Монгол Ардын Хувьсгалт Нам (2010)

1924-2010 он хүртэл Монгол Ардын Хувьсгалт Нам нэртэй байсан намын тухай Монгол Ардын Нам өгүүллээс үзнэ үү.

Монгол Ардын Хувьсгалт Нам нь 2010 онд байгуулагдаж, 2021 онд татан буугдсан, Монгол Улсын улс төрийн нам байв. Монгол Ардын Нам 2010 онд Монгол Ардын Хувьсгалт Нам хэмээх нэрээ өөрчлөхөд, түүнийг нь эсэргүүцсэн хүмүүсийг нэгтгэж, Монгол Улсын 3 дахь ерөнхийлөгч асан Намбарын Энхбаяр тус намыг байгуулжээ. 2011 онд Улсын Дээд Шүүхэд бүртгэгдсэн. Улмаар 2021 оны ерөнхийлөгчийн сонгуулийн өмнө Монгол Ардын Намтай нэгдэх тохиролцоонд хүрснээр, Улсын Дээд Шүүх 2021 оны 5 сарын 28-нд тус намыг татан буулгах шийдвэр гаргасан.

Монгол Ардын Хувьсгалт Нам
Logo of the Mongolian People's Revolutionary Party (2010).svg
Намбарын Энхбаяр, 2004
Намын дарга Намбарын Энхбаяр
Ерөнхий нарийн
бичгийн дарга
Буяагийн Тулга
Орлогч дарга Цэрэндашийн Оюунбаатар
Сайнхүүгийн Ганбаатар
Байгуулагдсан 2010
Байгуулагдсан газар Улаанбаатар
Татан буугдсан 2021
Төв байр Улаанбаатар
Залуучуудын байгууллага «Шударга Ёсны Хувьсгалт Үндэсний Нэгдсэн Оюутны Холбоо»
«Ардчилал, Шударга Ёс Монголын Залуучуудын Холбоо»
«Ардчилал Шударга Ёс Монголын Эмэгтэйчүүдийн Холбоо»
Үзэл баримтлал Социал демократ, үндсэрхэг үзэлт
Өнгө(нүүд)

██ улаан

Улсын Их Хурал
1 / 76
(мэдээ: 2020)
Гишүүдийн тоо 80.000
Олон Улсын харилцаа Прогрессив Холбоо
Цахим холбоос maxh.mn

Сонгуулийн тухайEdit

Ерөнхийлөгчийн сонгуульEdit

Сонгууль Нэр дэвшигч Саналын тоо Саналын хувь Үр дүн
2013 Нацагийн Удвал 80,563 6.5% Ялагдсан
2017 Сайнхүүгийн Ганбаатар 409,899 30.19% 1-р шатнаас хасагдсан

Улсын Их Хурлын сонгуульEdit

Сонгууль Авсан суудал Саналын тоо Саналын хувь Үр дүн Удирдагч
2012
11 / 76
(Монгол Үндэсний Ардчилсан Намтай хамтарсан "Шударга ёс" эвсэл)
252,077 22.31% 11 суудал; Эвслийн засгийн газар Намбарын Энхбаяр
2016
1 / 76
112,850 8.00% 10 суудал; Сөрөг хүчин Намбарын Энхбаяр
2020
1 / 76
(Иргэний Зориг Ногоон Нам, Монголын Уламжлалын Нэгдсэн Намтай хамтарсан "Та бидний" эвсэл)
323,675 8.10% ; Сөрөг хүчин Намбарын Энхбаяр

2012 оны УИХ-ын сонгуульEdit

Байгуулагдсаныхаа дараах анхны сонгуульд тус нам Монгол Үндэсний Ардчилсан Намтай "Шударга ёс" эвслийг байгуулж оролцсон бөгөөд 11 суудал аван, улс төрийн гуравдагч хүчин болж, хамгийн олон суудал авсан Ардчилсан Нам, мөн Иргэний Зориг-Ногоон Намтай хамтран эвслийн засгийн газрыг бүрдүүлэн ажиллаж байв. Тус сонгуульд Шударга ёс эвсэл мажоритар тойргоос 3, пропорционал тойргоос 8 суудал авсан бөгөөд үүнээс Зангадын Баянсэлэнгэ, Дэндэвийн Тэрбишдагва, Чүлтэмийн Улаан, Октябрийн Баасанхүү, Цэрэндашийн Оюунбаатар нар МАХН-ын нэрээр намын жагсаалтад багтаж, УИХ-ын гишүүн болсон.

2013 оны ерөнхийлөгчийн сонгуульEdit

МАХН 2013 оны ерөнхийлөгчийн сонгуульд Нацагийн Удвалын нэрийг дэвшүүлсэн. Ийнхүү тэрээр Монгол Улсын ерөнхийлөгчийн сонгуульд нэр дэвшиж өрсөлдсөн анхны эмэгтэй хүн болж, 80563 санал буюу нийт сонгогчдын 6,5%-н дэмжлэгийг хүлээж байв.

2016 оны УИХ-ын сонгуульEdit

Энэ удаагийн сонгуульд, Орхон аймагт нэр дэвшиж өрсөлдсөн Октябрийн Баасанхүү ганцаараа намдаа суудал авчирсан.

2017 оны ерөнхийлөгчийн сонгуульEdit

Тус нам 2017 оны ерөнхийлөгчийн сонгуульд Сайнхүүгийн Ганбаатарын нэрийг дэвшүүлсэн бөгөөд тэрээр ерөнхийлөгчийн сонгуулийн өмнөхөн тус намд элсэж, намын дэд даргаар сонгогдоод байсан юм. Ганбаатар 409899 сонгогчийн санал (30,19%) авснаар МАН-аас нэр дэвшигч Миеэгомбын Энхболдоос 1849-хөн хүний саналын дутуугаар хасагдсан.

2020 оны УИХ-ын сонгуульEdit

МАХН 2020 оны УИХ-ын сонгуульд Иргэний Зориг Ногоон Нам болон Монголын Уламжлалын Нэгдсэн Намтай хамран "Та бидний эвсэл" хэмээх нэрээр орлцсон бөгөөд Орхон аймгийн 20-р тойрог өрсөлдсөн Сайнхүүгийн Ганбаатар ганц суудал авсан.