Данзандаржаагийн Туяа

Данзандаржаагийн Туяа (1954 оны 11-p сарын 19-нд Дорноговь аймгийн Сайншанд сум/хотод төрсөн) Монгол улсын Эрүүл мэндийн сайдаар ажиллаж байсан, байгалийн ухааны доктор, улс төрч эмэгтэй.

Данзандаржаагийн Туяа
Эрүүл Мэндийн Сайд
Албан тушаал хашсан 2006 оны 1 сар – 2007 оны 11 сар
Ерөнхий Сайд	Миеэгомбын Энхболд
Өмнөх	Төгсжаргалын Ганди
Дараах	Бямбаагийн Батсэрээдэнэ
Хувийн мэдээлэл
Төрсөн	1954 оны 11 сарын 19 (1954-11-19) Монгол улс, Дорноговь аймаг, Сайншанд
Улс төрийн нам	Монгол Ардын Хувьсгалт Нам
Алма матер	Эрхүүгийн Анагаах ухааны дээд сургууль
Мэргэжил	Эм зүйч

Намтар

Д.Туяа нь 1954 оны 11 сарын 19-нд Дорноговь аймгийн Сайншанд сум/хотод Данзандаржаагийн хоёр дахь охин болж мэндэлжээ.

Аав Дэндэвийн Данзандаржаа нь Дундговь аймгийн нягтлан бодогч хүн байжээ. Ээж Чойжмаагийн Даримаа нь Сайхандулаан суманд төрж өссөн сурган хүмүүжүүлэгч, бага ангийн багш, Ардын Боловсролын Тэргүүний Ажилтан бөгөөд МАХН-ын ахмад гишүүн хүн байжээ.

Боловсрол

• 1972 онд Дорноговь аймгийн төвийн 10 жилийн сургуулийг төгссөн. Дунд сургуульд байхдаа онц сурч олон улсын Артек хүүхдийн зусланд амрах эрхээр шагнуулж байжээ.
• 1978 онд ЗХУ-ын Эрхүү хотын Анагаах Ухааны Дээд Сургуульд эм зүйч мэргэжлээр суралцаж төгсөв.
• 1980 оноос ШУА-ын эрдэм шинжилгээний дэд ажилтан
• 1993 онд ХБНГУ-ын Гумбольдтын Их сургуулийн докторантур төгсөж, байгалийн ухааны доктор цол хүртжээ.

Орос, Англи, Герман хэлтэй.

Өндөр албан тушаал

• 2006-2007 онд Эрүүл мэндийн сайдаар ажиллаж байв.
• 2001-2008 онуудад УИХ-ын гишүүнээр ажиллаж байсан цөөн эмэгтэй улс төрчдийн нэг билээ.

Гэр бүл

Д.Туяагийн нөхөр Шагдарын Отгонбилэг (2001 онд ослоор нас барсан) бөгөөд хүү Отгонбилэгийн Содбилэг, охин Отгонбилэгийн Одмаа нартай.

Ажил хөдөлмөр

Д.Туяа нь улс төрч, төдийгүй бизнес эрхлэгч эмэгтэй юм.

Бизнест

Монгол ньюс групп, MN25 суваг, НИК группийн хувь эзэмшигч, амжилттай бизнес эрхлэгч.

Ажил эрхлэлт

Д.Туяагийн эрхэлсэн ажлуудаас дурдвал:

• 1978-1981 онд ШУА-ийн Байгалийн нэгдлийн хүрээлэнд эрдэм шинжилгээний дадлагажигч ажилтан
• 1981-1989 онд ШУА-ын Ардын эмнэлгийн хүрээлэнд эрдэм шинжилгээний дэд ажилтан, лабораторын эрхлэгч
• 1989-1990 онд Эрдэнэт хотын I эмийн санд шалгагч
• 1998-2000 онд Эрдэнэт группийн ерөнхий захирал
• 2000-2001 онд Эрүүл мэндийн хяналтын албаны орлогч дарга
• 2001 онд "Монгол 21" сангийн тэргүүн
• 2012 онд Герман дахь элчин сайдын зөвлөх

Спортод

• 1996 онд Атлантын олимпын хүндэт зочин
• 1998 онд Наганогийн олимпын хүндэт зочин
• 2000 онд Сиднейн олимпын хүндэт зочин
• 2001-2002 онд Монголын адал явдалт спорт аяллын холбооны Ерөнхийлөгчөөр ажилласан.

Үйл явдал

• 2024 оны 5 сарын 21-нд Сайхандулаан сумын 100 жилийн ойн баяр наадмын үйл ажиллагаанд зориулж Улсын Их хурлын гишүүн асан, Эрүүлийг хамгаалахын гавьяат ажилтан Данзандаржаагийн Туяа 10 сая төгрөгөөр ивээн тэтгэж хандив өргөсөн байна.

Улс төрд

• 2001-2004 онд Монгол Улсын Их Хурлын гишүүн
• 2004 -2008 онд Монгол Улсын Их Хурлын гишүүн

Намын харьяалал

1986 онд Д.Туяа анх МАХН-д гишүүнээр элсэж байжээ.

• Монгол Ардын Нам

Гавьяа Шагнал

• 2022 онд Эрүүлийг хамгаалах гавьяат ажилтан

Гадаад холбоос

МУ-ын Ерөнхийлөгчийн зарлигаар төрийн одон медаль гардуулав

Талархал: Д.Туяа

Данзандаржаагийн Туяа: Товч танилцуулга