Энтони Ванден Борре
Энтони Ванден Борре (Франц: Anthony Vanden Borre, 1987 оны аравдугаар сарын сарын 24-нд Конгогийн Ликаси хотод төрсөн) — Бельгийн хөлбөмбөгчин бөгөөд Андерлехт болон Бельгийн шигшээд тоглодог.
 Ванден Борре Фиорентинад, 2007 он. | |||
| Хувийн мэдээлэл | |||
|---|---|---|---|
| Бүтэн нэр | Энтони Ванден Борре | ||
| Төрсөн огноо | 1987 оны 10 сарын 24 | ||
| Төрсөн газар | Заир, Ликаси | ||
| Өндөр | 1.90 м | ||
| Байрлал | баруун хамгаалагч / жигүүрийн довтлогч | ||
| Багийн мэдээлэл | |||
| Одоогийн баг | Андерлехт | ||
| Дугаар | 39 | ||
| Өсвөрийн баг | |||
| 1995–2003 | Андерлехт | ||
| Мэргэжлийн замнал* | |||
| Он | Баг | Гараа† | (Гоол)† |
| 2003–2007 | Андерлехт | 69 | (3) |
| 2007–2008 | Фиорентина | 2 | (0) |
| 2008–2010 | Женоа | 31 | (0) |
| 2009–2010 | → Портсмут (зээл) | 19 | (0) |
| 2010–2012 | Генк | 42 | (1) |
| 2013– | Андерлехт | 21 | (0) |
| Шигшээ баг‡ | |||
| 2001–2003 | Бельги (16-) | 19 | (5) |
| 2003–2004 | Бельги (17-) | 12 | (3) |
| 2004–2008 | Бельги (21-) | 11 | (3) |
| 2004– | Бельги | 24 | (1) |
| * Мэргэжлийн замналын тоглолтын (гоол) үзүүлэлтийг дотоодын лигтэй нь уялдуулсан болно. Сүүлд шинэчилсэн: 2014 оны 4 сарын 18. † Гараа (Гоол). | |||
Замнал
засварлахЭнтони Ванден Борре хөлбөмбөгөөр Андерлехтэд бэлтгэгджээ. 2004 оны гуравдугаар сарын 13-нд Шарлеруатай тоглоход 16 настай байв.[1] Тэр жил найман тоглолтонд оролцож,[2] Бельгийн аваргаар шалгарчээ. 2004-2005 онд 18 тоглолтонд оролцсон.[3]
Ванден Борре 2005 оны есдүгээр сарын 21-нд Рошельегийн хаалганд анхны бөмбөгөө оруулжээ.[4]
2006, 2007 онд аваргалсан Андерлехт цэвэрлэгчээс жигүүрийн довтлогчид чөлөөтэй хувирдаг Ванден Боррег Бавари, Ювентус, Интер, Тоттенхэм Хотспур болон Портсмутаас санал ирэх хэмжээнд Европт хангалттай таниулжээ. Гэвч тэр Италийн Фиорентинатай 2007 оны долоодугаар сарын 1-нд гэрээ байгуулжээ. 2007 оны аравдугаар сарын 7-нд туриний Ювентустай эхлэн тогложээ.
Жампаоло Паццинид байрлал алдсан Ванден Борре 2008 оны нэгдүгээр сарын 19-нд Женоад шилжиж, УЕФА Аваргуудын лигийн тоглолтонд оролцов.
Энтони 2009 оны наймдугаар сарын 13-нд Портсмутад зээлэгдэж, Премьер лигт өрсөлджээ.[5][6]
Шигшээ
засварлахБельги 2004 оны нэгдүгээр сарын 28-нд Турктэй нөхөрсөг тоглоход 90 дахь минутанд Эрик Дефляндрийг Ванден Борре сэлгэн анхны тоглолтоо хийжээ.
Амжилт
засварлах- Андерлехт
- Бельгийн лигийн аварга (4): 2003–04, 2004–05, 2006–07, 2012-13
- Бельгийн супер цомын эзэн (1): 2004
- Портсмут
- Английн цомын дэд байр: 2009–10
- Генк
- Бельгийн лигийн аварга (1): 2010-11
- Бельгийн супер цомын эзэн (1): 2011
Эшлэл
засварлахХолбоос
засварлах