Юрген Крой
Юрген Крой (Герман: Jürgen Croy, 1946 оны 10 сарын 19-нд Германы Цвикауд төрсөн) нь Бүгд Найрамдах Ардчилсан Герман Улсын шигшээ багт тоглож асан, хөлбөмбөгийн хаалгач юм.
.jpg) | |||
| Хувийн мэдээлэл | |||
|---|---|---|---|
| Өндөр | 1.86 m ([convert: unknown unit]) | ||
| Байрлал | Хаалгач | ||
| Өсвөрийн баг | |||
| –1963 | БСГ Активист Цвикау | ||
| 1963–1965 | Захсенринг Цвикау | ||
| Мэргэжлийн замнал* | |||
| Он | Баг | Гараа† | (Гоол)† |
| 1965–1981 | Захсенринг Цвикау | 372 | (0) |
| Шигшээ баг | |||
| 1967–1981 | Зүүн Герман | 86 | (0) |
| Дасгалжуулсан баг | |||
| 1984–1988 | Захсенринг Цвикау | ||
| * Мэргэжлийн замналын тоглолтын (гоол) үзүүлэлтийг дотоодын лигтэй нь уялдуулсан болно. † Гараа (Гоол). | |||
| Олимпын медаль | ||
 Зүүн Герман-ыг3 төлөөлж
| ||
|---|---|---|
| Эрэгтэй хөлбөмбөг | ||
| Хүрэл | Мюнхен 1972 | Эрэгтэй баг |
| Алт | Монреаль 1976 | Эрэгтэй баг |
Спортын замнал
засварлахКрой хөлбөмбөгийн замналаа ганцхан БСГ Захсенринг Цвикау (одоогийн ФСВ Цвикау) багт өнгөрүүлсэн бөгөөд багийнхаа хамтаар 1967, 1975 онуудад Зүүн Германы цомыг хүртэж байв. Тэрээр Зүүн Германы шигшээ багийн хөлбөмбөгчид дундаас тус улсын шилдэг багууд болох Динамо Дрезден, Карл Цайсс Иена, эсвэл Магдебург багуудад тоглож байгаагүй цөөхөн хэдэн хөлбөмбөгчний нэг билээ. Тиймээс Кройд Европ тивийн хэмжээний тэмцээнүүдэд оролцох боломж хомс байсан юм.
Крой анх 1967 оны 5 сард Зүүн Германы шигшээ багийн өмсгөлийг өмсөж, Шведийн шигшээ багтай хийсэн тоглолтод (1-0) оролцжээ. Улмаар Зүүн Герман цор ганц удаа Дэлхийн АШТ-д оролцсон 1974 онд шигшээ багийнхаа үндсэн хаалгач байлаа. Тус тэмцээнд БНАГУ хөрш Баруун Германыг 1-0 харьцаагаар ялсан түүхэн тоглолтод Крой шигшээ багийнхаа хаалгыг манасан юм. Энэ нь хоёр Германы шигшээ баг хоорондоо тоглосон цорын ганц тоглолт болж түүхэнд үлдсэн билээ. 2 жилийн дараа Крой олимпын аварга цол хүртэж, замналынхаа хамгийн том амжилтыг гаргав. Тэрээр шигшээ багтаа нийтдээ 86 тоглолт хийсан бөгөөд хамгийн сүүлд 1981 оны 5 сард Кубыг 5-0 харьцаагаар ялахад тогложээ.
Кройг Зүүн Германы хөлбөмбөгийн сэтгүүлчид 1972, 1976, 1978 онуудад БНАГУ-ын оны шилдэг хөлбөмбөгчнөөр тодруулж байв. Тэрээр Зүүн Германы дээд лигт 372 удаа тогложээ.
Хожим
засварлахЗодог тайлаад Крой нэг хэсэг хөлбөмбөгийн зааварлагчаар ажиллаж байв. 1991 - 2001 онд төрөлх Цвикау хотынхоо боловсрол, соёл, спорт хариуцсан коммисарын албыг хашсан. Өдгөө Юрген Крой Цвикаугийн Худалдаа, Аялал Жуулчлал, Соёлын Танхимын гүйцэтгэх захирлаар ажиллаж байна.
Гадны холбоосууд
засварлах
Commons: Юрген Крой – Викимедиа зураг, бичлэг, дууны сан