Одхүүгийн Дөлгөөн

Дөлгөөн
	Дөлгөөн
Хувийн танилцуулга
Овог нэр	Одхүүгийн Дөлгөөн
Төрсөн өдөр	1991 оны 6 сарын 5 (32 настай)
Төрсөн газар	Улаанбаатар
Яс үндэс	Монгол Улс
Ажил үйл	Жүжигчин; Кино Зохиолч;
Жүжигчний танилцуулга
Танил үе	2011 оноос
Театр	Улсын Драмын Эрдмийн Театр ; (2015–2017)
Сургууль	Соёл Урлагийн Их Сургууль ; Урлагийн Академийн Их Сургууль (АНУ) ;

Одхүүгийн Дөлгөөн нь (1991 оны 6 сарын 5-нд Улаанбаатар хотод төрсөн) Монголын эмэгтэй жүжигчин.^[1] Түүний карьер жүжигчний мэргэжлээр суралцаж байх үедээ эхэлсэн бөгөөд, 2011 онд “Амьдралд тавтай морил” нэртэй Монголын телевизийн олон ангит кинонд гол дүрийг бүтээснээр олонд танигджээ.^[2]

Өмнөх амьдрал засварлах

Дөлгөөн нь 1991 оны 6 сарын 5-нд Улаанбаатар хотод төрж өссөн бөгөөд 3 хүүхэдтэй айлын дундах нь юм. Тэрээр 2008 онд Улаанбаатар хотын Чингэлтэй дүүргийн ерөнхий боловсролын 5-р сургуульд суралцаж төгссөн. Жүжигчин болох нь түүний багын мөрөөдөл байсан бөгөөд ахлах сургуулийнх нь хажууд түүний суралцахыг хүссэн урлагийн их сургууль байрладаг байжээ.^[3]

Боловсрол засварлах

Ахлах сургуулиа төгссөний дараагаар 2008-2012 оны хооронд Монгол Улсын Соёл Урлагийн Их Сургуулийн Кино Драмын ангид Жүжигчний мэргэжлээр суралцаж бакалаврын зэрэгтэй төгссөн. Үргэлжлүүлэн 2017-2019 оны хооронд Калифорни мужийн Сан-Франциско хотын Урлагийн Академийн Их Сургуульд Жүжигчин болон Кино зохиолчоор мастерын зэргийг хамгаалжээ.^[4]^[5]

Карьер засварлах

2011-Карьерын эхлэл засварлах

Дөлгөөн мэргэжлийн карьераа жүжигчний мэргэжлээр суралцаж байх хугацаандаа эхлүүлсэн бөгөөд 2011 онд Хайрын эрэлд, Амьдралд тавтай морил гэх зэрэг Монголын телевизийн олон ангит кинонуудад гол дүр болон туслах дүрүүдийг бүтээгээд байв. Мөн 2011 оноос эхлэн Мөрөөдлийн театрт жүжигчнээр ажиллаж байсан байна. ^[6]^[7]

2012-2016 засварлах

Театр засварлах

Тэрээр 2012 онд их сургуулиа төгссөний дараагаар Мөрөөдлийн театртаа үргэжлүүлэн жүжигчнээр ажиллажээ. 2 жил гаруйн хугацаанд ажилласны дараагаар Монгол улсын Драмын Эрдмийн Театрт жүжигчнээр ажиллах саналыг тухайн театрын ерөнхий найруулагч Н. Наранбаатар тавьснаар түүний драмын урлагийн замнал эхэлсэн юм. ^[8]^[9]

Дөлгөөн тус театрт ажиллаж байх хугацаандаа 2015 онд Уильям Шекспирийн зохиол “Ромео ба Жульетта” жүжгийн Жульеттагийн дүрд^[10], “Гамлет” зохиолын жүжгийн Офелиагийн^[11] ^[12] дүрд тус тус тоглож байжээ. Түүний хувьд 24 насандаа “Ромео ба Жульетта” нэрт зохиолын жүжигт тоглосон нь Монгол Улсдаа Жульеттагийн дүрийг бүтээсэн хамгийн залуу жүжигчин болж тэмдэглэгдэж байв.^[13]

Кино засварлах

Дөлгөөн драмын урлагт ажиллахын хажуугаар кино урлагийн салбарт олон бүтээл дээр ажиллажээ. Түүний тоглосон онцлох уран бүтээлүүдээс:

2011 онд Wizard продакшны бүтээл “Нэг хоёрын гурваа” Монголын уран сайхны киноны Маралын дүрийг бүтээсэн нь түүний анхны бүрэн хэмжээний киноны гол дүр болж байв.^[14]

2013-2015 оны хооронд Ю Фильмийн бүтээл "Ганц бие бүсгүйчүүд" Монголын уран сайхны киноны нэг, хоёрдугаар ангийн Гэрэлцэцэгийн дүрийг бүтээсэн ба кино гарсан даруйдаа Монгол Улсад маш олон үзэгчдэд хүрч, түүний карьерт өндрөөр нөлөөлжээ.^[15]^[16]

Цаашлаад 2015 онд Фантастик продакшны бүтээл “Маш нууц” ^[17] түүхэн, тулаант Монголын уран сайхны киноны Сийлэгмаагийн дүрийг бүтээжээ. Тус кино 2015 оны 9 сарын 18-нд дэлгэцэд нээлтээ хийснээс хойш 7 хоногийн хугацаанд ашиг орлогоороо тэргүүлж байсан юм.^[18]^[19]

Мөн 2016 онд Монгол ТВ телевизийн шинэ жилийн хөтөлбөрт зориулан хийгдсэн “Гацуурхан” инээдмийн Монголын уран сайхны киноны гол дүр Солонгын дүрийг бүтээжээ. ^[20]

2017-2019 засварлах

Дөлгөөн 2017 онд мэргэжлээ дээшлүүлэхээр Калифорни муж улсын Сан-Франциско хотын Урлагийн Академийн Их Сургуульд жүжигчин болон кино зохиолчоор магистрт суралцаж эхэлсэн. ^[21] Тэрбээр суралцаж байх хугацаандаа зуны амралтаараа Монголд ирж 2017 онд гарсан "Ганц бие бүсгүйчүүд" киноныхоо гуравдугаар ангид, мөн 2019 онд гарсан Хувьсал продакшны бүтээл “Тэнгэрээс буусан од”^[22] Монголын уран сайхны киноны гол дүр Одод оролцон тогложээ. ^[23]

Тайз, дэлгэцийн бүтээл засварлах

Кино бүтээл засварлах


Жил	Киноны нэр	Дүр	Кино компани, продакшн	Үүрэг	Ref.
2007	Хана	Энхжин	Face Studio	Туслах дүр	-
2010	Эзэнгүй бөгж	Халиунаа	Лоожик Фильм	Туслах дүр	^[24]
2011	Нэг хоёрын гурваа	Марал	Визард Продакшн	Анхны гол дүр	^[14]
2013	Ганц бие бүсгүйчүүд	Гэрэлцэцэг	Ю Фильм	Гол дүр	^[25]
2014	Сүүлчийн шөнө	Анирлан	Paramind Art, Tengri Concept	Гол дүр	^[26]^[27]
2014	Учрал	Намуун	Aurora Film Production	Гол дүр	^[28]
2015	Хамтран амьдрагч	Буянаа	Хүүк Фильм	Гол дүр	^[29]
2015	Маш нууц	Сийлэгмаа	Фантастик Продакшн	Гол дүр	^[30]
2015	Ганц бие бүсгүйчүүд - 2	Гэрэлцэцэг	Ю Фильм	Гол дүр	^[31]^[32]
2016	Нүдээ аниад төсөөл	Нандиа	Expressive Line Production	Гол дүр	^[33]^[34]
2017	Гацуурхан	Солонго	Монгол ТВ	Гол дүр	^[20]
2017	Ганц бие бүсгүйчүүд - 3	Гэрэлцэцэг	Ю Фильм	Гол дүр	^[35]
2019	Тэнгэрээс буцаасан од	Од	Хувьсал Продакшн	Гол дүр	^[36]

Телевизийн олон ангит кино засварлах

Жил	Киноны нэр	Дүр	Сүлжээ	Үүрэг	Ref.
2011	Хайрын эрэлд	Солонго	Боловсрол Телевиз	Туслах дүр	^[37]
2011	Амьдралд тавтай морил	Золоо	Монголын Үндэсний Телевиз	Гол дүр	^[2]

Театрын жүжиг засварлах

Жил	Киноны нэр	Дүр	Театр	Үүрэг	Ref.
2011	Миний нууц хүү	Энхжин	Мөрөөдлийн Театр	Гол дүр	-
2012	Хайртай бол эргэж хараарай	Сарантэргэл	Мөрөөдлийн Театр	Гол дүр	^[38]
2012	Амьдрал өөрөө бэлэг	Саруул	Мөрөөдлийн Театр	Гол дүр	^[39]
2015	Бүүвэй	Нандиа	Улсын Драмын Эрдмийн Театр	Гол дүр	^[40]
2015	Ромео ба Жульетта	Жульетта	Улсын Драмын Эрдмийн Театр	Гол дүр	^[41]^[42]
2016	Гамлет	Офелиа	Улсын Драмын Эрдмийн Театр	Гол дүр	^[43]^[44]

Шагнал засварлах

Үйл ажиллагаа	Жил	Нэр дэвшсэн бүтээл	Шагнал	Үр дүн	Ref.
“Гэгээн Муза” 13 - Олон улсын театруудын наадам ^[45]	2015	Ромео ба Жульетта	Шилдэг Эмэгтэй Гол Дүр	шагнагдсан	^[46]^[47]^[48]^[49]

Бусад шагналууд засварлах

2013 он - Шилдэг Ажилтан - Мөрөөдлийн Театр
2015 он - Ромео ба Жульетта жүжгийн Жульетта-гийн дүрээр "Шилдэг Дебют" шагнал - Улсын Драмын Эрдмийн Театр
2016 он - Тэргүүний Залуу Алтан Медаль - Монголын Залуучуудын Холбоо ^[50]
2016 он - Хөдөлмөр, нийгмийн хамгаалалын "Жуух Бичиг" - Монголын улсын Хөдөлмөр, Нийгмийн Хамгаалалын Яам
2019 он - Монгол Улсын Соёлын Тэргүүний ажилтан - Монголын улсын Боловсрол, Соёл Урлагийн Яам ^[51] ^[52]

Эх сурвалжууд засварлах

[1] Одхүүгийн Дөлгөөн

[:1-2] 2.0 ^2.1 “Амьдралд тавтай морил” кино гарна

[3] "Мөрөөдлийн театр"-ын залуу жүжигчин О.Дөлгөөн

[4] Жүжигчин О.Дөлгөөн Америкийн урлагийн их сургууль дүүргэв

[5] О.Дөлгөөн: Гайхалтай улсын, гайхалтай сургуулийг төгслөө

[6] Отгон Жульетта О.Дөлгөөн

[7] "О.Дөлгөөн: Мөрөөдлөө биелүүлэхийн төлөө алхам алхмаар урагшилж явна". Archived from the original on 2020-09-29. Retrieved 2020-12-17.

[8] О.Дөлгөөн ”Мөрөөдлийн театр”-г орхилоо

[9] Г.Дөлгөөн-Аюуш УДЭТ-ын жүжигчин болжээ

[10] Н.Наранбаатар: Залуу уран бүтээлчдийн чадал “Ромео Жульетта”-гаар дамжин харагдах учиртай

[11] "Гамлет" жүжгийн Офелиягийн дүрд О.Дөлгөөн тоглоно

[12] О.Дөлгөөн Офелиягийн дүрд сонгогдлоо

[13] ФОТО: “Ромео & Жульетта” 20 жилийн дараа ...

[:0-14] 14.0 ^14.1 Нэг хоёрын гурав аа МУСК (2011)

[15] Кино сонин - Single Ladies

[16] “Single ladies-2” нээлтээ хийнэ

[17] Хашгираан доторх маш нууц

[18] “Маш нууц” уран сайхны кино өнгөрөгч сард ашиг орлогоороо тэргүүлжээ

[19] Кино тоолуур: 10/11 - Маш нууц МУСК 3 дахь удаагаа тэргүүллээ

[:2-20] 20.0 ^20.1 Гацуурхан МУСК (2016)

[21] Жүжигчин О.Дөлгөөн анх удаа эсрэг дүр бүтээлээ

[22] О.Дөлгөөн: Гол нь SEXY байх даалгавар авсан

[23] "Тэнгэрээс буусан од" кино удахгүй дэлгэцнээ гарна

[24] “Эзэнгүй бөгж” нэртэй шинэ кино гарлаа

[25] ""Single ladies" инээдмийн УСК-ны нээлт боллоо". Archived from the original on 2023-04-04. Retrieved 2020-12-17.

[26] “Сүүлчийн шөнө” киноны нээлт өнөөдөр боллоо

[27] Н.Наранбаатар найруулагчийн ээлжит уран бүтээл тун удахгүй нээлтээ хийнэ

[28] “Учрал” кино ирэх сарын 24-нд нээлтээ хийнэ

[29] "Хамтран амьдрагч" кино үзэгчдэд хүрнэ

[30] “Маш нууц” уран сайхны кино энэ сарын 18-нд нээлтээ хийнэ

[31] “Ганц бие бүсгүйчүүд-2” ирэх сард нээлтээ хийнэ

[32] Ганц бие бүсгүйчүүд 2 МУСК (2015)

[33] Г.Ган-Очир: Бодит амьдал, төсөөлөл хоёр асар их ялгаатайг “Нүдээ аниад төсөөл” киногоор харуулахыг зорьсон

[34] Нүдээ аниад төсөөл МУСК (2016)

[35] Ганц бие бүсгүйчүүд 3 МУСК (2017)

[36] “Тэнгэрээс буусан од” бүх цаг үеийн рекордыг эвдлээ

[37] Хайрын эрэлд МОАК (2011)

[38] “Хайртай бол эргэж хараарай” нээлтээ хийнэ

[39] ”Мөрөөдлийн театр”: Амьдрал өөрөө бэлэг

[40] “Бүүвэй” жүжгийн гол дүрийг О.Дөлгөөн бүтээв^{[permanent dead link]}

[41] "Ромео Жульетта" 19 жилийн дараа тайзнаа амилна

[42] “РОМЕО ЖУЛЬЕТТА” жүжиг шинэ тавилтаар дахин амилна

[43] "ГАМЛЕТ - У.ШЕКСПИР". Archived from the original on 2016-12-21. Retrieved 2020-12-17.

[44] О.Дөлгөөн Офелияд тоглоно

[45] ФОТО: "Гэгээн Муза" наадмын ШИЛДГҮҮД

[46] "Ромео, Жульетта"-гийн баг гран при хүртэв

[47] “Ромео & Жульетта” жүжиг "Гэгээн Муза" наадмын Гран приг хүртлээ

[48] Н.Наранбаатарын “Ромео Жульетта” “Гэгээн муза” наадмын Гранпри хүртлээ

[49] Жүжигчин О.Дөлгөөн Гэгээн Музагын эзэн боллоо^{[permanent dead link]}

[50] Жүжигчин О.Дөлгөөн Тэргүүний залуу алтан медаль хүртжээ^{[permanent dead link]}

[51] Хожуу ирсэн Соёлын тэргүүний ажилтан

[52] Жүжигчин О.Дөлгөөн СТА болжээ

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

[37]

[38]

[39]

[40]

[41]

[42]

[43]

[44]

[45]

[46]

[47]

[48]

[49]

[50]

[51]

[52]