Коканд

Коканд (узбек. Qo‘qon/Қўқон) — Узбекистаны Ферганы хөндийн баруун хэсэгт орших түүхэн хот бөгөөд 2020 оны байдлаар 274 700 хүн амтай болсон байна.

Түүх

Коканд бол Төв Азийн хамгийн эртний хотуудын нэг юм. 10-р зуунд байгуулагдаж Хуканд, Хавоканд хэмээх нэртэй байсан хот юм.

Энэ хот нь Их Торгоны зам дахь худалдааны чухал зангилаа төв байсан бөгөөд 13-р зуунд Төв Азийн ихэнх хотуудын нэгэн адил монголчуудын гарт сүйрч байсан түүхтэй.

Кокандын хант улсын түүхэнд 29 удирдагч солигдсоны сүүлчийнх нь Худояр хан байжээ.

Дараа нь хот нь 1709-1876 онуудад орчин үеийн Узбекистан, Тажикистан, Киргизстан, Казахстаны өмнөд хэсэг, Хятадын Шинжаан-Уйгурын өөртөө засах орны (Зүүн Туркестан) нутаг дэвсгэрт оршин тогтнож байсан Кокандын хант улсын нийслэл болжээ.

Худояр ханы ордон.

1876 оноос хойш Коканд нь Оросын эзэнт гүрний бүрэлдэхүүнд Фергана мужийн хот, дараа нь 1924-1990 онд ЗСБНХУ-ын бүрэлдэхүүнд Зөвлөлт Узбекистаны, 1991 оноос Бүгд Найрамдах Узбекистан Улсын Фергана мужийн хот болоод байна.