Роберто Кавалли

Роберто Кавалли (итали. Roberto Cavalli; 1940 оны 11-р сарын 15-нд Италийн хаант улсын Флоренц хотод төрсөн—2024 оны 4-р сарын 12-нд Италийн Флоренц хотод нас барсан) — италийн алдарт хувцасны загвар зохион бүтээгч, "Roberto Cavalli" загвар зохион бүтээх товчоог үүсгэн байгуулагч.

Намтар

Тэрээр Россини сургуульд сурч, 1951 онд бага сургуулиа төгссөн. Улмаар сурлагын амжилтаараа ихээхэн бэрхшээлтэй байсан тул - түүнийг хоёр дахь жилдээ улирааж байсан бөгөөд шалгалт өгөхөд ихэд бэрхшээлтэй байжээ. Ахлах сургуулийн гэрчилгээгээ авахын тулд түүнийг Кавурын нэрэмжит хувийн сургуульд шилжүүлжээ. Дараа нь нагац эгч Жулианагийн амьдардаг Абано Терме дэх Зочид буудлын менежментийн дээд сургуульд зочид буудлын захирагчаар суралцжээ. Эхний хичээлийн жилийн төгсгөлд хангалтгүй үр дүн үзүүлсэн тэрээр дараагийн жил нь нягтлан бодох бүртгэлийг эзэмших гэж оролдсон боловч эцэст нь хөөгдсөн байна.

Тэрээр коллежид байхдаа рок-н-роллыг сонирхож эхэлсэн ч хамтлагт тоглох чадваргүй гэдгээ хурдан ойлгосон байна. Дараа нь Роберто Флоренц хотод шинэ оюутнуудад зориулсан үдэшлэг, диско зохион байгуулж эхлэв. Хамтлагийн найзууд нь хөгжмийн дагалдан хийдэг байсан бөгөөд тэрээр зар сурталчилгаа, тасалбар түгээх ажлыг хариуцаж байжээ.

Багш Брини түүнийг будгийн газрын эзний хүү Жианфранко Маситай танилцуулсан байна. Тэд ойр найзалж нэгдмэл ашиг сонирхлын үүднээс тэд будагч бодис, хэвлэх аргыг сурч туршиж эхлэв.

Жианфранкогийн хувьд цех бол зүгээр л хобби, харин түүний хувьд жинхэнэ хүслийн дуудлага гэдгийг ухаарсан тэрээр багахан хэмжээний хуримтлалаараа хувийн бизнесээ эхлүүлж, 6 метрийн хэвлэх ширээ худалдан авч, гэрээсээ холгүйхэн гарааш түрээслэв.

Орон нутгийн Мотта Ангора сүлжмэлийн үйлдвэрт загвар зохион бүтээгчээр ажиллаж, Робертотой хамтран өөрсдийн үйлдвэрлэсэн борлогдоогүй энгийн ноосон цамцнууд дээр өнгөт хэвлэх ажлыг эхлүүлсэн, суралцдаг найз Елена Маннини-гийн ачаар түүний бизнес маш хурдан хөгжиж байв. Түүний санаа амжилттай болж эхний захиалгыг хүлээн авсны дараа Роберто хоёр хүн туслахаар ажилд авч, 20 метрийн хэвлэх ширээ худалдаж авч, Таглиаферри гудамжинд шинэ цех түрээслэсэн ажээ. Мөн өөртөө Fiat 500 машин худалдаж авсны дараа тэрээр нэхмэлийн хэвлэлийн энэ нийслэлд уламжлалт ашигладаг технологийг илүү сайн ойлгохын тулд хойд Италийн Комо руу байнга аялж эхлэв.

Мастер Гуидо Бараттеригийн ачаар тэрээр даавууг хүрээ дээр сунгаж, ноос, торгон дээр хэвлэх аргыг эзэмшсэн. Сүлжмэл эдлэлтэй ажиллахдаа тэрээр үйлдвэрлэгчдэд даавууг бүхэлд нь биш, харин оёдолгүй ханцуй, хажуугийн оёдол бүхий бүтээгдэхүүн дээр хэвлэх аргыг санал болгосон нь тухайн зүйлийн нэг хэсгээс нөгөө рүү жигд шилждэг хатуу хэв маягийг олж авах боломжтой болгосон.

30 настайдаа Кавалли Парис дахь бэлэн хувцасны салон дээр анхны загварын цуглуулгаа толилуулжээ. 1972 онд тэрээр Флоренцийн алдарт Palazzo Pitti ордонд анхны загварын шоугаа зохион байгуулж, мөн онд Францын Сент-Тропэд анхны загварын дэлгүүрээ нээсэн байна.

1998 онд Кавалли эрэгтэй, эмэгтэй хувцас, аксессуар, нүдний шил, цаг, үнэртэй ус, дотуур хувцас, далайн эргийн хувцас зэрэг "Just Cavalli" цувралыг гаргасан байна.

Загвар зохион бүтээгч машин сонирходог байсан бөгөөд гэртээ нохой, сармагчин, тоть тэжээдэг байсан бөгөөд хотын гадна тогос, морь тэжээдэг байжээ. Морь унах, уралдуулах дуртай тэрээр Панзано дахь ферм дээрээ бурхадын морин ферм хэмээх адуу үржүүлгийн газрыг байгуулж, морьдыг нь Майамид сургадаг байжээ. Түүний хүү Томмасо зохих боловсрол эзэмшиж, цэвэр цусны адууг мэргэжлийн түвшинд үржүүлж эхэлжээ.

Роберто Каваллигийн нэрийн дэлгүүрүүд

Милан дахь нэрийн дэлгүүр
АНУ (Нью-Йорк, Беверли Хиллс, Балл Харбор (Флорида), Бока Ратон (Флорида), Бостон, Даллас, Коста Меса (Калифорни), Лас Вегас, Сан-Франциско)
Итали (Флоренц, Милан, Венец, Капри)
Франц (Парис, Сент-Тропэ)
Орос (Москва)
Их Британи, (Лондон)
Мексик (Мехико)
Кувейт
Ливан (Бейрут)
Саудын Араб (Аль-Хобар, Жидда)
Өмнөд Африк (Сандтон, Йоханнесбург)
Бразил (Сан Паулу)
АНЭУ (Дубай)
Энэтхэг (Шинэ Дели)
Унгар (Будапешт)
Украин (Киев)