Дуут сум
Дуут сум нь Ховд аймгийн сум юм. Сумын төв нь 1942 онд "Босгын эх" гэдэг газар байгуулагдсан. Дуут сум нь мал аж ахуйн 3 баг, сумын төвийн 1 багтай. Үүнд: 1-р баг Шивэр, 2-р баг Хөхбэлчир, 3-р баг Цагаанбургас, 4-р баг Босго. Далайн төвшнөөс дээш 2480 гаруй метрт оршдог, Монголын хамгийн өндөр цэгт оршдог суурин газар гэдгээрээ онцлогтой. 2076 хүн амтайн 80 гаруй хувь нь Урианхай, 10 гаруй хувийг халх, үлдэх цөөн хувийг бусад ястнууд эзэлдэг.
| Дуут сум | |
|---|---|
| сум | |
| Улс орон |  Монгол |
| Аймаг |  Ховд |
| Сум | Дуут |
| Баг (4) | Шивэр, Хөхбэлчир, Цагаанбургас, Босго |
| Сумын төв | Босго |
| Газар нутаг | 2,146 км² |
| Хүн ам (тоол.) | 2000 онд 2,195 хүн, 2005 онд 1,942 хүн, 2010 онд 1,903 хүн, 2015 онд 1,947 хүн, 2020 онд 1,960 хүн, 2021 онд 1,927 хүн |
| Хүн ам (тооц.) | 2011 онд 2,041 хүн [1] |
| – төв сууринд | 2011 онд 1,882 хүнБ |
| Нягт сийрэг | 2011 онд 0.95 хүн/км² |
| Нутгийн олон | Дуутынхан |
| А Зөвхөн МУ-ын суурин иргэний тоо. Гадаадын харъяат иргэн, гадаадад оршин суугаа МУ-ын иргэн багтаагүй. Б Сумын 2041 хүний 159 нь хөдөө, 1882 нь төвд байна. |
|
 |
|
Газарзүй Засварлах
Дуут сумын нутгийн дийлэнх нь Монгол Алтайн нурууны сүрлэг өндөр уулсыг дамнан оршдог. Бүргэдтэй хайрхан, Жинст, Хонгор, Битүүт, Хөх хавцал, Маш, Улаан даваа зэрэг далайн төвшнөөс дээш 3500 метрээс өндөр өргөгдсөн, Алтайн нурууны сүрлэг оргилууд тус сумын нутагт олон бий. Мөн Битүүт, Цэнхэр, Балинтын түргэн урсгалт голууд, уулын сүрлэг хавцлуудыг тус сумын нутгаас олноор харах болно. Тус сумын нутагт эртний түүх дурсгал болох Түрэгийн үеийн хадны бичээс, чулуун хөшөө, байгалийн сонин тогтоцтой, чонын хэлбэртэй чулуу, мөөгөн хад, өөр хаана ч тохиолддоггүй бөөрөнхий чулууг харж болно. Цэнхэрийн гол болон Хойд голд байгалийн үзэсгэлэн хосолсон Ховд аймагт цөөн тааралдах төрөл бүрийн модон шугуйнуудтай. Хөхбөөрөг, Харлаг хад, Нэвт зэрэг дээр үеэс нааш нутгийн ард иргэдийн дээдэлж, хүртэж ирсэн олон төрлийн өвчин эмгэгийг анагаах увидастай рашаанууд тус сумын нутагт бий.
Хүмүүс Засварлах
- Т.Пүрэвжав - Гавъяат багш, анагаах ухааны доктор
- Д.Пүрэв - Гавъяат уурхайчин
- П.Чилхаажав - Урлагийн гавъяат зүтгэлтэн, бүжиг дэглээч
- Б.Сийлэгмаа - Гавъяат жүжигчин, дуучин
- У.Уранчимэг - Гавъяат жүжигчин
- Д.Баасанжав - Гавъяат эмч
- П.Наранцогт - Баруун Монголын алдарт цуурч
- Б.Авирмэд - Төрийн соёрхолт туульч
- Х.Эрдэнэбаатар - Болор цомын эзэн найрагч
- М.Отгонбаяр - Болор цомын эзэн яруу найрагч
- С.Чойсүрэн - Алдарт туульч
- Г.Лхамсүрэн - Аж үйлдвэрийн гавьяат ажилтан
Эх сурвалж Засварлах
- ↑ Ховд аймгийн статистикийн хэлтэс. Ховд аймгийн нийгэм, эдийн засгийн 2011 оны танилцуулга