Сергей Брин
Сергей Брин (орос. Сергей Брин, англи. Sergey Brin ; 1973 оны 8 сарын 21-нд төрсөн) нь Орос гаралтай Америкийн тооцон бодох шинжлэх ухааны эрдэмтэн, бизнесмэн[5] бөгөөд өөрийн бүтээсэн хайлтын систем, онлайн сурталчилгааны технологидоо тулгуурлан, Ларри Пэйжтэй хамт дэлхийн хамгийн том интернэтийн компани болох Гүүгл компани байгуулснаараа алдаршсан хүн юм[6].
| Сергей Брин | |
|---|---|
 Сергей Брин, 2010 он | |
| Төрсөн | Сергей Михайлович Брин 1973 оны 8 сарын 21 Москва, ЗХУ |
| Үндэстэн | ЗХУ (1973-1979) АНУ (1979 оноос) |
| Аль хотын суугуул | Лос-Алтос Хиллс, Калифорни |
| Боловсрол | Мэрилэндийн Их Сургууль (бакалавр, 1993) Стэнфорд Их Сургууль (магистр, 1995) |
| Төгссөн сургууль | Мэрилэндийн Их Сургууль Стэнфорд Их Сургууль |
| Ажил | Тооцон бодох шинжлэх ухааны эрдэмтэн, технологийн шинэчлэгч, бизнесмэн |
| Юугаараа алдаршсан | Гүүгл, Инк.-ийн хамтран байгуулагч |
| Цалин | Цалингүй (2008)[1][2] |
| Хөрөнгө | ▲US$15 тэрбум (2010)[3] |
| Эхнэр (нөхөр) | Анн Войчицки[4] |
| Цахим сүлжээ stanford.edu/~sergey | |
2021 оны 10-р сарын байдлаар Сергей Брин 107 тэрбум ам.долларын хөрөнгөөр дэлхийн хамгийн баян хүмүүсийн 7-рт жагсаж байна.
Намтар
засварлах1979 онд Сергей Бринийг 6 настай байхад нь зөвлөлтийн еврейчүүд болох эцэг Сергей Михайлович Брин (1948 онд төрсөн), эх Евгения Валентиновна Брин (1949 онд төрсөн) нар хүүхдээ аваад АНУ руу цагаачилжээ. Мэрилэндийн их сургуульд бакалаврын зэрэг хамгаалсныхаа дараа эцэг, өвөг эцгийнхээ мөрөөр математик, мэдээллийн технологийн чиглэлээр суралцаж, чингэхдээ тооцон бодох шинжлэх ухаанаар давхар мэргэшжээ. Төгссөнийхөө дараа Стэнфордын Их сургууль руу шилжиж, 1993 онд бакалавр аваад тооцон бодох шинжлэх ухааны докторын зэрэг горилон суралцаж байхдаа Ларри Пэйжтэй танилцан нөхөрлөжээ. Тэд дотуур байрны өрөөндөө хямдхан компьютер тавьж, Бриний бий болгосон мэдээлэл олборлох системд үндэслэн хайлтын системийг бий болгох судалгааны ажлаа хийж эхэлсэн байна. Тэрхүү програм нь Стэнфордод алдаршсанаар тэд докторын зэрэг хамгаалахаа больж, Гүүгл компаниа 1998 онд байгуулан, гараж хөлслөн ажиллаж эхэлжээ.
1990 оны зун эцгийнхээ хамт төрсөн Зөвлөлт улсад солилцооны журмаар түр ирээд буцсаны дараа эцэгтээ хандан "Биднийг энэ улсаас АНУ руу авч явсан танд баярлалаа" гэж байжээ.
Нийгмийн ажил
засварлахСергей Брин нь Америкийн тэргүүлэх эрдэм шинжилгээний сэтгүүлд олон арван нийтлэл бичсэнээс гадна дотоодын болон олон улсын шинжлэх ухаан, бизнес, технологийн форумд үе үе илтгэл тавьдаг. Тэрээр хэвлэл, телевизээр байнга ярьдаг бөгөөд хайлтын технологи, мэдээллийн технологийн салбарын талаарх өөрийн үзэл бодлыг ярьдаг.
Сергей Бриний компани асар их буяны хөрөнгө оруулалт хийдэг. Тус компанийг үүсгэн байгуулагчид энэ зорилгод ирээдүйн хорин жилийн хугацаанд 20 тэрбум доллар зарцуулна гэж мэдэгдэж байжээ.
Эшлэл
засварлах- ↑ 2005 compensations from Google: $1 in salary, $1723 in bonus, $41,999 other annual compensation, $3 all other compensation. Source: SEC. Google form 14A. Filed March 31, 2006.
- ↑ "Google Executives Compensation". Archived from the original on 2010-03-05. Татаж авсан: 2010-09-30.
- ↑ "Profile page on Sergey Brin". Forbes. Татаж авсан: 2010-04-05.
- ↑ Argetsinger, Amy (May 13, 2007). "The Reliable Source". The Washington Post. Татаж авсан: 2007-10-20.
{{cite news}}: Unknown parameter|coauthors=ignored (|author=suggested) (help) - ↑ Encyclopædia Britannica almanac 2008, (2008) pg. 40
- ↑ Jung Yeon-Je Getty Images article (Memento 21. Дөрөвдүгээр сар 2016 цахим архивт), May 30, 2007