Чимэдийн Цэвээн

Чимэдийн Цэвээн (* 1901 онд Төв аймгийн Баянцогт суманд; † 1956 онд) нь монголын жүжигчин. Тэрээр 1931 онд УТТ-т ороод нэг их удаагүй ч түүний авьяас билэг ур чадвар нь богино хугацаанд хөгжин цэцэглэж хүн бүрийн анхаарлыг татах болсон учир Улсын уран сайхны хүрээлэнгээс 1931 онд Улсын 1-р зэргийн жүжигчний мэргэжлийн үнэмлэх түүнд гардуулжээ. Түүнийг Сайн дурын театрын 14 жил, мэргэжлийн театр байгуулагдсаны 5 жилийн ойг тохиолдуулан 1935 онд Улсын бага хурлын тэргүүлэгчид, Ардын Сайд нарын зөвлөлийн хамтарсан хурлын тогтоолоор Улсын гавьяат жүжигчин цол хүртээсэн юм.

Уран бүтээл

Д. Намдаг

• “Шарай голын гурван хаан” – Гэсэр хаан
• “Амь ба амьдралын үнэ” - Банзар

Э.Оюун

• “Гайхамшигт лимбэ” - мангас

Ш. Аюуш

• “Харанхуй засаг”

Тайзнаа бүтээсэн дүрүүд

• Усгүй хар архи (С. Буяннэмэх, 1931 он)
• Эрдэнэт соёмбын эзэн эрэлхэг жанжин Сүхбаатар (С. Буяннэмэх, 1933 он)
• Шөнийн буг (С. Буяннэмэх, 1934 он)
• Гурван хорын хүлээс (С. Буяннэмэх, 1935 он)
• Харанхуй засаг (Ши. Аюуш, 1932 он)
• Би биш (Д. Нацагдорж, Д. Намдаг 1934 он)
• Хятад орноос хүрхрэгтүн (Третъяков 1934 он) - Усан онгоцны дарга
• Өвгөн бүргэд (Очир, 1935 он)
• Амь ба амьдралын үнэ (Д. Намдаг, 1936 он) - Банзар
• Гайхамшигт лимбэ (Э. Оюун, 1940 он) - Мангас
• Шарай голын гурван хаан (Д. Намдаг, 1941 он) - Гэсэр хаан

Гавьяа шагнал

• 1935 онд Монгол Улсын гавъяат жүжигчин цол