Эстремадура

Extremadura (испаниар); Эстремадура
Далбаа	Сүлд
Далбаа	Сүлд
	Газрын зураг
Үндсэн мэдээлэл
Улс:	Испани
Нийслэл хот:	Мерида
Нутаг дэвсгэр:	41,634 км²
Хүн ам:	1,067,710 (1. Нэгдүгээр сар 2019)
Хүн амын нягтрал:	25.6 хүн/км²
Хязгаарын зай:	Умард-Өмнөд: ≈ 281 км; Баруун-Зүүн: ≈ 221 км
ISO 3166-2:	ES-EX
Цахим хуудас:	www.juntaex.es
Улс төр ба засаг захиргаа
ӨЗУ болсон:	1983 оны хоёрдугаар сарын 26
Ерөнхийлөгч:	Гильермо Фернандэс Вара (ИСАН)
Ерөнхий Кортес; дахь төлөөлөл:	Конгресс: 10 суудал; Сенат: 8 суудал
Захиргааны нэгж:	2 аймаг

Эстремадура (Испани: Extremadura [ˌɛ(k)strɪməˈdjʊərə]) нь Испани улсын 41.634 км² газар нутагтай, 1.067.710 оршин суугчтай өөртөө засах муж. Өөртөө засах муж нь улсынхаа баруун урд зүгт, Португал улстай хиллэн оршдог. Дотроо Касерес ба Бадахоз гэх хоёр аймагт хуваагдана.

Эстремадурын нэр нь «extremos del Duero» гэсэн үгнээс гаралтай бөгөөд энэ нь «Дуэро голоос чанагш» гэх утгатай аж. Улсын нутаг дэвсгэрийн 8,3 хувийг эзлэх газар нутагт, улсын хүн амын 2,6 хувьтай тэнцэх оршин суугч байгаа нь хамгийн сийрэг Кастили-Ла Манчийн дараа орно. Нутгийн олныг эстремена эсвэл эстремено гэх бөгөөд тэд 383 суурин таран сууна. 100.000 дээш хүн амтай цорын ганц хот нь Бадахоз (150.000 оршин суугч) юм. Өөртөө засах нийгэмлэгийн нийслэл нь Мерида, 59.000 орчим хүн амтай. Хүн амын 57 % нь 10.000 хүрэхгүй оршин суугч бүхий суурингуудад амьдардаг байна.

Газар зүй

Эстремадура нь 41.635 км² газар нутагтай (Швейцар ба Бельгийг нийлүүлснээс эсвэл Нидерландаас том буюу ойролцоогоор Сэлэнгэ аймгийн газар нутаг гэсэн үг) ба үүгээрээ улсдаа тавдугаар том газар нутагтай нийгэмлэгт тооцогдоно.