Атланта Хоокс
Атланта Хоокс (Англи: Atlanta Hawks) нь Америкийн Жоржиа муж улсын Атланта хотын мэргэжлийн сагсан бөмбөгийн баг юм. Дорно бүсийн Зүүн Өмнөд дивизон харьяалагддаг. 1946 онд Миссисипи мөрний бүст Баффало Байзонс гэсэн нэртэйгээр байгуулагджээ. 1951 онд Висконсин муж улсын Милуоки хот уруу нүүн Милуоки Хоокс болов. 1955-56 улиралд дахин нүүдэл хийн Миссуригийн Сент-Луйс хотод ирэв. Тэндээ Хоокс 13 улирлыг үджээ. Хамгийн сүүлийн нүүдлийг 1968 онд хийн Жоржиа мужийн Атланта хотод суурьшжээ. Багийн нэрийн утга Шонхор.
| Атланта Хоокс | |||
|---|---|---|---|
| Бүс | Дорно бүс | ||
| Дивизон | Зүүн Өмнөд | ||
| Байгуулагдсан | 1946 (НБА-д 1949 онд элссэн) | ||
| Түүх | Баффало Байзонс (1946) Трай Ситийс Блэйкxоокс (1946-51) Милуоки Хоокс (1951-55) Сент-Луйс Хоокс (1955-68) Атланта Хоокс (1968-өнөөг хүртэл) | ||
| Ордон | Филипс Арена | ||
| Хот | Жоржиа муж улс, Атланта | ||
| Багийн өнгө | Хар хөх Улаан Саарал Цагаан | ||
| Эзэн | Атланта Спирит (Билл Тастл, Итака Коллежийн профессор) | ||
| Ерөнхий менежер | Рик Санд | ||
| Ерөнхий дасгалжуулагч | Ларри Дрью | ||
| Маскот | Харри Хоокс ба Скайхоокс (Harry the Hawk and Skyhawk) | ||
| Д-Лиг-ийн дагуул баг | Юта Флаш | ||
| Аварга | 1 (1958) | ||
| Бүсийн аварга | 4 (Өрнө: (4) 1957, 1958, 1960, 1961) | ||
| Дивизонны аварга | 14 (1956, 1957, 1958, 1959, 1960, 1961, 1963, 1964, 1966, 1967, 1970, 1980, 1987, 1994) | ||
| Мөнхөлсөн дугаар | 5 (9, 17, 21, 23, 40) | ||
| Веб сайт | hawks.com | ||
| |||
Түүх
засварлахЭхний жилүүд
засварлахОдоогийн НБА багууд дотроос Атланта Хоокс нь түүх арвинтай багуудын нэг юм. Хооксууд 1946 онд НБЛ (Үндэсний Сагсан Бөмбөгийн Лиг/National Basketball League)-д харъялалтай Баффало Байзонс гэдэг нэртэйгээр байгуулагдаж, Иллиной мужийн Морлин, Рок Айленд, Айова мужийн Давенпорт хотыг нийлүүлэн нутгаа болгож байжээ. Мөн оныхоо 12 сард Трай-Ситис Блэйкхоокс нэртэй болсон. Блэйкxоокс нь байгуулагдаад 12 жил болж буй Үндэсний Сагсан бөмбөгийн Лиг, 4 жил болж буй Америкийн Сагсан бөмбөгийн Холбоо нэгдэн 1949 онд Үндэсний Сагсан бөмбөгийн Холбоог байгуулагдахад байсан 17 багийн нэг юм. Блэйкxоокс дасгалжуулагч Ред Ауэрбахын удирдлага доор НБА-ын анхны жилийн плей-оффт шалгарч чадсан юм. Гэвч дараагийн улиралд буюу 1950 оны драфтаар хожим НБА-ийн 50 шилдэг тоглогчид багтсан Боб Коузиг (Боб Сэлтикс багтай аваргын бөгжинд 6 удаа хүрсэн) авсан ч Чикаго Стагс багт заран маш том алдаа хийсэн билээ. Баг 1951 онд Милуоки хот уруу нүүн Хоокс боллоо. 1953 онд хожим нь МВП болсон Боб Петтитийг драфтлав. Гэвч баг олигтой амжилт үзүүлэлгүй явсаар 1955 онд Сент-Луйс хот уруу дахин нүүжээ. Баг драфт, чөлөөт агентаас шилдэг тоглогчдын наймааг оновчтой хийснээр 1957 он гэхэд лигийн шилдэг багийн нэг болсон байлаа. 1957 оны финалд Бостон Сэлтикс багт таарч 7 тоглолт хийснээс 2-ыг нь нэмэлт цаг сунган тоглосон ч хожигджээ. 1958 онд дасгалжуулагч Алекс Ханнумтай дахин финалд гарч ирэн Сэлтиксчүүдтэй 6 тоглолт хийсэн ч аваргын бөгж мөрөөдөл болон үлджээ. Хоокс үүнээс хойших 10 жил НБА-гийн шилдэг баг байсаар байсан юм. 1960 онд Эд Макаулей дасгалжуулагчтай финалд гаран өштөн Сэлтикстэй таарч 7 тоглолт хийн ялгадал хүлээв. Дараагийн улиралд солилцоогоор Лэнни Вилкэнсийг багтаа нэмэн финалд гарч ирсэн боловч ид үедээ явсан Бостонтой 5 тоглолт хийн мөнхийн ялагдлаа хүлээжээ. Финалд Сэлтикс багтай хийсэн бүх тоглолтод Хооксын зарсан Боб Коузи холбон тоглож байжээ.
Атланта Хоокс
засварлах1968 онд баг Жоржиа мужийн Атланта хотод ирснээр багийн нэр одоогийн Атланта Хоокс болсон билээ. Энэ үеээс багийн хожлын харьцаа 50%-иас хэтрэлгүй 10-аад жил үргэлжлэв. Плэй-оффт гарсан ч 1, 2-р шатнаас хэтэрдэггүй он цагууд үргэлжилж баг уналтад орлоо. 1970-аад оны эхэн үед багт ирсэн Пит Маравич гол тоглогч нь байв.
1970-аад оны дунд үеэс багийн бүрэн уналт эхэлж, плэй-оффт ч орж чадахгүй болов. Энэ үе 1980-аад оны дунд хүртэл үргэлжлэв. 1980-аад оны дунд үед багийн дасгалжуулагчаар Майк Фратэлло ирэн хамгаалалтыг сайжруулснаар баг сэргэж эхлэв. 1982 оны драфтаар нэрлэсэн Доминик Вилкинс лигийн тэргүүн зэргийн тоглогчдын нэг болон багийн нэр хүнд өсжээ.
1990-ээд он уруу ороод баг дахин уналтад оров. 1993 онд Лэнни Вилкэнс дасгалжуулагчаар ирж, 1993-94 оны улирлын дундуур Вилкинс, дараагийн улиралд багийн түлхүүр тоглогчийн нэг болох Виллиамсыг явуулсан ч Стив Смит, Дикембо Мутомбо, Мүүки Блэйлок, Алан Хэндэрсон нарын бүрэлдэхүүнтэйгээр хэсгийн аварга болж чадсан юм. Вилкэнс багийг амжилттай удирдаж байсан ч плэй-оффын 2 дугаар шатнаас хэтэрдэггүй он цаг улирсаар, 1999 онд Стив Смит, Мүүки Блэйлок яван, 2000 онд Вилкэнс ажлаа өгчээ. 21-р зуунд орох үед багийн хожлын харьцаа 40%-иас хэтрэхээ болилоо.
1999 оны драфтаар авсан Жэйсон Терри болон Алан Хэндэрсон 2-оор Антони Валкер, 2001 онд драфтын нэгдүгээр тойргийн 3-аар авсан Пау Газолоор Шариф Абдур Рахим, 2004 оны 2 сард Рашид Валлесийг Вэсли Пэрсон, Шариф Абдур-Рахим, Тэо Ратлифф болон Дан Дика нарын 4 тоглогч оролцуулсан солилцоонууд хийж байжээ. Рашид Валлес Атланта Хоокс багт 1 тоглолт хийгээд Детройт, Бостон гэсэн гурвалжилсан солилцоогоор явсан байна. 2003 оны 9 сард Тайм Варнер компани адилхан ордон ашигладаг мэргэжлийн хоккейн баг Атланта Трашэрс багтай цуг Атланта Спиритэд заржээ.
2004 оны драфтаар Жош Чалдэрс, Жош Смит, Салим Стоудамайр нарыг нэрлэсэн боловч 2004-05 оны yлирлыг баг түүхэндээ хамгийн бага болох 13-хан хожилтой дуусгажээ. 2005 онд драфтаар Марвин Виллиамс, солилцоогоор Жо Жонсонг багтаа нэгтгэж чадлаа. 2007 онд Ал Хоpфордыг драфталснаар баг эрс залуужсан юм. 2008 оны 2 сард Майк Биббиг бүрэлдэхүүндээ нэмснээр 9 жилийн дараа плэй-оффт орж чаджээ.
Улирлуудын үзүүлэлт
засварлахАрена
засварлах- Баффало Аудиториум 1946
- Вартон Фийлд Хаус 1946–51
- Милуоки Арена 1951–55
- Кийл Аудиториум 1955–68 (Сент-Луйс Аренаг үе үе хэрэглэдэг байсан)
- Александр Мемориал Колизей 1968–72 ба 1997–99
- Омни Колизей 1972–97
- Жоржиа Доом 1997–99 (Омни нь нураагдах болсон, мөн шинэ ордон баригдах болсноор хэсэг тоглолтоо Жоржиа Технологийн Их Сургуулийн Александр Мемориал Колизей хийдэг байжээ)
- Филипс Арена 1999–одоог хүртэл
Тоглогчид
засварлахАлдрын танхимын гишүүд
засварлах- Уолт Беллами
- Клифф Хаган (Ст. Лоуйс)
- Конни Хавкинс
- Боб Хоубрегс (Милуоки)
- Мозес Мэлоун
- Пит Маравич
- Эд Макаали (Сент-Луйс-тоглогч ба дасгалжуулагч)
- Боб Петтит (Сент-Луйс)
- Ленни Вилкенс (Сент-Луйс-тоглогч; Атланта-дасгалжуулагч)
- Доминик Вилкинс
Хаган, Петтит, Макаали, Ленни Вилкенс, Боб Ферри нар Хооксыг Сент-Луйст байхад тоглодог байсан ба Миссури мужийн Алдрын танхимд мөнхөрсөн юм.
Мөнхөлсөн дугаар
засварлах- 21 Доминик Вилкинс, Довтлогч, 1982–94
- 23 Лою Хадсон, Довтлогч-Хамгаалагч, 1966–77
- 40 Жэйсон Коллиер, Төв, 2003–05 (Филипс Аренад түүний албан ёсны баннерийг зүүгээгүй байдаг)
- 9 Боб Петтит, Довтлогч, 1954–65
- 17 Тед Тюрнер, эзэн[1]
Одоогийн бүрэлдэхүүн
засварлахАхлах дасгалжуулагчид
засварлахMike Budenholzer Майк Будэнхолзэр