Монголын Алт МАК


"Монголын Алт" (МАК) ХХК нь 1993 оны 12 сарын 14-нд үүсгэн байгуулагдсан. Үндэсний хөрөнгө оруулалттай, Монгол Улсын тэргүүлэх компаниудын нэг юм. Барилгын материалын үйлдвэрлэл, уул уурхай, хөдөө аж ахуй, агаарын тээвэр, аялал жуулчлалын чиглэлээр үйл ажиллагаа явуулдаг. Байгаль орчинд сөрөг нөлөөгүй, дэлхийд тэргүүлэх сүүлийн үеийн дэвшилтэт техник технологийг үйл ажиллагаа, үйлдвэрлэлдээ нэвтрүүлж, улс эх орныхоо хөгжил цэцэглэлт, эдийн засагт даацтай хувь нэмэр оруулах томоохон төсөл, хөтөлбөрүүдийг хэрэгжүүлж байна. Сүүлийн 25 жилийн хугацаанд "Үндэсний ТОП 100 аж ахуйн нэгж"-ээр тасралтгүй шалгарч, улс, орон нутгийн төсөвт төвлөрүүлдэг татвар, хураамжийн хэмжээгээр тогтмол эхний 10 байрт бичигдэж байна.

"Монголын Алт" (МАК) ХХК
Хууль эрх зүйн хэлбэрХязгаарлагдмал Хариуцлагатай Компани
ЧиглэлУул уурхай, Барилгын материал үйлдвэрлэл
Үүсгэн байгуулагдсан1993.12.14
Төв байрУлаанбаатар, Монгол УлсМонгол Улс Монгол Улс
Удирдах хүмүүсБодлогын зөвлөлийн дарга - Бямбаагийн Нямтайшир Ерөнхийлөгч - Нямтайширын Цэлмүүн
Ажилчид +4,000
Салбар компаниМАК Евро Блок, МАК Евро Цемент, МАК Евро Виндоор, МАК Евро Венти
Цахим хуудасwww.mak.mn www.makbm.mn

2016 онд Монгол Улсын Ерөнхийлөгчийн Зарлигаар хүн амын эрүүл мэнд, аюулгүй байдал, байгаль орчинд ээлтэй бүтээгдэхүүнийг үйлдвэрлэн зах зээлд нийлүүлж, аж үйлдвэр, барилгын салбарын хөгжилд шинэ жишиг, технологийн шинэчлэлээр үнэтэй хувь нэмэр оруулсныг үнэлж Үндэсний бүтээн байгуулалтын дээд шагнал "Төрийн Гэрэгэ"-ээр шагнуулсан.

Одоогоор "Монголын Алт" (МАК) ХХК нь дэлхийн жишигт нийцсэн техник технологи, арга туршлагаар барилгын материал үйлдвэрлэлийн чиглэлд Евро стандартын 5 нэр төрлийн 20 гаруй брэнд бүтээгдэхүүнийг (МАК Евро Блок, МАК Евро Цемент, МАК Евро Виндоор, МАК Евро Венти) үйлдвэрлэж байгаа бөгөөд нийт 4,000 гаруй хүнийг тогтвортой ажлын байраар хангаж байна.

Нийгмийн хариуцлага засварлах

Дэд бүтэц буюу зам харилцаа, цахилгаан эрчим хүчээр хангах нь "Монголын Алт" (МАК) ХХК-ийн нийгмийн хариуцлагын хүрээнд хийж ирсэн томоохон ажил юм. Монгол улсад эрчим хүчний байнгын эх үүсвэрт холбогдоогүй байсан сүүлийн зургаан сумын тавыг нь (Өмнөговь аймгийн Гурвантэс, Ноён, Сэврэй, Дорноговь аймгийн Мандах, Хатанбулаг сум) төвийн эрчим хүчинд холбосон. Үүнээс гадна, Шивээхүрэн-Нарийнсухайт чиглэлийн 55 км урт хатуу хучилттай авто зам, Оюутолгой-Цагаансуварга чиглэлийн 220 КВт-ын 160 км хоёр хэлхээ цахилгаан дамжуулах агаарын шугам, дэд станц, Дорноговь аймгийн Даланжаргалан суманд 120 хүүхдийн цэцэрлэг, Өмнөговь аймгийн Гурвантэс сумын 320 хүүхдийн сургууль, 120 хүүхдийн дотуур байр, Сэлэнгэ аймгийн Ерөө суманд олон улсын стандартад нийцсэн 960 хүүхдийн эко сургууль барьж орон нутагт хүлээлгэн өгөөд байна. Ерөө сумын шинэ сургууль нь Монгол орны 330 сумдын дотор олон улсын стандартад нийцсэн анхны хамгийн том эко сургуульд тооцогдож байна.[1]

Мөн сум орон нутагт жижиг, дунд үйлдвэрлэл шинээр байгуулах, үйл ажиллагааг нь өргөтгөх, дэмжих, шинээр ажлын байр бий болгох зорилгоор "МАК" сан Өмнөговь аймгийн Гурвантэс сум, Дорноговь аймгийн Мандах, Дорнод аймгийн Баянтүмэн зэрэг сумдын нутагт үйл ажиллагаа явуулж байна. Тухайлбал, есөн жилийн өмнө 100 сая төгрөгийн санхүүжилттэйгээр үйл ажиллагаагаа эхлүүлсэн Гурвантэс сумын "МАК сан" жил бүр 18-30 иргэнд жижиг, дунд үйлдвэрлэлийг дэмжих 10 хүртэлх сая төгрөгийн зээлийг 30 хүртэлх сарын хугацаагаар олгож байна.

Үйл ажиллагааны чиглэл засварлах

  • Хүнд үйлдвэрлэл (уул уурхай, геологи хайгуул), эрчим хүч
  • Барилгын материалын үйлдвэрлэл
  • Аялал жуулчлал, үл хөдлөх хөрөнгө
  • Хөдөө аж ахуй
  • Дэмжин ажиллах компаниуд

Он цагийн товчоон засварлах

  • 1993 он - "Монголын Алт" (МАК) ХХК үүсгэн байгуулагдав
  • 1994 он - АНУ-ын Caterpillar компанитай 3.2 сая ам.долларын гэрээ байгуулж, хувийн хэвшлийн аж ахуйн нэгжүүдийн дотроос Монголд анх удаа уул уурхайн тоног төхөөрөмжийн үйлдвэрлэлээр тэргүүлэгч Caterpillar-ийн тоног төхөөрөмжийг ашиглаж эхлэв
  • 1995 он - Бумбатын алтны үндсэн ордод үйл ажиллагаа явуулах "Бумбат" ХХК-ийг Канад улсын MGR компанитай хамтран байгуулав
  • 1997 он - Монгол Улсын алтны үндсэн ордыг ашиглах анхны үйлдвэр болох "Бумбат" үйлдвэр ашиглалтад оров
  • 2000 он - Эрчим хүчний нүүрс олборлолтын чиглэлд үйл ажиллагаагаа өргөжүүлэн Дорноговь аймгийн Даланжаргалан сумын нутагт орших Алаг толгойн нүүрсний ордод Элдэвийн уурхайг нээв
  • 2002 он - Монгол-Хятадын хамтарсан "Чинхуа МАК-Нарийнсухайт" ХХК-ийг байгуулав
  • 2007 он - Элдэвийн уурхайд нүүрсний анхны хуурай баяжуулалтын FGX-12 төхөөрөмжийг ашиглалтад оруулав
  • 2010 он - Нарийнсухайтын уурхай 5.4 сая тонн нүүрс экспортолж, Монгол Улсын нүүрсний салбарын дээд амжилт тогтоов
  • 2011 он - Улаанбаатар хотын агаарын бохирдлыг бууруулах зорилгоор Дорноговь аймгийн Даланжаргалан сумын нутагт орших Элдэвийн уурхайд түшиглэн Хагас коксын үйлдвэрийг ашиглалтад оруулав
  • 2012 он - Нарийнсухайтын уурхай 3 дахь жилдээ дараалан нүүрсний экспортоор Монгол Улсад тэргүүлэв
  • 2015 он - ХБНГУ-ын дэлхийд тэргүүлэгч HESS AAC Systems компанийн тоног төхөөрөмж бүхий Монголын анхны бүрэн автомат хийт бетоны үйлдвэрийг ашиглалтад оруулав
  • 2016 он - Компанийн Хөрөнгө оруулалт эрхэлсэн Дэд Ерөнхийлөгч Н.Цэлмүүн "Монголын Алт" (МАК) ХХК-ийн Ерөнхийлөгчөөр томилогдов
  • 2017 он - Данийн FLSmidth компанийн тоног төхөөрөмжөөр тоноглогдсон, Монголын анхны бүрэн автомат робот лабораторитой, 1 сая тонны хүчин чадал бүхий "МАК Евро Цемент" үйлдвэрийг ашиглалтад оруулав
  • 2018 он - Нарийнсухайтын уурхайд 1 сая тонны хүчин чадалтай Нүүрс баяжуулах үйлдвэрийг ашиглалтад оруулав
  • 2019 он - Европын тэргүүлэх брэндүүдийн бүрэн болон хагас автомат тоног төхөөрөмж бүхий "МАК Евро Виндоор" Цонх, хаалганы үйлдвэрийг ашиглалтад оруулав
  • 2022 он - "МАК Евро Венти" Агаар сэлгэлтийн хоолойн үйлдвэрийг ашиглалтад оруулав
  • 2023 он - "МАК Евро Цемент" үйлдвэрийг түшиглэн 100 мянган тонны хүчин чадалтай Шохойн үйлдвэрийг ашиглалтад оруулав
  • 2023 он - Монгол Улсын нүүрсний экспортыг 17 сая тонноор нэмэгдүүлэх 5G сүлжээ, AGV дэвшилтэт технологид суурилсан ухаалаг гарцын систем бүхий "Шивээхүрэн" чингэлэгт тээврийн терминалыг Нарийнсухайтын бүлэг ордод үйл ажиллагаа явуулж буй 8 аж ахуйн нэгжтэй хамтран бүтээн байгуулав

Шагнал урамшуулал засварлах

  • Үндэсний бүтээн байгуулалтын дээд шагнал - "Төрийн гэрэгэ"[2]
  • Үндэсний ТОП-100 Аж Ахуйн Нэгжээр 1998-2023 онуудад буюу нийт 25 жил тасралтгүй шалгараад байна;[3]
  • Монголын Татварын албаны дээд шагнал Шилдэг татвар төлөгч - "Хөх дэвтэр"
  • Монгол Улсын Манлай татвар төлөгч Хүндэт өргөмжлөл
  • Тэргүүний хөрөнгө оруулагч аж ахуйн нэгж;
  • “Дотоодын хөрөнгө оруулалтыг тэргүүлэгч Энтрепренёр”, “Хүрэл Меркури”, Хүндэт өргөмжлөл;
  • “2009 оны Онцлох аж ахуй нэгж”, “Мөнгөн Меркури”, Хүндэт Өргөмжлөл;
  • “Нийгмийн хөгжлийг дэмжигч тэргүүний байгууллага” цол өргөмжлөл;

Албан ёсны холбоосууд засварлах

Эшлэл засварлах

  1. "Сэлэнгэ аймгийн Ерөө суманд олон улсын стандартад нийцсэн 960 хүүхдийн сургууль ашиглалтад оруулав". Монголын Алт (МАК). 2022-09-16. Retrieved 2023-08-11.
  2. News.MN (2016-02-08). ""Төрийн гэрэгэ" шагналын эзэд тодорлоо | News.MN". News.MN - Мэдээллийн эх сурвалж. Retrieved 2023-08-11.
  3. ""Монголын Алт" (МАК) ХХК 22 дахь жилдээ ТОП-100 ААН-ээр шалгарлаа". Монголын Алт (МАК). 2023-05-18. Retrieved 2023-08-11.