2NE1
2NE1 (Сол: 투애니원) нь 2009 онд YG Entertainment-аас үүсгэн байгуулсан Өмнөд Солонгосын охидын хамтлаг юм. Тус хамтлаг 4 гишүүнтэй: Bom, CL, Dara, Minzy. Тэд 2016 оноос хойш үйл ажиллагаагаа зогсоосон ч, 2024 онд эргэн үйл ажиллагаагаа явуулсаар байна. Тус хамтлаг нь К-попын ердийн хэвшмэл ойлголтыг эвдэж, өвөрмөц дүр төрхөөрөө алдаршсан бөгөөд К-поп урсгалын тэргүүлэх хамтлагийн нэг юм.
| 2NE1 | |
 2013 онд | |
| Товч танилцуулга | |
|---|---|
| Үндсэн нэр | Сол: 투애니원 |
| Бусад нэр | англи латинаар 2ne1 |
| Маягтай бичих | 2NE1 |
| Бүрдсэн газар |  Өмнөд Солонгос (БНСУ) |
| Урсгал | К-поп, хип-хоп, R&B |
| Танил үе | 2009–2016 2024–одоо |
| Хөтөч | YG Entertainment Avex Group (Япон) Warner Music Capitol Records Schoolboy Records |
| Одооны гишүүн | Bom Dara CL Minzy |
Анх 2009 оны 3 сард нэг агентлагт харьяалагддаг Big Bang хамтлагтай хамт "Lollipop" хэмээх сурталчилгааны дуунд хамтарсны дараагаас албан ёсоор танилцуулагдсан. Улмаар тэр ондоо "2NE1" цомгоо "Fire" болон "I Don't Care" дуунуудтай хамт гаргаснаар нэр хүндтэй болж эхэлжээ. Тэдний анхны дуу "I Don't Care" нь MAMA Awards-ын Song of the Year шагналыг хүртсэн нь дэбют хийсэн жилдээ daesang (хамгийн том шагнал)-г авсан анхны хамтлаг болж байв. К-поп охидын хамтлагийн анхны олон улсын аялан тоглолт гэж тооцогддог тэдний "New Evolution Global Tour" нь 2012 онд Ази, Хойд Америкийн долоон орны арван нэгэн хотод тоглогдож, Нью-Жерсигийн Prudential Center-т болсон тэдний тоглолт тухайн жилдээ New York Times-аас оны хоёр дахь шилдэг тоглолтоор нэрлэгджээ.
2014 онд гаргасан "Crush" цомог нь АНУ-ын Billboard 200 чартын 61-т жагсаж, шилдэг 100-д багтсан анхны Солонгос уран бүтээлчийн цомог болсон байна. 2014 оны төгсгөл гэхэд, тэд дотоодын Gaon Digital Chart-ыг нийт 9 дуугаар тэргүүлсэн байсан нь тухайн үедээ Өмнөд Солонгосын хамгийн олон тэргүүлсэн хамтлаг болж байв. 2016 оны 4 сард Minzy хамтлагаас гарснаа зарлаж, бусад гурван гишүүн ч бас 11 сард тарна гэж YG Entertainment-аас мэдэгдсэн. Тэдний сүүлийн дууг үлдсэн гурван гишүүн дуулж, "Goodbye" нэртэйгээр 2017 оны 1 сард цацсан юм. 2NE1 тарснаасаа хойш 5 жилийн дараа анх удаагаа 2022 оны 4 сард Coachella-ын тайзнаа эргэн нэгдэж, гэнэтийн бэлэг барьжээ.
2024 онд тэд 15 жилийн ойгоо тохиолдуулан дахин нэгдэж, 2024 оны 10 сараас эхлэн 2025 он хүртэл үргэлжлэх дэлхийн хэмжээний аялан тоглолтоо хийхээр төлөвлөжээ. Тус хамтлаг карьерынхаа туршид нийт 80 шагнал хүртсэн ба дэбют хийснээсээ хойш хоёр жилийн дотор гурван том шагналыг (daesang) хүртсэн анхны уран бүтээлчид юм.
Нэр
засварлах
Хамтлагийн нэр анх "21" байсан ч, үүнтэй адил нэртэй уран бүтээлч байдаг учраас "2NE1" болгон өөрчилсөн.[1] Энэ нэр нь "21-р зуун" болон "New Evolution" (шинэ хувьсал) гэсэн үгийг нэгтгэн, "to anyone" болон "twenty-one" гэсэн үгтэй ойролцоо дуудлагатай байхаар зохиожээ.[2]
Бүрэлдэхүүн
засварлах| Тайзны нэр | Төрсөн нэр | Хамтлагт гүйцэтгэх үүрэг | Бэлтгэгдсэн хугацаа | Төрсөн өдөр, газар | ||
|---|---|---|---|---|---|---|
| монгол | анхдагч | англи | анхдагч | |||
| Бум | Bom | Park Bom | 박봄 | гол вокал | 4 жил | 1984 оны 3 сарын 24 (40 настай) Сөүл
|
| Дара | Dara | Park Sandara | 박산다라 | вокал, туслах реппер | 2 жил | 1984 оны 11 сарын 12 (39 настай) Пүсань
|
| Си-Эл | CL | Lee Chae-rin | 이채린 | ахлагч, гол реппер, туслах вокал, туслах бүжигчин | 2 жил 6 сар | 1991 оны 2 сарын 26 (33 настай) Сөүл
|
| Минжи | Minzy | Gong Min-ji | 공민지 | гол бүжигчин, туслах реппер | 5-6 жил | 1994 оны 1 сарын 18 (30 настай) Сөүл
|
Уран бүтээл
засварлах|
Студийн цомог
Өргөтгөсөн цомог (EP)
|
Япон эмхэтгэсэн цомог
|
Телевизийн нэвтрүүлэг
засварлах- 2009 Style (cameo)
- 2009 Girlfriends (cameo)
- 2009 2NE1TV
- 2010 2NE1TV Season 2
- 2011 2NE1TV Live: Worldwide (season 3)
- 2014 America's Next Top Model CBSTV (season 21 ep 16)
- 2014 The Bachelor - Juan Pablo
- 2014 The Tim Yap Show
Аялан тоглолт
засварлахТоглолт
засварлах- Nolza! (2011)
- New Evolution Global Tour (2012)
- All or Nothing World Tour (2014)
- Welcome Back Tour (2024–2025)
Бусад тоглолт
засварлах- YG Family Concert (2010)
- YG Family 15th Anniversary Concert (2011–2012)
- YG Family World Tour: Power (2014)
Лавлах бичиг
засварлах- ↑ Lee, Hye-rin (March 30, 2009). YG "원조 21에게 미안, '여자빅뱅' 이름 2NE1로 교체" [YG "Sorry to original 21, 'Female Big Bang' name will be replaced with 2NE1"] (солонгос хэлээр). Asia Economy. Архивласан огноо October 21, 2021. Татаж авсан: May 6, 2009 – via Nate.
- ↑ "2NE1 Comes Out on Top at Music Bank". The Korea Times. July 18, 2009. Архивласан огноо June 15, 2011. Татаж авсан: September 4, 2009.