Наташа Пирц Мусар

Наташа Пирц Мусар (словен. Nataša Pirc Musar; 1968 оны 5-р сарын 9-нд Любляна хотод төрсөн) — Словений хуульч, зохиолч, Төрийн зүтгэлтэн. 2022 оны 12-р сарын 23-наас Словени улсын Ерөнхийлөгч. 1991 онд Словени тусгаар тогтносоноос хойш анхны эмэгтэй ерөнхийлөгч болсон.

2015-2016 онд Словений Улаан Загалмайн нийгэмлэгийн ерөнхийлөгч.

Намтар

Тэрээр Люблянагийн их сургуулийн хуулийн ангийг 1992 онд төгссөн. 1997 онд тэрээр хуульчийн шалгалтанд тэнцэж, дараа нь Словенийн телевизэд ажилд орж, зургаан жил сэтгүүлч, төв мэдээллийн хөтөлбөрийн хөтлөгчөөр ажилласан. Дараа нь таван жилийн турш тэрээр POP TV арилжааны телевизийн сувгийн 24UR мэдээллийн төв нэвтрүүлгийн хөтлөгчөөр ажилласан.

2003 оны 4-р сараас Словенийн Дээд шүүхэд Боловсрол, мэдээллийн төвийн захирлаар ажиллаж байсан. Тэрээр 2011 оны 3-р сараас "Европол"-ын (Европын цагдаа) Хамтарсан хяналтын байгууллагын дэд ерөнхийлөгч, 2012 оноос Мэдээллийн комиссарын бүрэн эрхийн хугацаа дуустал Евродын Холбооны энэ байгууллагын ерөнхийлөгчөөр ажиллаж байсан. 2016 оноос хойш Pirc Musar & Lamut Strle нэртэй хуулийн фирм байгуулсан.

Тэрээр мэдээллийн эрх чөлөө, хууль эрх зүйн үзэл бодол зэрэг номнууд болон Дональд Трампын эхнэр Мелания Трамп, Словений Социал Демократууд болон бусад нэр хүндтэй үйлчлүүлэгчдийг өмгөөлж байсан олны анхаарлыг татсан шүүхийн хэргүүдээр алдартай.

2022 оны 6-р сарын 23-нд тэрээр бие дааж Словенийн ерөнхийлөгчийн сонгуульд нэрээ дэвшүүлсэн. Түүнийг тус улсын ерөнхийлөгч асан Милан Кукан, Данило Турк нар дэмжсэн байна.

Бизнесмен Алеш Мусар (Aleš Musar; 1965 онд төрсөн) гэрэлсэн, тэд 2001 онд төрсөн Макс гэж 1 хүүтэй.