Камикава Дайки (1989 оны 11 сарын 9-нд Ямагүчид төрсөн) нь Японы жүдоч. 2010 онд алдарт Тедди Ринерийг шүүгчдийн саналаар ялж, үнэмлэхүй ангиллын дэлхийн аварга цол хүртэж явсан.
5 настайгаасаа барилдаж эхэлсэн Камикава нутагтаа Коонан дунд сургуулийг дүүргээд Хирошима хотын Соотокү ахлах сургуульд шилжин суралцаж, төгсөх ангидаа ахлах сургуулиудын улсын аварга болж байв. Мэйжи их сургуулийг төгссөн. 2012 оны Лондоны олимпод оролцсон ч медаль хүртэж чадаагүй. Уран мэхтэй боловч цацаа цалгиа ихтэй, хэнийг ч ялж, хэнд ч ялагдаж мэдэх жүдочин гэгддэг.
