Хошой Бодлоготой чин ван
Хошой Бодлоготой чин ван (монголоор: ᠬᠤᠱᠤᠢ
ᠪᠤᠳᠤᠯᠭᠠᠲᠠᠢ
ᠴᠢᠩ ᠸᠠᠩ, хятадаар: 和硕博多勒噶台亲王, пиньинь: Héshuò bóduōlēigátái qīnwáng) хэмээх цол хэргэм нь 1855 онд Манж Чин гүрний Жиримийн чуулганы Хорчин зүүн гарын хойд хошууны засаг ноён Сэнгэринченд шагнасан цол хэргэм юм. Тус хошууг анх 1636 онд байгуулахдаа Хорчины Мянган дархан баатарын хөвүүн Донхор илдэч ноёнд улсын түшээ гүн хэргэм олгож, 1650 онд Донхор илдэчийн хөвүүн Жангилунд төрийн жүн ван хэргэм шагнасан нь 1855 он хүртэл үе улиран залгамжилсан. 1851 оноос Хятадад гарсан Тайпингийн бослогын умар зүгт давшсан довтолгооныг Сэнгэринчен жүн вангийн удирдсан манж, монгол цэргээс бүрдсэн арми няцааж бут ниргэсэн гавьяаг үнэлж, үе улиран залгамжлах "Хошой Бодлоготой чин ван" хэмээх цол хэргэмийг соёрхсоноос хойш тус хошуу нутаг нутгийн ардын дунд Бодлогот вангийн хошуу гэж алдаршсан.
| № | Нэрс | Хугацаа | Тайлбар |
|---|---|---|---|
| Улсын түшээ гүн (1636-1650) | |||
| 1 | Донхор илдэч | 1636-1643 | |
| 2 | Жангилун | 1648-1650 | Донхорын хөвүүн |
| Төрийн жүн ван (1650-1855) | |||
| 1 | Жангилун | 1650-1664 | |
| 2 | Будари | 1664-1684 | Жангилуны хөвүүн |
| 3 | Жагар | 1684-1685 | Бударигийн хөвүүн |
| 4 | Тайбу | 1685-1710 | Жагарын хөвүүн |
| 5 | Аравдан | 1710-1716 | Тайбугийн ахмад хөвүүн |
| 6 | Лувсанраш | 1716-1738 | Тайбугийн дэд хөвүүн |
| 7 | Чимэддорж | 1738-1782 | Лувсанрашийн хөвүүн |
| 8 | Балжур | 1782-1783 | Лувсанрашийн хөвүүн |
| 9 | Содномдовч | 1783-1825 | Балжурын хөвүүн |
| 10 | Сэнгэринчен | 1825-1865 | Содномдовчийн өргөмөл хөвүүн |
| Хошой Бодлоготой чин ван (1855-1930) | |||
| 1 | Сэнгэринчен | 1825-1865 | |
| 2 | Буяннэмэх | 1865-1891 | Сэнгэринченгийн хөвүүн |
| 3 | Амарлингуй | 1891-1930 | Буяннэмэхийн хөвүүн Нарсугийн хөвүүн |