Эгэл шар шувуу
Эгэл шар шувуу (Bubo bubo) нь эвэрт шар шувуу бөгөөд Европ, Ази тивээр тархан амьдардаг.
| Эгэл шар шувуу | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Ховордолтын зэрэглэл | ||||||||||||||
 Ховордоогүй (IUCN3.1) | ||||||||||||||
| Биологийн ангилал | ||||||||||||||
| ||||||||||||||
| Латин нэр | ||||||||||||||
| Bubo bubo (Карл Линней, 1758) | ||||||||||||||
 Амьдрах бүс
|
Гадаад төрхЗасварлах
Эгэл шар шувуу нь томхон хүчирхэг махчин шувуу бөгөөд Цармын бүргэдээс арай жижиг, Цагаан уульжаас том биетэй юм. Заримдаа дэлхийн хамгийн том шар шувуу гэж бичигдэх нь бий. Биеийн урт 58-75 см, далавчаа дэлгэхэд 138-200 см, эмэгчин нь 1.75-4.5 кг, эрэгчин нь 1.5-3.2 кг жинтэй байна. Эрэгчингийн чихний туг өд илүү босоо байдаг.
Идэш тэжээлЗасварлах
Тэд голдуу үдшийн бүрийд ан хийх ба голдуу оготно зэрэг мэрэгчээр хооллоно. Мөн туулай, шувуу , загас, могой, хавч, бусад зүйлийн шар шувуу болон үнэг, бага залуу буга зэрэг томхон амьтан барьж иддэг аж.
Зан авирЗасварлах
Энэхүү шар шувуу нь шөнийн амьдралтай ба өндөр хад цохиотой, уулархаг газрын ой модонд нутаглаж үүрлэх аж. Байгальд зэрлэгээр амьдрах нь дундажаар 20 жил бөгөөд тэжээвэр нь 60 хүртэл удаан насалдаг байна. 3-5 сард эмэгчин нь 1-4 өндөг гарган, 31-34 хоног дарж ангаахай гарна. Эрэгчин нь идэш тэжээл зөөн хооллодог.
