Доржхандын Хүдэрбулга
Доржхандын Хүдэрбулга (1992 оны 5 сарын 7-нд төрсөн) нь Төв аймгийн Өндөрширээт сумын уугуул, үндэсний бөхийн улсын начин цолтой бөх. Мөн бөхийн чөлөөт барилдаанаар олимп, дэлхийн АШТ-д эх орноо төлөөлөн оролцож явсан, Азийн аварга.
| |||||||||||||||||||||||||
| |||||||||||||||||||||||||
Чөлөөт бөх засварлах
Олимп засварлах
Хүдэрбулга 2016 оны зуны олимпын чөлөөт бөхийн 97 кг-ийн жингийн ангилалд өрсөлдөх эрхийн төлөө 2 дахь буюу сүүлийн сорилго барилдаанд мөнгөн медаль хүртсэнээр олимпын эрхээ халаасалсан. Гэсэн ч Риогийн дэвжээнд эхний даваандаа Киргизы Магомед Мусаевт 0-9 оноогоор дийлдсэн.
Дэлхийн АШТ засварлах
Хүдэрбулга 2013, 2014, 2015 онуудад Дэлхийн АШТ-д оролцохдоо 2014 онд шөвгийн наймд шалгарсан нь одоогоор түүний хамгийн өндөр амжилт юм.
Бусад тэмцээн засварлах
Тэрээр 2014 онд Азийн аварга болсон (Шигшээд мөнөөх Мусаевыг ялж байв) бол 2013 онд Азийн АШТ-ээс хүрэл медаль хүртэж байсан. Мөн 2014 оны Азийн наадмаас хүрэл медаль шүүрчээ. Түүнчлэн 2013 оны зуны Универсиад наадмын хүрэл медальтай.
Үндэсний бөх засварлах
Улсын наадмын дэвжээнд засварлах
| Он | Амжилт | Бөхийн тоо |
|---|---|---|
| 2020 | АХ-ын 99 жилийн ойн баяр наадамд улсын начин Э.Дашаар дөрөв, улсын заан Б.Батмөнхөөр тав давж
" Монгол улсын начин " цолыг хүртсэн. |
512 |
Аймгийн наадмын дэвжээнд засварлах
| Он | Амжилт | Бөхийн тоо |
|---|---|---|
| 2011 | Төв аймгийн баяр наадамд тав давж шөвгөрөн "Аймгийн начин" цол хүртсэн. | 256 |
| 2012 | Төв аймгийн баяр наадамд зургаа давж шөвгөрөн "Аймгийн харцага" цол хүртсэн. | 256 |
| 2014 | Төв аймгийн баяр наадамд аймгийн арслан Г.Ганжадаар найм даван түрүүлж "Аймгийн арслан" цол хүртсэн. | 256 |
| 2019 | Налайх хотын баяр наадамд зургаа давж шөвгөрөн чимэг нэмсэн. | 256 |
| 2019 | Төв аймгийн баяр наадамд аймгийн харцага Д.Батсүхэд өвдөг шороодон үзүүрлэж чимэг нэмсэн. | 256 |