Хашбаатарын Цагаанбаатар

Хашбаатарын Цагаанбаатар нь Монголын жүдоч. 1984 оны 3 сарын 19-нд Увс аймгийн Баруунтуруун суманд төрсөн. Аварга Биеийн Тамирын Дээд Сургуулийг төгссөн. 1995 оноос анх жүдо барилдаанаар хичээллэж эхэлсэн. 2004 оны Афины олимпоос 60кг-ийн жинд хүрэл медаль хүртсэн, 2009 оны дэлхийн аварга, 2010 оны ДАШТ-ий хүрэл медальт. Монгол Улсын гавьяат тамирчин, хөдөлмөрийн баатар цолтой, Азийн наадмын аварга, Азийн хошой аварга, самбо бөхийн дэлхийн хошой аварга. Монгол Улсын оны шилдэг тамирчны "Бөртэ чоно" цомыг гурван удаа (2004, 2006, 2009) хүртсэн.

Хашбаатарын Цагаанбаатар Эрэгтэйчүүдийн жүдо Төлөөлдөг улс: Монгол Улс Монгол Улс Хувийн мэдээлэл Бүтэн нэр Хашбаатарын Цагаанбаатар Төрсөн огноо 1984 он Төрсөн газар Монгол улс, Увс аймаг

Медалиуд Зуны олимп Хүрэл Афин 2004 60 кг Дэлхийн АШТ Алт Роттердам 2009 66 кг Хүрэл Токио 2010 66 кг Хүрэл Астана 2015 Баг Азийн наадам Алт Доха 2006 66 кг Азийн АШТ Алт Чэжү 2003 60 кг Хүрэл Алматы 2004 60 кг Алт Ташкент 2005 66 кг Мөнгө Кувейт 2007 66 кг Мөнгө Чэжү 2008 66 кг Мөнгө Абу-Даби 2011 66 кг

Амжилт

Жүдо

• Олимп, хүрэл медаль. 2004 он, Афин, Грек
• Дэлхийн АШТ, алтан медаль. 2009 он, Роттердам, Нидерланд
• Азийн наадам, алтан медаль. 2006 он, Доха, Катар
• Азийн ААШТ, алтан медаль. 2005 он
• Азийн ААШТ, алтан медаль. 2003 он, Чэжү, БНСУ
• Зүүн Азийн аварга. 2006 он

Самбо

• Дэлхийн АШТ - хошой аварга (2005, 2009).

Үндэсний бөх

Улсын наадмын дэвжээнд

• Ардын хувьсгалын 81 жилийн ой, үндэсний их баяр наадмын хүчит бөхийн барилдааны нэгийн даваанд Өвөрхангай аймгийн Хужирт сумын харьяат улсын заан Ёндонгийн Ишгэнд өвдөг шороодсон.
• Ардын хувьсгалын 84 жилийн ой, үндэсний их баяр наадмын хүчит бөхийн барилдааны нэгийн даваанд Өвөрхангай аймгийн Өлзийт сумын харьяат улсын начин Лхагвадоржийн Наранбаатарт өвдөг шороодсон.
• Тулгар төрийн 2220 жилийн ой, Их Монгол улс байгуулагдсаны 805 жилийн ой, Ардын хувьсгалын 90 жилийн ой, үндэсний их баяр наадмын хүчит бөхийн барилдааны нэгийн даваанд Увс аймгийн Зүүнхангай сумын харьяат сумын заан Хулгарын Цэрэнвандангаар давж хоёрын даваанд Завхан аймгийн Яруу сумын харьяат аймгийн заан Ишжанцангийн Батсайханд өвдөг шороодсон.
• Тулгар төрийн 2225 жилийн ой, Их Монгол улс байгуулагдсаны 810 жилийн ой, Ардын хувьсгалын 95 жилийн ой, үндэсний их баяр наадмын хүчит бөхийн барилдааны нэгийн даваанд Өвөрхангай аймгийн Зүүнбаян-Улаан сумын харьяат сумын заан Баянзулын Цэдэнсодномоор давж Архангай аймгийн Эрдэнэмандал сумын харьяат аймгийн заан Энхтайваны Мөнхбатад өвдөг шороодсон.

Аймгийн наадмын дэвжээнд

Он	Амжилт	Бөхийн тоо
2007	Дорноговь аймгийн баяр наадамд аймгийн арслан Ш.Жаргалсайханаар долоо давж түрүүлэн " Аймгийн арслан " цол хүртсэн.	128
2014	Дархан-Уул аймгийн баяр наадамд тав давж шөвгөрөн чимэг нэмсэн.	256
2019	Налайх хотын баяр наадамд тав давж шөвгөрөн чимэг нэмсэн.	256

Гэр бүл

Түүний эхнэр нь мөн 2008 оны Бээжингийн олимпын гар бууны 25 метрийн төрлийн мөнгөн медальт, гавъяат тамирчин Отрядын Гүндэгмаа юм. Мөн тэрээр 6 олимпод дараалан оролцсон Монгол улсын анхны эмэгтэй тамирчин юм.