Ар Хорчин хошуу

Ар Хорчин хошуу (монголоор: ᠠᠷᠤ
ᠬᠣᠷᠴᠢᠨ
ᠬᠣᠰᠢᠭᠤ; хятадаар: 阿鲁科尔沁旗, пиньинь: Ālǔ kē'ěrqìn qí) нь БНХАУ-ын Өвөр Монголын Өөртөө засах орны Улаанхад хотын харъяаны хошуу. Улаанхад хотоос баруун урагш 200 гаруй км-т байдаг. Нийт 240,000 гаруй хүнтэйгээс 57.6% нь хань үндэстэн, 40.3% нь монгол үндэстэн аж төрдөг.

Ар Хорчин хошуу

Түүх

Тус хошуу нь Чингис хааны дүү Хавт Хасарын удамчир 16-р зуунд аж төрж байсан "Бахун ноёны хөвгүүд Номт хөндлөн дайчингийн үрс Ар Хорчины засаг ноёд болов." Энэ хошууны нутгаар Нон мөрөн урсдаг тул заримдаа Нон Хорчин гэж нэрлэх тохиолдол байдаг. Чин улсад дагаар орсны дараа Номт хөндлөн дайчингийн хөвгүүн Гүмү дуурсах ноёны хөвгүүн Далай чөхүрийн хөвгүүн Мужаныг (?-1647) 1644 онд засаг, хошууны бэйс өргөмжлөн, Ар Хорчин хошууг байгуулан Зуу Удын чуулганд харъяалуулав. Улмаар тус хошууны хоёр дахь засаг ноён Зулзаган бээр Эеэр засагчийн үед төрийн бэйл, төрийн жүн ван цолоор тус тус өргөмжлөгдсөн нь Чин гүрэн мөхтөл хэвээр үргэлжилсэн.

Чин улс мөхсөний дараа 1912-1933 он хүртэл ДИУ-ын Жэхэ мужид, 1933-1945 онд Манжго улсын Хянган аймагт харъяалагдаж байсан. 1949 онд Өвөр Монголын Өөртөө засах ороны Зуу Уд аймгийн бүрэлдэхүүнд багтаж байгаад, 1969 онд Өвөр Монгол татан буугдахад Ляонин мужид харъяалагдсан. 1979 онд Өвөр Монгол дахин байгуулагдсаны дараа буцаан Зуу Уд аймагт шилжиж, 1983 оноос Улаанхад хотын хошуу болсон.

Засаг захиргааны хуваарь

Ар Хорчин хошуу нь 2 зээл гудамж, 7 балгас, 3 тосгон, 4 суманд хуваагддаг.

Нэр	Ханз	Пиньинь галиг	Монгол бичиг	Засаг захиргааны код
Зээл гудамж
Хан уул зээл гудамж	罕乌拉街道	Hǎnwūlā Jiēdào	ᠬᠠᠨ ᠠᠭᠤᠯᠠ ᠵᠡᠭᠡᠯᠢ ᠭᠤᠳᠤᠮᠵᠢ	150421403
Уу мөрөн зээл гудамж	欧沐沦街道	Ōumùlún Jiēdào	ᠤᠥ ᠮᠥᠷᠡᠨ ᠵᠡᠭᠡᠯᠢ ᠭᠤᠳᠤᠮᠵᠢ	150421404
Балгас
Чавга балгас	天山镇	Tiānshān Zhèn	ᠴᠢᠪᠠᠭ᠎ᠠ ᠪᠠᠯᠭᠠᠰᠤ	150421100
Тяньшанькоу балгас	天山口镇	Tiānshānkǒu Zhèn	ᠲᠢᠶᠠᠨ ᠱᠠᠨ ᠺᠧᠦ ᠪᠠᠯᠭᠠᠰᠤ	150421101
Шуаншэн балгас	双胜镇	Shuāngshèng Zhèn	ᠱᠤᠸᠠᠩ ᠱᠧᠩ ᠪᠠᠯᠭᠠᠰᠤ	150421102
Хонд балгас	坤都镇	Kūndū Zhèn	ᠬᠤᠨᠲᠤ ᠪᠠᠯᠭᠠᠰᠤ	150421103
Баянхуа балгас	巴彦花镇	Bāyànhuā Zhèn	ᠪᠠᠶᠠᠨᠬᠤᠸᠠ ᠪᠠᠯᠭᠠᠰᠤ	150421104
Шаогэнь балгас	绍根镇	Shàogēn Zhèn	ᠱᠤᠤᠭᠢᠨ ᠪᠠᠯᠭᠠᠰᠤ	150421105
Загастай балгас	扎嘎斯台镇	Zhāgāsītái Zhèn	ᠵᠢᠭᠠᠰᠤᠲᠠᠢ ᠪᠠᠯᠭᠠᠰᠤ	150421106
Тосгон
Шиньминь тосгон	新民乡	Xīnmín Xiāng	ᠰᠢᠨ ᠮᠢᠨ ᠰᠢᠶᠠᠩ	150421200
Шяньфэн тосгон	先锋乡	Xiānfēng Xiāng	ᠰᠢᠶᠠᠨ ᠹᠧᠩ ᠰᠢᠶᠠᠩ	150421201
Улаанхад тосгон	乌兰哈达乡	Wūlánhādá Xiāng	ᠤᠯᠠᠭᠠᠨᠬᠠᠳᠠ ᠰᠢᠶᠠᠩ	150421205
Сум
Хансум сум	罕苏木苏木	Hǎnsūmù Sūmù	ᠬᠠᠨᠰᠦᠮ᠎ᠡ ᠰᠤᠮᠤ	150421202
Сайхантал сум	赛罕塔拉苏木	Sàihǎntǎlā Sūmù	ᠰᠠᠢᠬᠠᠨᠲᠠᠯ᠎ᠠ ᠰᠤᠮᠤ	150421203
Балчирууд сум	巴拉奇如德苏木	Bālāqírúdé Sūmù	ᠪᠠᠯᠴᠢᠷᠤᠳ ᠰᠤᠮᠤ	150421204
Баян Өндөр сум	巴彦温都尔苏木	Bāyànwēndū'ěr Sūmù	ᠪᠠᠶᠠᠨ᠌ᠠᠥᠨᠳᠥᠷ ᠰᠤᠮᠤ	150421206

Холбоотой хуудас

• Зуу Удын чуулган
• Хавт Хасар