Густав Йон Рамстедт

Густав Йон Рамстедт (швед. Gustaf John Ramstedt; 1873 оны аравдугаар сарын 22-нд төрсөн –1950 оны арваннэгдүгээр сарын 25-нд нас барсан) Швед гаралтай нь Финландын дипломатч болон хэл шинжээч (лингуист) байсан. Дорно болон Монгол судлаач эрдэмтэн юм.

НамтарЗасварлах

Густав Рамстедт Финландын өмнөд хэсгийн Экенес буюу Таммисаари хотод 1873 онд төржээ. Тэрээр Хельсинкийн их сургуулийг төгсөөд Турку хотын гимназид багшилжээ. Тэрээр Хельсинкийн их сургуульд Е.Н.Сетьялын удирдлаган дор Фин-Угор хэлийг судалсан байна. Улмаар тэр Алтайн хэлийг сонирхож, судлахаар Монгол руу судалгааны аялал хийсэн.

1911 онд Санкт-Петербургт айлчилсан Монголын төлөөлөгчид Хятадын бүрэлдэхүүнд Монголын автономит эрх олгох талаар Хаант Оромын засгийн газартай хэлэлцээ хийхэд зуучлагчаар ажиллахыг Рамстедтээс хүсчээ. Рамстедт Оросын Засгийн газарт монголчуудын сайн санааг ойлгуулж чадсаны үр дүнд Хятадын эсрэг Монголын үндэсний эрх чөлөөний хөдөлгөөнийг дэмжих зорилгоор орчин үеийн 15000 винтовыг Монголд нийлүүлсэн гэдэг юм.

1912 онд Рамстедт Нийслэл хүрээнд байх үедээ Монголын удирдагчид болох Да лам Цэрэнчимэд, Чин Ван Ханддорж, Хайсан гүн нартай уулзаж байв. Монголын удирдагчид түүнээс оросуудтай хэлэлцээ хийхэд туслалцаа хүсчээ. 

Финланд улс 1917 онд тусгаар тогтнолоо заралсаны дараа тэрээр 1920-1929 онд Финландын Япон дахь анхны Хэргийг хамаарагч цолтой Элчин төлөөлөгчөөр ажилласан байна. Энэ үеэрээ Токиогийн Их сургуульд хэд хэдэн удаа лекц уншиж Японы хэл судлаач Кунио Янагита, Изуру Симура, Кёсукэ Киндаити болон Симпэй Огура нарт тодорхой нөлөө үзүүлсэн ажээ.

Хельсинкийн Их сургуульд 1917-1919 болон 1930-1934 онд багшилж байжээ.

Рамстедт 1950 онд Хельсинки хотноо нас барсан юм.

БүтээлүүдЗасварлах

Мөн үзнэ үүЗасварлах

Ашигласан материалЗасварлах

  • Poppe, Николас. "Эмгэнэл: Густав Жон Рамстедт 1873-1950." Харвардын Сэтгүүл Азийн Судалгаа 14, дугаар 1/2 (1951): 315-22.
  • Хэлэн, Харри. Biliktu Baksi. Г. Й. Рамстедтийн судлаачын замнал Mémoires de la Société де la Finno-Ougrienne,  дугаар 229, Vammala: Финно-Угрын Нийгэмлэг 1998.