг нь 1874 оны гуравдугаар сард байгуулагдсан бөгөөд хамгийн анхны тоглолтоо Регби спортын багтай хийж байв. Эхний хагасыг регбийн дүрмээр, хоёрдугаар хагасыг хөлбөмбөгийн дүрмээр тоглохоор тохиролцон сонирхолтой гэмээр тоглолтыг хийсэн нь энэ байв. Цаашлаад 1880 онд Бирмингемийн Залуучуудын цомын тэмцээнд Виллагийн бүрэлдэхүүн Шотландын хөлбөмбөгчин Жорж Рамзигээр[4] ахлуулан түрүүлж Мидленд хавьдаа шилдэг баг болж байв.

 
1890-аад оны Астон Виллагийн бүрэлдэхүүн

1887 онд АХХ-ны цомд анх удаагаа түрүүлсэн бөгөөд Арчи Хантер гэгч тоглогч багийг ахлан тоглосон нь Астон Виллагийн анхны ахлагч гэдгээрээ тэмдэглэгдэн үлджээ. Дараа жил нь Хөлбөмбөгийн лигийн анхдугаар тэмцээнд оролцож хоёрдугаар байр эзэлсэн түүхтэй. 1893-1900 оны хооронд Астон Вилла лигт тав, АХХ-ны цомд гурав түрүүлсэн нь багийн түүхэн дэх гайхамшиг байлаа.

1920 онд АХХ-ны цомд зургаа дахь түрүүгээ авсны дараахан Астон Вилла багийг дэлхийн хамгийн шилдэг хөлбөмбөгийн баг гэхэд хэн ч эргэлздэггүй болсон байна. 1935-36 оны улирлаар лигийн 42 тоглолтонд хаалгандаа 110 гоол алдаж 13 хожиж, 9 тэнцэж, 20 хожигдохдоо Арсенал багт 7-1(Тед Дрейк долоон гоол оруулсан) харьцаагаар бут ниргүүлсэн гэх мэт тун тааруу амжилт[5] үзүүлэн хоёрдугаар дивиз рүү анх удаагаа унасан байна. Дэлхийн хоёрдугаар дайны он жилүүдэд бүхий л багуудын адил Вилла долоон улирлын турш амжилт нь зогссон юм. Астон Вилла АХХ-ны цомын аваргын буухиагаа Эрик Хутоны дасгалжуулалтын дор 37 жилийн дараа буюу 1956-57 оны улиралд алдарт Уэмблийн цэнгэлдэхэд 100 мянган үзэгчдийн өмнө Манчестер Юнайтедийг 2-1 харьцаагаар хожиж үргэлжлүүлжээ.[6] 1958-59 оны улиралд лигт 11 хожил, 8 тэнцээ, 23 хожигдлын амжилт үзүүлэн хоёр дахь удаагаа доод лиг рүү унасан Виллаг Арсенал багийн тоглогч асан Жо МерсерАнглийн Эзэнт гүрний одонт 1960 онд хоёрдугаар дивизэд аваргалуулж дахин дэвшүүлж[7], 1961 онд Лигийн цомд анхны удаа түрүү авахуулсан нэгэн юм. Дасгалжуулагч Жо Мерсер 1964 онд эрүүл мэндийн шалтгаанаас Дик Тайлорт албаа шилжүүлжээ. Тэр Астон Виллаг гурван жил удирдсаны эхний хоёрт нь хүснэгтийн 16-д, сүүлийн жилээ 21-р байрт оруулан гурав дахь удаад нь доод лиг рүү унагасан хангалтгүй үзүүлэлттэй нэгэн байв. Түүний дараа Томми Каммингс, Шотланд мэргэжилтэн Томми Дохерти нар багийг доод лигт тун хангалтгүй үзүүлэлтээр богино хугацаанд дасгалжуулсан байдаг байна. 1969-70 оны улиралд Томми Дохертигийн удирдлаган дор Виллачууд анх удаагаа гуравдугаар дивиз рүү унах амжилтыг үзүүлсэн бөгөөд багийн тоглолтын хэв маяг дээрх гурван дасгалжуулагчдын үед бүрэн алдагдаж байсан гэхэд болно. Харин Астон Виллагийн дотор уур амьсгалыг тун сайн мэдэх Уэльс мэргэжилтэн Вик Кроу 1970 оноос багийг удирдах болсноор энэ байдал нааштайгаар эргэж эхэлсэн байна. 1971-72 оны улиралд Вилла гуравдугаар дивизийг 70 оноогоор[8] тэргүүлэн хоёрдугаар дивиз рүү дэвшжээ. 1974 онд Англи мэргэжилтэн Рон Сондерс дасгалжуулагчаар томилогдож Астон Вилла дараа жил нь тэргүүн лигт дэвшин гарч ирсэн байна. 1977 оноос Европын тэмцээнүүдэд тогтмол оролцож эхэлсэн байна.[9]

 
1982 оны Европын цомын аварга болоод баярлаж буй Виллачууд

Нэгдүгээр дивизийн долоо дахь түрүүгээ Вилла 1980-81 онд авсан бөгөөд дараа жил нь Европын цомд Тони Бартоны удирдлаган дор Исландын Валюр, Германы Динамо Берлин, Украйны Динамо Киев, Бельгийн Андерлехт, Германы Бавари Мюнхен багуудыг буулган авч түрүүлсэн түүхтэй. Европын Супер цомоо 1983 оны нэгдүгээр сард Испанийн Барселона багийг хоёр тоглолтын нийлбэр 3-1 харьцаагаар хожин хүртэж байв. 1980 оны эхэн үе ийнхүү амжилтаар дүүрэн байсан ч 1987 онд лигтээ 8 хожил, 12 тэнцээ, 22 хожигдолоор хамгийн сүүлд буюу 22-р байр эзлэн доод лиг рүү унасан юм.[10] Хожмоо Английн шигшээ багийг удирдаж байсан Грэм ТэйлорАнглийн Эзэнт гүрний одонт 1987 онд Астон Виллагийн дасгалжуулагчаар томилогдсоноор эргэн тэргүүн лигтээ гарч ирэн улмаар 1989-90 оны хоёрдугаар байранд орсон байна.[11]

Вилла 1992 онд Премьер лиг байгуулагдахад анхдагч гишүүдийн нэгээр сонгогдож, анхны тэмцээнд нь Манчестер Юнайтедийн ард хоёрдугаар байр эзлэж байв.

1968-1975 болон 1982-2006 онуудад багийн хөрөнгө санхүүг нь хариуцаж байсан бизнесмэн Дуг ЭлисАнглийн Эзэнт гүрний одонт 2006 оны зун Астон Вилла багийг 63 сая фунт стерлингийн үнэ хүргэн зарсанаар Америкийн тэрбумтан, "Үндэсний Хөлбөмбөгийн лиг"-ийн Кливленд Браунс багийн эзэн Рэнди Лернерийн[12] мэдэлд шилжсэн юм. Мөн Ирланд мэргэжилтэн Мартин О'НилийгАнглийн Эзэнт гүрний одонт Шотландын Селтик багаас 2006 онд урьж авчран өнөөдрийг хүртэл ажиллуулж байгаа. Лернерийн эрин үеийн анхны цомын шигшээ тоглолт 2010 оны 2 сарын 28-нд Уэмблийн цэнгэлдэхэд болж өнгөрсөн юм. Манчестер Юнайтед багтай тоглосон уг тоглолтонд 2-1 харьцаагаар Вилла ялагдал хүлээсэн билээ.[13]

Цэнгэлдэх хүрээлэн

засварлах
Вилла Парк
 
Хуучин нэрАстон Ловер Граундс
БайрлалТринити, Бирмингем B6 6HE
Нээгдсэн1897
ЭзэмшигчХөлбөмбөгийн Астон Вилла баг
ОператорАстон Вилла
ГадаргууЗүлэг
Байгуулсан зардал£16,400 (£25 сая)[14]
Багтаамж42,788[15][16]
Талбайн хэмжээ105 x 68 метр
344 x 226 тохой
Түрээслэгч
Астон Вилла (1897–одоог хүртэл)

Шагналууд

засварлах
 
1894–95 оны АХХ-ны цомын тэмцээний үеэр Астон Вилла баг

Европын

засварлах
  • Европын цом:
    • Түрүү (1): 1982
  • УЕФА-гийн Супер цом:
    • Түрүү (1): 1982–83
  • УЕФА Интертото цом:
    • Түрүү (1): 2001[17], 2008

Дотоодын

засварлах
Лиг
  • Нэгдүгээр дивиз:
    • Түрүү (7): 1893–94, 1895–96, 1896–97, 1898–99, 1899–1900, 1909–10, 1980–81
    • II байр (10): 1889, 1903, 1908, 1911, 1913, 1914, 1931, 1933, 1990, 1993
  • Хоёрдугаар дивиз:
    • Түрүү (2): 1937–38, 1959–60
    • II байр (2): 1975, 1988
  • Гуравдугаар дивиз:
    • Түрүү (1): 1971–72
Цомууд
  • Английн хөлбөмбөгийн холбооны цом:
    • Түрүү (7): 1887, 1895, 1897, 1905, 1913, 1920, 1957
    • II байр (3): 1892, 1924, 2000
  • Лигийн цом:
    • Түрүү (5): 1961, 1975, 1977, 1994, 1996
    • II байр (3): 1963, 1971, 2010
  • Charity Shield:
    • Түрүү (1): 1981 (хамтран)
    • II байр (3): 1910, 1957, 1972

Тоглогчид

засварлах
 
2010 оны есдүгээр сарын 3-ны байдлаар.[18][19][20]
 
Астон Вилла багийн ахлагч Стилиян Петров.

Одоогийн бүрэлдэхүүн

засварлах
Сүүлд шинэчилсэн нь: 2011 оны долоодугаар сарын 2.

Тэмдэглэл: Төрийн далбаанууд нь ФИФА буюу Олон улсын хөлбөмбөгийн холбоонд тухайн тоглогчийн аль улсын нэрийн өмнөөс тоглодог болохыг заасан.

Д. Байрлал Тоглогч








Д. Байрлал Тоглогч








Алдартай тоглогчид

засварлах
  •   Марк Боснич
  •   Питер Вит
  •   Брайн Литл
  •   Гарет Саутгейт
  •   Гари Шо
  •   Тони Морли
  •   Дариус Вассел
  •   Пол Берч
  •   Билли Уокер
  •   Жерри Хитченс
  •   Дэвид Платт
  •   Питер Крауч
  •   Сэм Харди
  •   Том Уоринг
  •   Габриэль Агбонлахор
  •   Эмиль Хески
  •   Эшли Янг
  •   Жеймс Милнер
  •   Гордон Кованс
  •   Жонни Диксон
  •   Гарет Бэрри
  •   Стилян Петров
  •   Мартин Лаурсен
  •   Питер Шмейшель
  •   Кент Нильсон
  •   Ричард Данн
  •   Пол МакГрат
  •   Стив Стонтон
  •   Хуан Пабло Анхель
  •   Дэнни Бланчфлаур
  •   Питер МакПаланд
  •   Крис Николл
  •   Брэд Фридель
  •   Дуайт Йорк
  •   Тревор Форд
  •   Марк Делани
  •   Дэвид Жинола
  •   Олаф Мельборг
  •   Шон Мэлоуни
  •   Жорж Рэмзи
  •   Дэс Бремнер
  •   Арчи Хантер
  •   Энди Грэй
  •   Улисес де ла Крус

Дасгалжуулагчид

засварлах
Дасгалжуулагч Хугацаа
  Жорж Рэмзи 08.1884—05.1923
  В. Ж. Смит 08.1926—05.1934
  Жимми Макмаллан 06.1934—10.1935
  Жимми Хоган 11.1936—09.1939
  Алекс Мэсси 08.1945—08.1950
  Жорж Мартин 12.1950—08.1953
  Эрик Хаутон 09.1953—11.1958
  Жо Мерсер 12.1958—07.1964
  Дик Тэйлор 07.1964—05.1967
  Томми Каммингс 07.1967—11.1968
  Томми Дохерти 12.1968—01.1970
  Вик Кроу 01.1970—05.1974
 
Дасгалжуулагч Хугацаа
  Рон Сандерс 06.1974—02.1982
  Тони Бартон 02.1982—06.1984
  Грэм Тёрнер 07.1984—09.1986
  Билли Макнилл 09.1986—05.1987
  Грэм Тэйлор 05.1987—07.1990
  Йозеф Венглош 07.1990—05.1991
  Рон Аткинсон 07.1991—11.1994
  Брайан Литтл 11.1994—02.1998
  Жон Грегори 02.1998—01.2002
  Грэм Тэйлор 02.2002—05.2003
  Дэвид О'Лири 05.2003—07.2006
  Мартин О'Нил 08.2006—2010
  Жерар Улье 08.2010—06.2011
  Алекс Маклиш 06.2011—

Эшлэл

засварлах
  1. ↑ "Aston Villa Football Club information". BBC. 1 January 2010. Татаж авсан: 26 June 2007.
  2. ↑ "Villa held by 10 man United (match attendance at top)". Sky Sports. 10 February 2010. Татаж авсан: 11 February 2010.
  3. ↑ "Aston Villa 1 – 1 Man Utd (match attendance at bottom)". BBC Sport. 11 February 2010. Татаж авсан: 10 February 2010.
  4. ↑ "Aston Villa Hall of Fame". Aston Villa F.C. Архивласан огноо 15 Аравдугаар сар 2007. Татаж авсан: 15 September 2008.
  5. ↑ Ward, Adam; Griffin, Jeremy; p.71
  6. ↑ Ward, Adam; Griffin, Jeremy; pp.86–87
  7. ↑ Ward, Adam; Griffin, Jeremy; p.93
  8. ↑ Ward, Adam; Griffin, Jeremy; p.106
  9. ↑ Ward, Adam; Griffin, Jeremy; p.111
  10. ↑ Ward, Adam; Griffin, Jeremy; p.148
  11. ↑ Ward, Adam; Griffin, Jeremy; p.155
  12. ↑ "Lerner set to complete Villa deal". BBC Sport. 27 September 2006. Татаж авсан: 15 September 2008.
  13. ↑ "Aston Villa 1 – 2 Man Utd". BBC. 28 February 2010. Татаж авсан: 28 February 2010.
  14. ↑ Hayes, Dean, p.170
  15. ↑ "Villa held by 10 man United (match attendance at top)". Sky Sports. 2010-02-10. Татаж авсан: 2010-02-11.
  16. ↑ "Aston Villa 1 – 1 Man Utd". BBC Sport. 2010-02-11. Татаж авсан: 2010-02-10.
  17. ↑ "Aston Villa F.C. club Honours". Aston Villa F.C. Татаж авсан: 15 September 2008.
  18. ↑ "Squad numbers announced for new campaign". Aston Villa F.C. 12 August 2010. Татаж авсан: 12 August 2010.
  19. ↑ "Squad list". Aston Villa F.C. Татаж авсан: 20 August 2009.
  20. ↑ "Aston Villa re-sign keeper Marshall after summer exit". BBC Sport. 3 September 2010. Татаж авсан: 3 September 2010.

Нэмэлтээр уншиж болох

засварлах
  • Brown, Danny (2006). Villains: The Inside Story of Aston Villa's Hooligan Gangs. Milo Books. ISBN 978-1903854594. {{cite book}}: Unknown parameter |coauthors= ignored (|author= suggested) (help)
  • Goodyear, David (1988). Aston Villa—A Complete Record 1874–1988. Breedon Books. ISBN 0907969372. {{cite book}}: Unknown parameter |coauthors= ignored (|author= suggested) (help)
  • Hayes, Dean. The Villa Park Encyclopedia: A-Z of Aston Villa. Mainstream Publishing (2 October 1997). ISBN 978-1851589593.
  • Ward, Adam. The essential history of Aston Villa. Headline book publishing (2002). ISBN 075531140X. {{cite book}}: Unknown parameter |coauthors= ignored (|author= suggested) (help)

Холбоос

засварлах


"https://mn.wikipedia.org/w/index.php?title=Астон_Вилла&oldid=766240"-с авсан