Леонид Брежнев
Леонид Ильич Брежнев (орос. Леонид Ильич Брежнев; * 1906 оны 12 сарын 19-нд Камьянське/Украин; төрсөн- 1982 оны 11 сарын 10-нд Москва хотд нас барсан) нь Украин гаралтай Зөвлөлт Холбоот Улсын удирдагч байсан улс төрийн зүтгэлтэн. Тэрбээр 1964 оноос 1982 он хүртэл Зөвлөлт Холбоот Улсын Коммунист намын дарга, ЗХУ-ын төрийн тэргүүнээр ажиллаж байсан ба Зөвлөлт Холбоот Улсын баатар цолоор дөрвөн удаа, Социалист хөдөлмөрийн баатар цолоор нэг удаа шагнагдаж байсан аж.
Л.Брежнев Монгол улсад
засварлахЛ.Брежнев ЗХУ-ын удирдагч байхдаа Монгол улсад 1966 онд анх удаа, 1974 онд БНМАУ-ыг тунхагласны 50 жилийн ой, МАХН-ын III хуралд оролцохоор хоёр дахь удаагаа айлчилсан байна.
1966 оны айлчлал
засварлахЛ.Брежнев БНМАУ-д анх удаа 1966 оны 1-р сарын 13-15-нд албан ёсоор айлчилсан байна. Айлчлалын үеэр 20 жилийн хугацаатай "БНМАУ-ЗСБНХУ-ын хооронд найрамдал, хамтын ажиллагааны болон харилан туслалцах Гэрээ"-нд Ю.Цэдэнбал, Л.И.Брежнев нар гарын үсэг зурсан. Энэ гэрээний дагуу Зөвлөлтийн Алс Дорнод дахь армийн зарим анги нэгтгэлүүд Монголд шилжүүлэн байрлуулсан. ЗХУ-ын төлөөлөгчдийн бүрэлдэхүүнд К.Т.Мазуров (ЗХУ-ын Сайд нарын Зөвлөлийн нэгдүгээр орлогч дарга), А.А.Громыко (ЗХУ-ын ГХЯ-ны сайд) , Ю.В.Андропов (ЗХУКН-ын нарийн бичгийн дарга), Р.Я.Малиновский (ЗХУ-ын Батлан хамгаалахын сайд) , Л.Г.Галимжанова (ЗХУ-ын Бүгд Найрамдах Казахстан Улсын Соёлын сайд), Б.Б.Городовиков (ЗХУ-ын Халимагийн удирдагч), Л.Н.Соловьёв (ЗХУ-ын Элчин сайд) нар байсан.
Айлчлалын хүрээнд Л.Брежнев Дархан хотод мөн айлчилсан байна.
1974 оны айлчлал
засварлах1974 оны 11-р сарын 23-24-ний өдрүүдэд ЗХУ-ын Коммунист намын Төв хорооны Ерөнхий нарийн бичгийн дарга Л.Брежнев, АНУ-ын Ерөнхийлөгч Жеральд Форд нар ЗХУ-ын Алс Дорнодын Владивосток хотод уулзаж түүхэн хэлэлцээ хийж хамтарсан Мэдэгдэл гаргасан байна. Энэ уулзалтын дараа Л.Брежнев БНМАУ-д албан ёсоор айлчилсан байна.
Монгол шагнал
засварлахБНМАУ-ын баатар, 1981 онд Хөдөлмөрийн баатар, БНМАУ-ын Хүндэт иргэн цолоор шагнагдаж байсан.
Хэлсэн үг
засварлах„Коммунизм бол нийгмийн хөгжлийг шинжлэх ухааны онолоор зэвсэглэн, хүн төрөлхтний түүхэн замналыг танин мэдсэн, дэлхий дээрх цорын ганц улс төрийн хөдөлгөөн юм. […]“
Цахим холбоос
засварлах
Commons: Леонид Ильич Брежнев – Викимедиа дуу дүрсний санЭх сурвалж
засварлах- ↑ Institut für Marxismus-Leninismus beim ZK der KPdSU: Die Kommunistische Internationale. Kurzer historischer Abriß. Verlag Marxistische Blätter GmbH, Frankfurt am Main 1970. S. 673 f.