Кацүра Таро
Хунтайж Кацүра Таро (япон. 桂 太郎 Кацура Таро, 1848 оны 1-р сарын 14-нд төрсөн—1913 оны 10-р сарын 10-нд нас барсан) - Японы Эзэн Хааны Армийн генерал, Японы Ерөнхий сайдын албыг 3 удаа хашсан нөлөө бүхий улс төрч юм.
Кацүра Таро 桂 太郎 | |
|---|---|
 | |
| Японы ерөнхий сайд | |
| Албан тушаал хашсан 1912 оны 12 сарын 21 – 1913 оны 2 сарын 20 | |
| Monarch | Эзэн Хаан Тайшо |
| Өмнөх | Кинмочи Сайонжи |
| Дараах | Ямамото Гомбээ |
| Албан тушаал хашсан 1908 оны 7 сарын 14 – 1911 оны 8 сарын 30 | |
| Monarch | Эзэн Хаан Мэйжи |
| Өмнөх | Кинмочи Сайонжи |
| Дараах | Кинмочи Сайонжи |
| Албан тушаал хашсан 1901 оны 6 сарын 2 – 1906 оны 1 сарын 7 | |
| Monarch | Эзэн Хаан Мэйжи |
| Өмнөх | Кинмочи Сайонжи (Үүрэг гүйцэтгэгч) |
| Дараах | Кинмочи Сайонжи |
| Тайваний ерөнхий захирагч | |
| Албан тушаал хашсан 1896 оны 6 сарын 2 – 1896 оны 10 сарын 14 | |
| Monarch | Эзэн Хаан Мэйжи |
| Өмнөх | Кабаяма Сүкэнори |
| Дараах | Ноги Марэсүкэ |
| Хувийн мэдээлэл | |
| Төрсөн | 1848 оны 1 сарын 4 Япон, Хаги |
| Нас барсан | 10 October 1913 (65 насалсан) Токио |
| Улс төрийн нам | Үндсэн Хуулийн Нөхөрлөл (1913) |
| Other political affiliations | Бие даагч (1896–1913) |
| Мэргэжил | Генерал |
Намтар
засварлахТэрээр нийгмийн самурай нарын ангид харьяалагддаг байсан. 1868 оны Японд болсон төрийн эргэлтийн үеэр тэр эзэн хааны талд орж, Киото дахь хааны ордонг хамгаалж, дараа нь Японы умард хэсэгт шогунатыг дэмжигчидийн талд дайнд оролцсон. 1870-1873 онд Берлинд цэргийн сургуульд суралцсан. 1875-1878 онд Берлин дэх Японы Элчин сайдын яамны цэргийн атташе байсан.
Тэрээр 1894-1895 оны Хятад-Японы дайнд оролцож онцгой гавьяа байгуулсан. 1898 оны 1-р сараас тэрээр Армийн сайд байв. 1900 оны 11-р сард Гүн Ито Хиробумигийн Засгийн газрын танхим байгуулагдахад тэрээр огцорсон. 1901 оны 6-р сард Ито Хиробуми огцорсны дараа тэрээр засгийн газрын шинэ танхим байгуулан тэргүүлжээ. Түүний удирдлаган дор Япон улс Зүүн Ази дахь байр сууриа бэхжүүлсэн. Түүний Ерөнхий сайдын анхны бүрэн эрхийн хугацаад тус улсын гадаад бодлогын амжилт их байв. 1902 онд Англи-Японы холбоо байгуулагдаж, 1905 оны Орос-Японы дайнд Япон ялалт байгуулж Портсмутийн энх тайвны гэрээ байгуулсан. Энэхүү баримт бичиг нь Солонгосын нутаг дэвсгэрт Японы цэргийн бүрэн эрхт байдлыг тогтоосон. Гэвч Японы нийгэм энэ гэрээг доромжлол гэж хүлээж авсан.
Портсмутийн энх тайвны гэрээний нөхцөл байдалд сэтгэл дундуур байгаагаас үүдэн үймээн самуун болсон байна. Улмаар 1906 оны 1-р сард тэрээр огцорчээ.
1908 оны 7-р сарын 14-нд тэрээр Японы Ерөнхий сайдын албан тушаалд буцаж ирээд 1911 оны 8-р сар хүртэл энэ албан тушаалыг хашсан. Энэ үед Солонгосыг Японд нэгтгэх гэрээгээр байгуулсан бөгөөд үүгээр Японы Солонгосыг колоничлох эхлэлийг тавьсан юм. 1911 онд Япон улс анх үйлдвэрүүдийн ажилчдын эрхийг хамгаалах хууль гаргажээ. Олон нийтийн санаа бодол түүний талд байсангүй. Олон нийтийн түүнийг албан тушаалаа ашиглан хувийн хөрөнгөө аривжуулсан улстөрч гэж ойлгогдсон. 1911 оны 8-р сарын 30-нд тэрээр дахин огцорчээ.
1912 оны 12-р сард тэрээр дахин Ерөнхий сайдаар томилогдсон байна. Гэвч энэ томилгоо олон нийтийн дургүйцлийг төрүүлж, олон нийтийн эмх замбараагүй байдалд хүргэсэн. 1913 оны 2-р сард дэмжигчдийнхээ дэмжлэгийг алдсаны улмаас тэрээр дахин огцорсон байна.
Тэрээр 1913 оны 10-р сарын 10-нд нас барсан.
Орчин үеийн Япон улсыг үүсгэн байгуулагчдын нэг гэж тооцогддог.