Литл Рок
Литл Рок (Англи: Little Rock) нь 200.000 оршин суугчтай (мэдээ: 2016 оны АНУ-ын хүн амын тооллогын товчооны дүн)[3], Америкийн Нэгдсэн Улсын Арканзас Муж Улсын нийслэл бөгөөд Пьюласки тойргийн захиргааны төв хот юм. Литл Рокийн парламентын барилга нь Вашингтон хот дахь АНУ-ын Капитолын жижигрүүлсэн хуулбар болно.
Литл Рок
Little Rock | |
|---|---|
 Далбаа  Лого | |
| Хоч: The Rock, Rock Town, LR | |
 Литл Рокын интерактив газрын зураг | |
  Литл Рок Арканзас дахь байршил  Литл Рок АНУ дахь байршил  Литл Рок Литл Рок (Хойд Америк) | |
| Улс |  АНУ |
| Муж |  Арканзас |
| Тойрог | Пьюласки |
| Байгуулагдсан | 6 сарын 1, 1821 |
| Нэгдсэн (суурин) | 11 сарын 7, 1831 |
| Нэгдсэн (хот) | 11 сарын 2, 1835 |
| Засаг захиргаа | |
| • Төрөл | Зөвлөл-менежер |
| • Биет | Литл Рокын Удирдах зөвлөл |
| • Хотын дарга | Бага Фрэнк Скотт (АН) |
| Газар нутаг | |
| • Мужийн нийслэл хот | 318.58 км2 (123.00 бээр2) |
| • Газар | 310.92 км2 (120.05 бээр2) |
| • Ус | 7.66 км2 (2.96 бээр2) |
| • Бөөгнөрөл | 10,593.94 км2 (4,090.34 бээр2) |
| Өндөр | 85 м (279 фут) |
| Хүн ам (2020) | |
| • Мужийн нийслэл хот | 202,591 |
| • Байр | АНУ: 118-д |
| • Нягтрал | 651.58/км2 (1,687.6/бээр2) |
| • Хотын нутаг | 461,864 (АНУ: 87-д) |
| • Нягтрал | 665.9/км2 (1,724.6/бээр2) |
| • Бөөгнөрөл | 748,031 (АНУ: 81-т) |
| Иргэдийн нэршил | Литл Рокчууд |
| Цагийн бүс | UTC−06:00 (CST) |
| • Зун (ЗЦ) | UTC−05:00 (CDT) |
| ЗИП кодууд | 72201-72207, 72209-72212, 72214-72217, 72219, 72221-72223, 72225, 72227, 72231, 72255, 72260, 72295 |
| Бүсийн дугаар | 501 |
| МБХС код | 05-41000 |
| ГНМС онцлог ID | 2404939[2] |
| Вэб сайт | www |
Газар зүй
засварлахЛитл Рок нь Арканзас голын өмнөд эрэг дээр оршдог. Тус голын цутгалууд болох Фурш Крик ба Рок Крик мөн хот дундуур урсан өнгөрдөг. Хотын баруун хэсэг нь Уошитогийн нурууны бэлд оршино. Хотын баруун хойд талд Пиннэкл уул ба Маумелл нуур орших ба уг нуураас хотын ундны усыг нийлүүлдэг. Арканзас голын хойд талд Норт Литл Рок хот бий.
Түүх
засварлахӨмнөх түүх ба хотын үүсэл
засварлахЛитл Рок хотын түүх 1722 онд Францын аялагч Бенар де ла Харпын барьсан худалдааны цэгээс эхэлдэг. Хотын нэр нь Арканзас голын өмнөд эрэг дээрх жижигхэн чулуун тогтцоос гаралтай ба энэ чулуун тогтцын ёроолд уг худалдааны цэгийг анх байгуулжээ. Де ла Харп энэхүү чулуун тогтцыг La Petite Roche (монголоор: жижигхэн чулуу, англиар: little rock) хэмээн нэрлэв. Энэ үед Куапо индианчууд бас энэ нутагт амьдарч байв. 1812 онд үслэг амьтан агнадаг анчин Уильям Льюс Литл Рокийн дэргэд өөрийн байшингаа барьсан нь суурин бий болох эхлэл болжээ. 1820 онд тус хотын газрын зургийг гаргав. 1821 онд Литл Рок Арканзас нутаг дэвсгэрийн нийслэл гэсэн статустай болсон ба энэхүү нутаг дэвсгэр нь түүнээс хоёр жилийн өмнө байгуулагдсан ажээ. Үүнээс хойш арван жилийн дараа Литл Рок хот гэж нэрлэгдэх эрхтэй болов.
19-р зууны түүх
засварлах1833 онд нутгийн капитолыг (Territorial Capitol) барьж эхлэн, 1842 онд барьж дуусгасан бөгөөд 1911 оныг хүртэл Улсын Капитолоор (State Capitol) ашиглав. 1836 онд Арканзасыг албан ёсоор 25 дахь Муж Улс болгон, Литл Рок нь түүний нийслэл болжээ. 1861 онд Арканзас Америкийн Холбооны Улсад (Confederate States of America, CSA) элсэн орсон ба үүний дараахан иргэний дайн гарч, 1863 онд Холбоотны Армид (ихэнх нь АНУ-ын умард талын муж улсууд) эзлэгдэж байв.
20-р зууны түүх
засварлах1911 онд өнөөгийн Улсын Капитолын барилгыг барьж дуусгасан аж. Хотын хаяа залган оршиж байсан Пьюласки Хайтс гэх нэртэй сууринтай 1916 онд нэгдсэнээр Литл Рок баруун зүгт тасралтгүй өргөжин тэлсээр байлаа. 1957 болон 1958 онуудад Литл Рокт арьс өнгөний үзэлтэй холбоотой томоохон үймээн гарав. Литл Рокийн Ес (Little Rock Nine) гэх нэрээр алдаршсан есөн афроамерик сурагч 1957 онд Литл Рокийн Төв Ахлах Сургуульд сурах үндсэн эрхээ эдлэх эрхтэй хэмээн шаардлага гаргажээ. Үндэсний Гвард эдгээр сурагчдыг тус ахлах сургуульд бүртгүүлэх гэсэн эхний оролдлогод нь саад болов. Үүнээс шалтгаалан хар ба цагаан арьстнуудын хооронд хүчтэй мөргөлдөөн гарсан тул Холбооны Засгийн Газар нөхцөл байдлыг намжаахаар армийг татан оролцуулав. Энэ үймээнээс шалтгаалан хотын амбан захирагч Литл Рокийн гурван ахлах сургуулийг гурвууланг нь нэг жилийн турш хаасан байдаг.
1978 онд Билл Клинтон 32 насандаа Арканзас Муж Улсын хамгийн залуу амбан захирагчаар сонгогдсон бөгөөд үүнээс хойш 14 жилийн дараа мөн муж улсаас хамгийн анх АНУ-ын ерөнхийлөгчөөр сонгогдсон улс төрч болжээ.
21-р зууны түүх
засварлах2004 онд Литл Рокт Жорж Буш, Жорж Х. У. Буш, Жимми Картер нар Уильям Ж. Клинтон Ерөнхийлөгчийн Төв энд Паркийн барилгын нээлтэд өөрсдийн биеэр хүрэлцэн ирж оролцов.
2014 оны гуравдугаар сарын 27-нд энэ хотод болсон хар салхины улмаас хамгийн багадаа зургаан хүн амь эрсэдсэнээс гадна хар салхины зам дагуу 50 километр зайд байсан олон тооны барилга эвдэрч сүйрсэн байна.[4]
Хамтрагч хотууд
засварлахЛитл Рок нь дараах хотуудтай ах дүүгийн барилдлагатай хамтран ажилладаг:
Уур амьсгал
засварлах| Литл Рок | ||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Уур амьсгалын диаграмм | ||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||
|
Сарын дундаж температур болон хур тунадасны хэмжээ: Литл Рок
Эх сурвалж: wetterkontor.de
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Цахим холбоос
засварлах
Commons: Литл Рок – Викимедиа дуу дүрсний санЭшлэл
засварлах- ↑ "2020 U.S. Gazetteer Files". АНУ-ын хүн амын тооллогын товчоо. Архивласан огноо October 27, 2021. Татаж авсан: October 29, 2021.
- ↑ 2.0 2.1 2404939
- ↑ QuickFacts census.org цахим хуудаст
- ↑ USA Today: Twisters kill at least 16 in Arkansas