Анни Фризингер-Постма

Анна "Анни" Кристина Фризингер-Постма (Герман: Anna ("Anni") Christina Friesinger-Postma, 1977 оны 1 сарын 11-нд Бад Райхенхаллд төрсөн) нь Германы тэшүүрчин юм. Түүний эцэг Георг Фризингер болон эх Жанина ("Жана") Коровицка нар хоёул тэшүүрчин байсан бөгөөд Жана 1976 оны өвлийн олимпод Польшийн шигшээ багт багтан оролцож байсан түүхтэй. Мөн эгч Агнес, ах Ян нь ч тэшүүрчид юм.

Анни Фризингер-Постма Анни Фризингер 2006 оны өвлийн олимпын үеэр Тэшүүр Төлөөлдөг улс: Герман Хувийн мэдээлэл Бүтэн нэр Анна Кристина Фризингер-Постма Төрсөн огноо 1977 оны 1 сарын 11 (1977-01-11) Төрсөн газар Бад Райхенхалл

Медалиуд Өвлийн олимп Хүрэл Нагано 1998 3000 м Алт Солт-Лэйк Сити 2002 1500 м Алт Турин 2006 Баг Хүрэл Турин 2006 1000 м Алт Ванкувер 2010 Баг Дэлхийн АШТ Мөнгө Варшав 1997 1500 м Мөнгө Варшав 1997 3000 м Алт Калгари 1998 1500 м Хүрэл Калгари 1998 3000 м Хүрэл Хееренвен 1998 Нийлбэр Мөнгө Нагано 2000 1500 м Алт Солт-Лэйк Сити 2001 1500 м Мөнгө Солт-Лэйк Сити 2001 3000 м Алт Будапешт 2001 Нийлбэр Алт Хееренвен 2002 Нийлбэр Алт Берлин 2003 1000 м Алт Берлин 2003 1500 м Алт Берлин 2003 3000 м Мөнгө Нагано 2004 Ойрын зай Алт Сөүл 2004 1000 м Алт Сөүл 2004 1500 м Мөнгө Сөүл 2004 3000 м Алт Москва 2005 Нийлбэр Алт Инцелл 2005 5000 м Алт Инцелл 2005 Баг Мөнгө Инцелл 2005 1000 м Мөнгө Инцелл 2005 1500 м Мөнгө Солт-Лэйк Сити 2007 1000 м Алт Хамар 2007 Ойрын зай Мөнгө Хееренвен 2007 Нийлбэр Алт Нагано 2008 1000 м Алт Нагано 2008 1500 м Мөнгө Хееренвен 2008 Ойрын зай Алт Ванкувер 2009 1500 м Мөнгө Ванкувер 2009 1000 м

2009 оны 8 сарын 11-нд Фризингер удаан үерхсэн, Нидерландын тэшүүрчин Идс Постматай Шлосс Мирабеллд гэрлэжээ. Фризингер өдгөө Австрийн Зальцбургт амьдардаг бөгөөд нөхрийнхөө Нидерланд дахь эдлэн газар луу нүүхээр төлөвлөж буй аж.

Спортын замнал

Анни Фризингер олимпын 3 алт, 2 хүрэл медальтай. Нийлбэр дүнгээр 5 удаа Европын, 3 удаа дэлхийн аварга болж байсан тэрээр дэлхийн аварга шалгаруулах тэмцээнээс маш олон медаль хүртэж байлаа. Холын зайн төрөлд мэргэшсэн боловч ойрын зайн төрлүүдэд ч амжилт үзүүлж, дэлхийн аварга болж байсан. Ийнхүү Фризингер нийлбэр дүнгээр, мөн ойрын зайн дэлхийн аварга цолыг хүртсэн 5 дахь тэшүүрчин (Силвиа Бурка, Канад; Эрик Хайден, АНУ; Наталья Петрусёва, ЗХУ; Карин Каниа-Энке, БНАГУ нарын дараа) болжээ.

Амжилт

Фризингер 1500 метрийн зайн дэлхийн дээд амжилтыг гурван удаа тогтоож байсан ч түүний амжилтыг гол өрсөлдөгч Канадын Синди Классен эвдээд буй. Фризингерт мөнхүү зайн олимпын дээд амжилт харьяалагддаг. 2002 оны олимпод түрүүлэхдээ 1:54.02 гэсэн амжилт үзүүлсэн нь өнөөдрийг хүртэл олимпын тавцанд эвдэгдээгүй байна.

Хувийн дээд амжилтууд

Зай	Хугацаа (мин:сек.дойль)	Тэмцээн	Газар	Огноо
500 м	38.09	2005–06 оны Дэлхийн Цомын 2-р гараа	Солт-Лэйк Сити	2005 оны 11 сарын 18
1,000 м	1:13.49	2007–08 оны Дэлхийн Цомын 2-р гараа	Калгари	2007 оны 11 сарын 18
1,500 м	1:53.19	2005–06 оны Дэлхийн Цомын 2-р гараа	Солт-Лэйк Сити	2005 оны 11 сарын 20
3,000 м	3:58.52	2005–06 оны Дэлхийн Цомын 1-р гараа	Калгари	2005 оны 11 сарын 12
5,000 м	6:58.39	2002 оны өвлийн олимп	Солт-Лэйк Сити	2002 оны 2 сарын 23

Бусад

Анни Фризингер уралдаан тэмцээнийхээ хажуугаар загвар өмсдөг бөгөөд Германы усны хувцасны загварын Штерн сэтгүүлд гарч байсан удаатай. Анни тэшүүрийн аварга хүнд тохирохуйц хүчирхэг, өргөн гуятай тул "Супер тачаангуй Анни" гэж хочлогдох нь бий.

Бүтээл

• Mein Leben, mein Sport, meine besten Fitness-Tipps ("Миний амьдрал, миний спорт, миний хамгийн сайн дасгалын аргууд"). 2004 оны 3 сар, Голдманн. ISBN 3-442-39059-1 (Герман)

Гадны холбоосууд

• Албан ёсны сайт (Герман), (Нидерланд)
• Намтар, амжилт – SkateResults.com