Шоу Нин гүнж (Юань улс)

Шоу Нин гүнж (?-?) нь (хятад хэл:壽寧公主, пиньинь галиг: Shòu níng gōngzhǔ) Юань улсын гүнж бөгөөд Хубилай хааны ач хүү Гамала жинь вангийн охин, Есөнтөмөр хааны эгч юм. Түүний жинхэнэ нэр тодорхойгүй юм. Харин түүнд өгсөн Шоу Нин гүнж хэмээх цолоор нь нэрлэж байжээ.

Эзэмшил газар

Гэгээн хааны үед Шоу Нин гүнжид цаасан мөнгө 75000 хэлхээ мөнгө хүртээсэн. 1326 оны "...5-р сарын хөхөгчин туулай өдөр ... Шоу нин гүнжид тамга өгч басхүү тариа зуун хуваарь, цаасан пиу (цаасан мөнгө) гурван түмэн хэсэг хүртээжээ."

Гэр бүл

• Эцэг: Гамала жинь ван
• Эх:?
• Ах дүүс:Сүншан лян ван, Раднабала гүнж, Будашир гүнж, Есөнтөмөр хаан, Дэлгэрбуха сянь нин ван
• Нөхөр: Найман аймгийн хүн байсан. Нэр нь тодорхойгүй.
• Хүүхэд: Бабуша хатан, Садабала хатан (Есөнтөмөр хааны бага хатан)
• Зээ хүү: Ринчинбал хаан