Вестминстер ордон (Лондон)

Вестминстер ордон (Англи: Palace of Westminster, Westminster Palace) —Лондон хотын төвд Тэмз мөрний эрэг дээрх, Их Британийн парламентын чуулдаг байр.

Вестминстер ордон буюу парламентын одон

Энэ ордон 1529 он хүртэл Английн хаадын нийслэл хотноо оршин суудаг харш байжээ. 1834 оны 10-р сарын 16-нд гарсан гал түймрийн дараа Чарльз Бэрри (англи. Charles Barry, 1795-1860), Оугустус Пьюжин (англи. Augustus Pugin, 1812-1852) нар барилгын неоготик (франц. néogothique; герм. Neugotik, Neogotik -орч. шинэ готик) дэгийн дагуу дахин сэргээн барьсан байна. Өнөө үед Вестминстер дэх хааны шүүх хуралддаг байсан хүлээн авалтын танхим (1097) үлдсэн байна.

Бүтэц

Тус ордон 1100 өрөө тасалгаатай, 100 шаттай бөгөөд 5 километр урт хонгилуудтай ажээ. Ордны байшингуудаас "Элизабетын цамхаг" (Биг Бэн) Лондон хотын нэгэн бэлгэ тэмдэг болдгоороо алдартай юм. "Виктория цамхаг" түүнээс 2 метр өндөр буюу 98,45 м (323 фут) байдаг байна. 1987 онд энэхүү ордон болон ойролцоох Гэгээн Маргарэт (St Margaret’s, Westminster)-ын сүмийн барилгыг ЮНЕСКО-гийн дэлхийн өвийн жагсаалтад бүртгэсэн.