Баянгол сум (Сэлэнгэ)

Энэ хуудас нь Сэлэнгэ аймгийн сумын тухай өгүүлнэ. Бусад утгыг, «Баянгол»-с харна уу.

Баянгол нь Сэлэнгэ аймгийн сум юм. Сумын төв нь Баруунхараа хот юм.

Баянгол сум ᠪᠠᠶ᠋ᠠᠩᠭ᠋ᠣᠤᠯᠰᠤᠮᠤ
Сум
Баянгол сум Монгол дахь байршил
Солбицол: 48°54′53″N 106°5′15″E
Улс	Монгол
Аймаг	Сэлэнгэ
Байгуулагдсан	1931 он
Сумын төв	Баруунхараа
Газар нутаг
• Нийт	1,976.28 км2 (763.05 бээр2)
Өндөр	760 м (2,496 фут)
Хүн ам  (2022)
• Нийт	▲ 5,702
Цагийн бүс	UTC+8 (UTC + 8)
Уур амьсгал	Dwb

Түүх

1931 онд Богд хан уулын аймгийн Баатар вангийн хошууны Хөлий уул сумын суурин дээр байгуулагджээ.

Газарзүй

Тус сум нь газар зүйн мужлалын хувьд Хэнтий, Хянганы уулархаг их мужийн, Хэнтийн мужийн, бага Хэнтийн дэд мужийн захын тойрогт хамаарагдана.

Сэлэнгэ аймгийн нутгийн өмнөх хэсэгт Хараа, Бороо, Загдал, Баянгол зэрэг голуудын үзэсгэлэнт сав газар, ойт хээр, хээрийн бүсийн заагт оршино. Нутаг дэвсгэрийн хэмжээ 197.6 мян.га, хойд талаараа Дархан-Уул аймгийн Дархан, Шарынгол, зүүн хойд талаараа Сэлэнгэ аймгийн Мандал сум, өмнөд, баруун өмнөд талаараа Төв аймгийн Борнуур, Сүмбэр сум, баруун баруун хойд талаараа Сэлэнгэ аймгийн Орхон, Сайхан сумдын нутагтай тус тус хиллэнэ. Нутаг дэвсгэрийн нийт гадаргууд ой мод 21.2 мян.га, бэлчээр 120.8 мян.га, усан сан 0.3 мян.га, хадлан 29.5 мян.га, тариалан 17.6 мян.га талбайг эзлэнэ.

Дэд бүтэц

Нийслэл Улаанбаатар хотоос 154 км, Сэлэнгэ аймгийн төвөөс 170 км, Дархан-Уул аймгийн төвөөс 75 км, зэргэлдээх Мандал сумын төвөөс 35 км зайд оршдог. Тус сумын нутаг дэвсгэр дээгүүр олон улсын ач холбогдолтой төмөр зам 47 км, хатуу хучилттай авто зам 52.5 км дайран өнгөрдөг. Дэд бүтэц хөгжлийн ирээдүй сайтай, зам харилцаа чухал зангилаа юм.

Засаг захиргааны нэгж

Баянгол сум нийт 5700 гаран хүн амтай, 3 багтай.

1. Хараа 1-р баг
2. Баян 2-р баг
3. Гонир 3-р баг