Барбара Ханна Анита Барк (Англи: Barbara Hannah Anita Burke, 1917 оны 5 сарын 13 – 1998 оны 8 сарын 8) нь Их Британийн хөнгөн атлетикч, ойрын зайн гүйлт болон халхалттай гүйлтийн тамирчин юм.
Барк Германы Берлин хотод зохиогдсон 1936 оны зуны олимпод Их Британийг төлөөлөн оролцож, 4×100 метрийн буухиа гүйлтийн төрөлд Эйлин Хискок, Вайолет Олни, Одри Браун нарын хамтаар мөнгөн медаль зүүсэн байна[1]. Тус олимпын 100 метрийн гүйлтийн төрөлд хагас шигшээ уралдаанаас хасагдсан.
Харин Британийн Эзэнт Гүрний наадамд Өмнөд Африкийг төлөөлөн оролцдог байсан тэрээр 1934 онд 110-220-110 ярдын буухиа гүйлтийн төрөлд 4-р байр эзэлсэн бол 100 ярд, 220 ярдын төрөлд урьдчилсан шатнаас хасагджээ. 4 жилийн дараа Барк 80 метрийн халхалттай гүйлтийн төрөлд түрүүлж, алтан медаль зүүсэн[2] бөгөөд 100 ярдын гүйлтийн төрөлд 4, 220 ярдын гүйлтийн төрөлд 5-р байр эзэлжээ.
Нэгдсэн Хаант Улс
Өмнөд Африк
