II Иохан Паул

II Иохан Паул (лат. Ioannes Paulus II, 1920 оны 5 сарын 18 - 2005 оны 4 сарын 2) нь Польш улсад төрсөн, 264 дэх Ромын пап (1978 оны 10 сарын 16 - 2005 оны 4 сарын 2) юм. Жинхэнэ нэр нь Кароль Иозеф Войтыла (пол. Karol Józef Wojtyła).

Гэгээн, Ромын Пап II Иохан Паул
II Иохан Паул (2004 оны 6 сар, Цагаан ордонд)
Өргөмжлөгдсөн 1978 оны 10 сарын 16
Сэнтийнээс буусан 2005 оны 4 сарын 2 (&0000000000000026.00000026 жил, &0000000000000168.000000168 хоног)
Өмнөх I Иохан Паул
Дараах XVI Бенедикт
Санваартны хэргэм хүртсэн 1946 оны 11 сарын 1
Санваартны хэргэм хүртээсэн Адам Стифан Сафиха
Хамба ламын хэргэм хүртсэн 1958 оны 9 сарын 28
Хамба ламын хэргэм хүртээсэн Евгениуш Базиак
Кардиналаар томилсон Пап VI Паул
Хувийн мэдээлэл
Жинхэнэ нэр Кароль Иозеф Войтыла
Төрсөн 1920 оны 5 сарын 18 (1920-05-18)
Вадовиц, Польш
Нас барсан 2005 оны 4 сарын 2 (84 насалсан)
Апостлуудын ордон, Ватикан
Улс Польш
Гарын үсэг {{{signature_alt}}}
Гэгээн
Тэмдэглэлт өдөр 10 сарын 22
Хүндлэгддэг шашин Ромын Католик шашин
Адислагдсан 2011 оны 5 сарын 1
Гэгээн Петрийн талбай, Ватикан
Адисласан хүн XVI Бенедикт
Гэгээнтэн болсон 2014 оны 4 сарын 27
Гэгээнтнээр өргөмжилсөн Пап Францис
Ивээгч Залуу сүсэгтнүүд, гэр бүл, Дэлхийн Залуучуудын өдөр, Краковын шашны их хүрээ
Сүлд тэмдэг John paul 2 coa.svg

VI Адриан (Нидерландад төрсөн, 1522 - 1523 онд Пап байсан)-аас хойш 455 жилийн дараа итали биш хүн Пап болсон нь II Иохан Паул бөгөөд мөн тэрээр анхны Слав угсаат Пап юм.

Дэлхийд энхтайван байдал тогтоохын төлөө, дайны эсрэг үйл ажиллагаагаараа маш их алдартай бөгөөд Зүүн Европт ардчилал тогтооход дэмжлэг үзүүлэх зэргээр шашны хүрээнээс гадуур ч дэлхий дахинд нөлөөтэй хүн байв. Ялангуяа шашин хоорондын харилцааны асуудлыг зөөлрүүлж, бусад шашин шүтдэг хүмүүсийн ч хүндлэлийг хүлээдэг байлаа.

НамтарEdit

Кароль Войтыла 1920 онд Краковын ойролцоох Вадовица хотод Кароль, Эмилиа нарын 2 дахь хүү болон мэндэлжээ. Эцэг нь польшийн армид ахлагчийн алба хааж байсан хүн аж.

Тэрээр 8 настайдаа ээхийгээ, 11-тэйдээ Эдмүнд ахыгаа, 20-тойдоо эцгээ алдаж өнчин хоцорчээ. Тэр үедээ Краков дахь еврейн нийгэмлэгийнхэнтэй ойр дотно байсан нь хожим Ромын Пап болсон хойноо еврейчүүдэд элгэмсэг хандаж байсных нь шалтгаан юм. Түүнийг 19-тэй байхад буюу 1939 онд Герман Польшийг эзлэн авахад сурч байсан их сургууль нь хаагдаж, уурхай, үйлдвэрт ажиллаж, мөн театрын жүжигчин, жүжгийн зохиолч хийж байв.

1943 онд шашны зүтгэлтэн болохоор шийдсэн боловч тэр үед шашны сургууль хориотой байсан тул хууль бусаар үйл ажиллагаа явуулж байсан шашны нууц сургуульд орж, 1946 оны 11 сарын 1-нд хамба ламын зэрэгтэй болжээ. Улмаар Италийн Ром орж Ватиканы Анжелик шашны их сургуульд дэвшин суралцаж, 1948 онд теологийн докторын зэрэг хамгаалсан байна. Мөн ондоо Польш руугаа буцан, их сургуульд багшилж байгаад 1958 оны 7 сарын 4-нд Краковийн дэд хамба ламаар томилогдож, 9 сарын 28-нд ёслол үйлджээ.

Улмаар 1964 оны 1 сарын 13-нд Краковийн тэргүүн хамба болсон бөгөөд 1967 оны 7 сарын 26-нд кардинал цолтой болсон. 1978 онд Ромын Пап VI Павел нас нөгчин, Войтылагийн оролцсон Ватиканы нууц зөвлөгөөнөөр 65 настай Албино Лучиано (I Иохан Паул) Ромын Папаар сонгогдсон ч 33-хан өдрийн дараа нас нөгчиж, 1978 оны 10 сард дахин нууц зөвлөгөөн /конклав/ болсон байна. Ийнхүү Войтыла 2 дахь удаагаа конклавт оролцоод 58 насандаа шинэ Ромын Папаар сонгогдсон байна. (10 сарын 16-нд сонгогдож, 22-нд сэнтийд заларсан)

Польшоос Ромын Пап төрсөн нь полшуудын үндэсний үзлийг дэврээж, Зөвлөлт Холбоот Улсын эсрэг хөдөлгөөн хүчээ авахад ихээхэн нөлөөлсөн юм.

Тэрээр Ромын Пап байх хугацаандаа дэлхийн 130 гаруй оронд айлчилсан гэдэг.

Орос руу хийх аялал нь Иоанн Павел II -ийн биелээгүй мөрөөдөл хэвээр үлджээ. Коммунизм унахаас өмнөх жилүүдэд түүний ЗХУ -д хийх аялал боломжгүй байсан. "Төмөр хөшиг" нурсаны дараа Орост айлчлах нь улс төрийн хувьд боломжтой болсон боловч Оросын Үнэн алдартны сүм Пап ламын айлчлалыг эсэргүүцэв. Москвагийн Хамба-Патриарх нь Ромын Католик Сүмийг Үнэн Алдартны Сүмийн анхны нутаг дэвсгэрт өргөжсөн гэж буруутгаж, Москва ба Бүх Оросын Патриарх Алексий II хэлэхдээ, католикууд прозелитизмээс татгалзах хүртэл (Үнэн Алдартны Христэд итгэгчдийг католик шашинд оруулах оролдлого), Тэдний сүмийн тэргүүн Орос руу явах боломжгүй юм. Владимир Путин зэрэг олон улс төрийн удирдагчид Пап ламын Орост хийх айлчлалыг хийхийг оролдсон боловч Москвагийн Патриархын байр суурь хатуу хэвээр байжээ. 2001 оны 2 дугаар сард ОХУ-ын Ерөнхий сайд Михаил Касьянов Москвагийн Патриархын дургүйцлийг тойрч гарахыг оролдож, Пап ламыг Орост шашны бус, төрийн айлчлал хийхийг санал болгосон байдаг.

1981 оны 5 сарын 13-нд Гэгээн Петрийн талбайд үг хэлж байх үедээ Туркийн иргэн хэт барууны үзэлтэй "Саарал чоно" бүлгийн гишүүн Мехмед Али Агжа-д буудуулж гэдсэндээ хүнд шархадсан юм. Түүнийг алах ажиллагааг Болгарын тусгай алба болон Зөвлөлтийн КГБ санаачилж зохион байгуулсан гэгддэг бөгөөд тэр үед түүний үйл ажиллагаа нь социалист системд үхлийн цохилт өгч байсантай нь холбоотой гэж үздэг.

Мөн 1982 оны 5 сард Португалд айлчилж байх үедээ түүний Ватиканд хийж буй шинэчлэлийг эсэргүүцдэг Испанийн нэгэн санваартан хутга барьж дайран, гэмтээсэн удаатай.

2000 онд Есүс Христ мэндэлсний 2000 жилийн ой тохиох үеэр урьдын Христийн шашинтнуудын еврейчүүдэд хандаж байсан хандлага, загалмайтны арми муслимуудад тарьсан гай зовлонг хүлээн зөвшөөрч уучлал гуйн, Галилео Галилейг цагаатгасан юм.

Иоанн Павел II -ийн нэртэй бүхэл бүтэн эрин үе холбоотой - Европ дахь коммунизм нуран унасан эрин үеийг түүнтэй холбон үздэг болсон юм. Иоанн Павел II өөрийн албан тушаалд байх хугацаандаа Сталинизмын үзэл санааны эсрэг, мөн орчин үеийн капиталист системийн сөрөг тал болох олон түмний улс төр, нийгмийн дарангуйллын эсрэг тууштай тэмцэгч гэдгээ харуулжээ. Хүний эрх, эрх чөлөөг дэмжсэн олон нийтийн өмнө хэлсэн үг нь түүнийг дэлхий даяар авторитаризмын эсрэг тэмцлийн бэлгэдэл болгосон юм.

II Иохан Паул нь амьдралынхаа сүүлийн жилүүдэд Паркинсоны өвчнөөр шаналж байсан билээ.

2005 оны 2 сараас томуу тусч, эмнэлэгт байн байн хэвтэж байгаад 2005 оны 4 сарын 2-ны орой орон нутгийн цагаар 21 цаг 37 минутад 84 насандаа нас нөгчсөн байна.

2005 оны 4 сарын 8-нд болсон оршуулгын ёслолд дэлхийн олон орны удирдагчид оролцож түүнд хүндэтгэл үзүүлсэн юм.

Монгол Улсын Ерөнхийлөгч Н.Багабанди 2000 онд Италид айлчлах үеэрээ Иохан Павелтай уулзаж байсан байна.

Гадаад холбоосEdit

  Commons: II Иохан Паул – Викимедиа зураг, бичлэг, дууны сан
Өмнөх
I Иохан Паул
264 дэх Ромын пап
1978 - 2005
Дараах
XVI Бенедикт