Чулуунбилэгийн Лодойсамбуу

Чулуунбилэгийн Лодойсамбуу (1987 онд Улаанбаатар хотод төрсөн)- “Улаан бал" нэвтрүүлгийн хөтлөгч.

Намтар

2005-2009 онд “Хэвлэлийн хүрээлэн”-ийн дэргэдэх “Сэтгүүлч” коллежид сурч, төгссөн.

2007-2010 онд үндэсний өдөр тутмын “Зууны мэдээ” сонинд гэрэл зургийн сурвалжлагч, Дизайны албаны даргаар ажилласан.

2009 онд “Өнөөгийн төр” гэрэл зургаараа “Оны шилдэг гэрэл зураг” Гран при шагнал хүртсэн.

2010-2011 онд “ShuuD.mn” сайтад гэрэл зургийн сурвалжлагч,

2011 оны эхэн үеэс “Шууд” телевизид “Гамбир” ток шоуг хөтөлж байсан, мэдээний албаны сурвалжлагчаар ажиллаж байсан.

2012-2016 онд Боловсролын Яамны Хэвлэлийн албанд ажилласан.

2016 онд "Улаан бал" нэвтрүүлгийг хийх санаа түүнд төрж байсан гэдэг. Улмаар "ТВ6" сувгаар анх нэвтрүүлгээ хүргэж байжээ. NTV телевизэд Улаан бал нэвтрүүлгээ 250 саяар зарсан гэдэг бөгөөд зочдоосоо ямар ч мөнгө авдаггүй “над шиг хүмүүс хэзээ ч хүний халаасанд ордоггүй юм” хэмээн тэр хэлдэг.

2024 оны УИХ-ын сонгуульд сэтгүүлч Ч.Лодойсамбууг Ардчилсан намаас Хан-Уул дүүрэгт нэр дэвшүүлэх асуудлыг Лу.Гантөмөр ярьж эхлээд байна.