Манжуур (хот)
Манжуур (Хятад: 满洲里; пиньинь: Mǎnzhōulǐ) нь Бүгд Найрамдах Хятад Ард Улсын Өвөр Монголын Өөртөө Засах Орны Хөлөнбуйр аймагт орших тойргийн зэрэглэлтэй хот юм. ОХУ-тай хиллэх хил дээр оршдог тус хот нь БНХАУ-ын хамгийн их ачаалалтай хилийн боомт билээ. 696.3 хавтгай дөрвөлжин километр нутагт 300,000 (2010 оны байдлаар) гаруй хүн оршин суудаг.
Манжуур
满洲里市 · ᠮᠠᠨᠵᠤᠤᠷ ᠬᠣᠲᠠ | |
|---|---|
 | |
 Хөлөнбуйр аймаг дахь Манжуур | |
  Манжуур Өвөр Монгол дахь байршил  Манжуур Манжуур (Хятад) | |
| Улс |  Хятад |
| Өөртөө засах орон | Өвөр Монгол |
| Аймгийн энтэй хот | Хөлөнбуйр |
| Захиргааны төв | Дуншань дэд дүүрэг |
| Газар нутаг | |
| • Нийт | 732.4 км2 (282.8 бээр2) |
| Хүн ам (2020)[2] | |
| • Нийт | 150,508 |
| • Нягтрал | 210/км2 (530/бээр2) |
| Цагийн бүс | UTC+8 (Хятадын Стандарт) |
| Шуудангийн код | 021400 |
| Бүсийн дугаар | 0470 |
| Вэб сайт | www |
| Манжуур | |||||||||
|---|---|---|---|---|---|---|---|---|---|
| Хятад нэр | |||||||||
| Уламжлалт | 滿洲里 | ||||||||
| Хялбаршуулсан | 满洲里 | ||||||||
| |||||||||
| Монгол нэр | |||||||||
| Монголын Кирилл | Манжуур хот | ||||||||
| Монгол бичиг | ᠮᠠᠨᠵᠤᠤᠷ ᠬᠣᠲᠠ | ||||||||
| |||||||||
| Орос нэр | |||||||||
| Орос | Маньчжурия | ||||||||
Газарзүй
засварлахМанжуур хот Хөлөнбуйр аймгийн баруун хойд хэсэгт оршино. Зүүн, өмнөд, баруун талаараа Шинэ Барга Зүүн хошуу, Шинэ Барга Баруун хошуутай, хойд талаараа Оросын Холбооны Улстай 54 км урттай хилээр хиллэнэ. Манжуур хот болон хоёр улсын хил дээр байдаг Авгайт арлын хойд талд Оросын Забайкальск хот оршино.
Манжуур нь Хөлөнбуйрын тал хээр нутагт орших бөгөөд өмнө талд нь 2,600 км² талбайтай, дундаж гүн нь 5 м бүхий Хөлөн нуур бий.
Засаг захиргааны хуваарь
засварлахМанжуур нь 10 дэд дүүрэг, нэг сууринтай. 6 дэд дүүрэг нь нийлж, нэг дүүрэг болдог боловч Хятадад зөвхөн аймгийн зэрэглэлтэй хотууд л дүүрэгтэй байх эрхтэй тул дүүргүүдийн жагсаалтад бичигддэггүй байна.
Түүх
засварлахМанжуурын нутагт эрт дээр үеэс Дунху, Хүннү, Сяньби, Кидан, Зүрчид, Монгол зэрэг янз бүрийн үндэстэн, овог аймгууд нутаглаж байв. Манж Чин улсын эхэн үеэс Орос, Хятадын хилийн зааг болжээ.
1896 оны Хятад-Оросын нууц гэрээний дагуу баригдсан, Сибирь, Манжуур, Оросын алс дорнодыг холбосон Хятадын алс дорнодын төмөр зам 1901 онд ашиглалтад орсон. Ийнхүү Оросын талаас орж ирээд эхний өртөө болох Манжуур өртөө байгуулагдсанаар суурин үүсчээ.
1905 оны Хятад-Японы гэрээ ёсоор худалдааны төв болсон нь хөгжлийн үндэс болсон байна. 1908 онд Манжуурт гаалийн цэг бий болсон. Бүгд Найрамдах Хятад Улсын захиргаан дор Манжуур хот нь Хянган мужид харьяалагдаж байв. 1927 онд хотын статустай болжээ. Хянган муж болон эргэн тойрны нутгийн хамтаар 1931 онд Японы хяналтад орж, улмаар 1932-1945 онд Манж-Го улсын бүрэлдэхүүнд багтаж байлаа. 1946 оноос одоогийн захиргаа буюу Бүгд Найрамдах Хятад Ард Улсын Өвөр Монголын харьяанд багтах болжээ.
1992 онд Манжуур нь БНХАУ-ын анхны хилийн боомт хотуудын нэг болсноор Орос-Хятадын хилийн худалдааны чухал төв болон хөгжиж байна.[3]
Соёл
засварлахМанжуурын цас мөсний баяр жил бүрийн өвөл 2, эсвэл 3-р сард зохиогддог.
Эдийн засаг
засварлахХятадын хуурай газрын хамгийн ачаалалтай хилийн боомт болох Манжуураар Хятадын Зүүн Европтой хийж буй гадаад худалдааны 60% нь дамждаг.
Хүн ам
засварлахМанжуурын хүн амын 95% нь Хан үндэстэн, үлдсэн нь Монгол, Манж болон бусад үндэстнүүд болно.
Тээвэр
засварлахТөмөр зам
засварлах
Бээжингээс Москва орох Транс-Сибирийн төмөр замын Транс-Манжуурын салбар нь тус өртөөгөөр дайрдаг. Мөн Чита, Краснокаменск, Эрхүү, Улаан-Үд рүү зорчигч тээврийн галт тэрэг зорчдог.
Агаар
засварлахМанжуурын нисэх онгоцны буудал хотын баруун хэсэгт байх бөгөөд Хятадын нийслэлБээжин, Өвөрмонголын нийслэл Хөххот, Монгол Улсын нийслэл Улаанбаатар хот руу тогтмол нислэгтэй. Монгол Улсын иргэний агаарын тээврийн Хүннү Эйр компани ФОКЕР-50 загварын 50 хүний суудалтай онгоцоор долоо хоногт хоёр удаа Улаанбаатараас Манжуур руу нислэг үйлддэг.
Хурдны зам
засварлах- Хятадын үндэсний 301-р хурдны замаар Өвөр Монгол болон Хармөрөн мужийн хотуудтай холбогддог.
Ах дүү хотууд
засварлахМанжуур нь дараах хоёр хоттой ах дүүгийн барилдлагатай.[4]
ОХУ, Чита- ОХУ, Краснокаменск
Эшлэл
засварлах- ↑ Ministry of Housing and Urban-Rural Development, ed. (2019). China Urban Construction Statistical Yearbook 2017. Beijing: China Statistics Press. p. 46. Archived from the original on 18 June 2019. Татаж авсан: 11 January 2020.
- ↑ Inner Mongolia: Prefectures, Cities, Districts and Counties
- ↑ Siberia's black market logging (BBC News, 2008-04-09)
- ↑ "Sister cities". Archived from the original on 2013-05-14. Татаж авсан: 2010-11-03.
Цахим холбоос
засварлах
Commons: Манжуур – Викимедиа зураг, бичлэг, дууны сан- Албан ёсны вэбсайт (Хялбаршуулсан Хятад)
- Мэдээллийн нэгдсэн сайт (Хялбаршуулсан Хятад)
- Өвөр Монголын шуудангийн код (Англи)