Пүсань

**Хадмал толь**
	Хадмал толь
	Монгол нэрийдэл
Худам монгол	ᠪᠦᠰᠠᠨ (büsan) ; ᠫᠦᠰᠠᠨ (püsan)
Монгол кирил	Пүсань1 [Пү-са́нь] ; Пусан2 [Пуса́н]
Нэмэлт мэдээ
Найман ; тийн ; ялгал	Пүсань, Пусан ; Пүсаний, Пусаны ; Пүсаньд, Пусанд ; Пүсанийг, Пусаныг ; Пүсаниас, Пусанаас ; Пүсаниар, Пусанаар ; Пүсаньтай, Пусантай ; Пүсань руу, Пусан руу
Гадаад ; хэл ; бичиг	англ. Busan, хуучин Pusan ; Орос: Пусан [Пуса́н] ; сол. 부산 [Пү-са́нь]
	Ерөнхий тайлбар: () – үсгийн галиг, [] – хэл,дуудлага ; 1 дугаарын тайлбар: 49-р дүрмийн 2-1 ба 23-р дүрмийн 1-2 ; 2 дугаарын тайлбар: 49-р дүрмийн 2-2

Пүсань хот
Пүсань хот;
	өргөн хот
	Пүсань өргөн хот ; сол. 부산광역시 ; [Пү саань куан ёг ший]
	; Сүлд тэмдэг
	; Сүлд тэмдэг
	Өмнөд Солонгос орон дахь Пүсань нутаг
Улс орон	Өмнөд Солонгос (БНСУ)
Бүс, муж	Ённам
Өргөн хот	Пүсань
Дотроо	16 нутагтай
Газар нутаг	767.35 км²
Хүн ам (тооц.)	2014 онд 3,582,019 хүн
Нягт сийрэг	2014 онд 4,70/ хүн/км²
Ард түмэн	солонгос үндэстэн
Нутгийн олон	Пүсанийхан
1963 онд	аймгаас тусгаарласан
Цагийн бүс	Солонгосын цаг (ГЦ+9)
Утасны дуг.	+82 51
Цахим хуудас	busan.go.kr

Пүсань [Пүсаань] (сол. 부산) буюу Пусан хот бол Өмнөд Солонгосын улсын доор шууд захирагдах, 767 км² нутаг дэвсгэрийг харьяалсан өргөн хот юм. Солонгосын хойгийн дорно өмнөд үзүүрт оршдог.

Шөнийн Пүсань

3.6 сая хүнтэй Пүсань улсдаа Сөүлийн дараах хоёрдугаар том хот нь юм. Хаяа залгаа Кимхэ, Янсан гэх мэтийн хотыг хамруулан тооцсон Пүсань хотын бөөгнөрөлд 4.4 сая хүн оршин сууж байгаа.^[1]

Пүсань дэлхийд тэргүүлэх далайн боомт, санхүүгийн төв газар болсон.

Пүсаньд 2002 оны Азийн наадам явагдаж байлаа.

НэрЗасварлах

Энэ хотын нэрийг солонгос хэл бичгийг үндэслэж Пүсань, орос бичгийг үндэслэж Пусан гэж бичнэ. Солонгосоос монголчлох дүрэм тусгайлан батлагдаагүйгээс Пүсан, Бусан, Бүсан, Бүсань гээд бүгд 6 янзаар бичиж салаалжээ.

Газар зүйЗасварлах

Солонгосын хойг, Солонгос, Өмнөд Солонгос гэх гурван янз газар орны хамгийн дорно-өмнөд, Японтой ойрхон Солонгосын хоолойн эрэг ирмэг өнцөг буланд Пүсань байрладаг. Сөүлээс 314 км зайтай.

Дундуураа уул толгодтой ч гэсэн үндсэндээ хоёр голын (Нагдун, Сүён) адгийн нам доор газарт энэ хот цогцолжээ.

Агаарын температур VII сарын өдөр дунджаар +24.1°C дулаан, I сарын өдөр дунджаар +3.2°C сэрүүн байдаг.

Засаг захиргааны хуваарьЗасварлах

Пүсан дотроо 15 дүүрэг (гү), 1 хошуунд (гүнь) хуваагддаг.

#	Нутгийн нэр	солонгос	латин	Хүн ам (2010)

— дүүрэг — (구)
1	Хэүньдэ	해운대구	Haeundae	429,477
2	Пүсаньжинь	부산진구	Busanjin	398,174
3	Саха	사하구	Saha	362,697
4	Пүг	북구	Buk	313,553
5	Нам	남구	Nam	301,904
6	Туннэ	동래구	Dongnae	283,636
8	Сасан	사상구	Sasang	261,673
9	Кымжон	금정구	Geumjeong	257,662
10	Ёньжэ	연제구	Yeonje	213,453
11	Сүён	수영구	Suyeong	179,208
12	Ёнду	영도구	Yeongdo	148,431
13	Со	서구	Seo	127,068
14	Тун	동구	Dong	102,859
15	Гансо	강서구	Gangseo	66,269
8	Чон	중구	Jung	50,555
— хошуу — (군)
11	Кижан	기장군	Gijang	103,762

Эдийн засагЗасварлах

Сомёнь

Пүсаний боомт ачаа эргэлтийн хэмжээгээр дэлхийд тавд ордог.^[2] 1978 оноос эхэлсэн гурван боомт жилдээ 13 сая чингэлэг ачиж буулгаж байна.

Рено Самсон Моторс компани, Ханьжиний хүнд үйлдвэр, Пүсань банк, Пүсань иргэний агаарын тээврийн компани, Солонгосын хөрөнгийн биржийн төв байр Пүсаньд байрладаг.

Пүсаньд Сомёнь мэтийн бизнес төвлөрсөн хоёр дүүрэг, дэлгүүр хоршооны дөрвөн дүүрэг болон Чагалчи хэмээх загасны зах бий.

Их, дээд сургуульЗасварлах

Цахим холбоосЗасварлах

Commons: Пүсань – Викимедиа зураг, бичлэг, дууны сан

Албан ёсны цахим хуудас

Зүүлт, тайлбарЗасварлах

[busanpopu-1] ttp://web.archive.org/web/20070930211424/world-gazetteer.com/wg.php?x=&men=gcis&lng=en&dat=32&srt=npan&col=aohdq&pt=a&va=&srt=pnan%7C

[fifth-2] Empty Containers Clog Busan Port as Trade Slumps, bloomberg.com– March 3, 2009 02:12 EST

[1]

[2]