Монгол Улсын Ерөнхийлөгч

Монгол Улсын Ерөнхийлөгч нь Монгол Улсын төрийн тэргүүн юм. Монгол Улсын Үндсэн хуулийн дагуу Ерөнхийлөгчийг Улсын Их Хуралд суудалтай улс төрийн нам, эвслээс нэр дэвшүүлж, бүх ард түмний сонгуулиар шууд сонгодог. Ерөнхийлөгч нь Монголын ард түмний эв нэгдлийн бэлгэдэл учраас улсын Ерөнхийлөгчөөр сонгогдсон хүн аливаа улс төрийн намын харьяаллаас татгалздаг.

Монгол Улсын ерөнхийлөгч
Монгол Улсын төрийн сүлд
Одооны ерөнхийлөгч Ухнаагийн Хүрэлсүх
Ерөнхийлөгчийн ордон	Улаанбаатар дахь Төрийн ордон Их Тэнгэр цогцолбор
Ерөнхийлөгчийн хугацаа	Зургаан жилийн хугацаагаар зөвхөн нэг удаа сонгоно
Алба бий болсон	1990 оны 3 сарын 21
Сүүлийн сонгууль	2021 оны 6 сарын 19
Цахим хуудас	www.president.mn

Түүх

Анх 1924 онд Улсын бага хурлын Тэргүүлэгчдийн дарга гэсэн албан тушаалыг Монголын төрийн тэргүүн болгож байжээ. Бага хурлыг татан буулгасны дараа Улсын Их Хурлын Тэргүүлэгчдийн дарга, хожим нь Ардын Их Хурлын Тэргүүлэгчдийн дарга төрийн тэргүүний үүрэг гүйцэтгэдэг болсон байна. Хамгийн сүүлд 1990 онд ардчилсан хөдөлгөөн гарснаар Ерөнхийлөгч гэсэн цол /албан тушаал/-ыг бий болгосон юм. Тухайн үеийн нэрээр Монгол улсыг Бүгд Найрамдах Монгол Ард Улс буюу /БНМАУ/ гэдэг байсан бөгөөд Пунсалмаагийн Очирбат нь БНМАУ-ын эхний бөгөөд эцсийн, цор ганц ерөнхийлөгч юм. 1992 оны 1 дүгээр сарын 13-ны өдөр Үндсэн хуулийг шинэчлэн батласнаар /1992 оны Үндсэн хууль одоо хүчин төгөлдөр үйлчилж байгаа бөгөөд Монгол улсын түүхэнд 4 дэх Үндсэн хууль юм/ БНМАУ гэдэг нэрийг Монгол улс болгон өөрчилсөн юм. П.Очирбат нь 1993 онд Монгол улсын анхны Ерөнхийлөгч болон дахин сонгогдсон.

Ерөнхийлөгч нар

Нэмэлт мэдээлэл: Монгол улсын төрийн тэргүүн

             Монгол Ардын Хувьсгалт Нам              Монгол Ардын Нам              Монголын Ардчилсан Нам              Ардчилсан Нам       Ардчилсан Нам

№	Зураг	Бүтэн нэр (амьдралын он жил)	Сонгууль	Бүрэн эрхийн хугацаа		Бүрэн эрхийн хугацаа (өдрөөр)	Аль намаас дэвшиж сонгогдсон
1		Пунсалмаагийн Очирбат (1942 оны 1 сарын 23)	—	1992 оны 2 сарын 12	1993 оны 6 сарын 6	481	Монгол Ардын Хувьсгалт Нам
(1)			1993	1993 оны 6 сарын 6	1997 оны 6 сарын 20	1476	Монголын Ардчилсан Нам
2		Нацагийн Багабанди (1950 оны 4 сарын 22)	1997	1997 оны 6 сарын 20	2001 оны 6 сарын 6	1448	Монгол Ардын Хувьсгалт Нам
			2001	2001 оны 6 сарын 6	2005 оны 6 сарын 24	1480
3		Намбарын Энхбаяр (1958 оны 6 сарын 1)	2005	2005 оны 6 сарын 24	2009 оны 6 сарын 18	1456	Монгол Ардын Хувьсгалт Нам
4		Цахиагийн Элбэгдорж (1963 оны 3 сарын 8)	2009	2009 оны 6 сарын 18	2013 оны 7 сарын 10	1484	Ардчилсан Нам
			2013	2013 оны 7 сарын 10	2017 оны 7 сарын 10	1462
5		Халтмаагийн Баттулга (1963 оны 3 сарын 3)	2017	2017 оны 7 сарын 10	2021 оны 6 сарын 25	1815	Ардчилсан Нам
6		Ухнаагийн Хүрэлсүх (1968 оны 6 сарын 14)	2021	2021 оны 6 сарын 25			Монгол Ардын Нам

Мөн үзэх

• Монгол Улсын Ерөнхий Сайд

Цахим холбоос

• Монгол Улсын ерөнхийлөгчийн тамгын газрын албан ёсны цахим хуудас