Эрик Клэптон
Эрик Патрик Клэптон (англ. Eric Patrick Clapton; * 1945 оны 3 сарын 30-нд Рипли, Гилфорд, Иx Британи) нь английн блюз-, болон рок-гитарчин, дуучин юм. Тэрбээр 17 удаа Грэммийн шагналыг[1][2] хүртсэнээс гадна Рок-н-Роллын алдрын танхимын гишүүнээр гурван удаа бүртгэгдсэн цорын ганц хөгжимчин болно. Клэптон блюз рок хөгжмийн хөгжилд 60-аад оноос үнэтэй хувь нэмэр оруулсан ба энэ цаг үеийн шилдэг гитарчдын нэгт тооцогддог. 2011 онд шинэчлэн гаргасан Роллинг Стоунзын бүх цаг үеийн шилдэг 100 гитарчдын жагсаалтад 2-т бичигдсэн байна.[3] 280 сая борлуулагдсан цомгоороо Клэптон бүх цаг үеийн хамгийн өндөр амжилт гаргасан уран бүтээлчдийн тоонд багтдаг.[4]
| Eric Clapton Эрик Клэптон | |
 Эрик Клэптон, 2002 | |
| Ерөнхий мэдээлэл | |
|---|---|
| Жинхэнэ нэр | Эрик Патрик Клэптон |
| Төрсөн өдөр | 1945 оны 3 сарын 30 |
| Төрсөн газар | Рипли, Гилфорд,  Нэгдсэн Хаант Улс |
| Яс үндэс |  Англи |
| Ажил үйл | Дуучин, гитарчин |
| Урсгал | Рок, блюз |
| Танил үе | 1963 оноос хойш |
Намтар
засварлахЭрик Патрик Клэптон 1945 оны 3-р сарын 30-нд Английн Саррей (англи. Surrey [ˈsʌri]) мужийн Рипли тосгонд төрсөн. Эх нь Патрисия Молли Клэптон (1929−1999), эцэг нь Эдвард Уолтер Фрайер (1920−1985) нар юм. Түүнийг төрсөн даруй Канадаас түр ирсэн цэргээс хүүхэд олсон эх нь олны хэл амны бай болохгүй гэсэн үүднээс түүнийг өөрийн ээж дээрээ үрчлүүлжээ. Клэптон өөрийн эхийг төрсөн эгчийгээ гэж бодож явдаг байсан ба, өсвөр насандаа мэдсэн цагаас хойш түүний ганцаардмал үе эхэлж шоовдорлогдсон мэдрэмж авдаг байснаа дурссан байдаг.
13 насныхаа төрсөн өдрөөрөө Клэптон Германд үйлдвэрлэсэн "Hoyer" акустик гитар авсан боловч хямдхан ган утсан хөгжмийн зэмсгийг тоглоход хэцүү байсан тул Эрик түр зуур гитар сонирхохоо больжээ. Хоёр жилийн дараа Клэптон гитараа буцаж сонирхон олон цагаар тоглож эхлэв. Клэптон бага наснаасаа л блюз хөгжимд дуртай болж, олон цагийг блюз хөгжим судалж, хуурцагтай хамт тоглодог байжээ. Тэрээр Grundig зөөврийн дуу хураагуураа ашиглан Америкын нэр блюс хөгжимчин Роберт Жонсоныг дуурайн тоглож, гитарын сонирхолоо үргэлжлүүлж байжээ.
Эрик Клэптон анх хэд хэдэн найзуудын хоорондох сонирхогчийн хамтлагт тоглож явсаар 1963-1965 онуудад the Yardbirds, 1965-1966 онд John Mayall & the Bluesbreakers хамтлагт тоглож байсан нь өөрийн мэргэжлийн уран бүтээлчийн эхлэл болжээ. Эдгээр хамтлагт тоглож байх хугацаандаа тэрээр тайзны соёл, хэрхэн биеэ авч явах, студид хөгжим бичүүлэх зэрэгт суралцсан ба энэ хугацаанд хөгжүүлсэн гитар тоглох чадвар нь түүнийг английн шилдэг блюз гитарчин гэх алдарыг хүртээсэн. Тухайн үед английн хаа нэгтээ "Клэптон бол Бурхан" гэсэн графитти энд тэндгүй үзэгдэх болсон байна. 1966 онд тэрээр бөмбөрчин Жинжер Бэйкертэй танилцаж, шинэ хамтлагт тоглох санал авсанаар рокын түүхэнд дархлагдсан Cream хамлагийг бүрдүүлэх шав тавигдсан байна. Удалгүй тэдний хамлагт басс гитарчин Жак Брюс нэгдэж тэд хөгжмийн түүхэнд хамгийн алдартай хүчирхэг-гурвалыг (power trio) бүрдүүлжээ. Cream хамтлаг маш богино хугацаанд амжилттай дөрвөн цомог бичүүлсэн ба тэдний тоглож буй хөгжим нь блюз суурьтай боловч туршиж байсан дуугаралт нь прогрессив рокын эхлэлийг тавьсан. Жак болон Жинжер нарын таарамжгүй, ширүүн уур амьсгал 1968 онд хамтлаг тарах нөхцөл болжээ.
Энэ хэсгийг өргөтгөх хэрэгтэй.Уран бүтээл
засварлахСтудийн цомог
- Eric Clapton (1970 он)
- 461 Ocean Boulevard (1974 он)
- There’s One in Every Crowd (1975 он)
- No Reason to Cry (1976 он)
- Slowhand (1977 он)
- Backless (1978 он)
- Another Ticket (1981 он)
- Money and Cigarettes (1983 он)
- Behind the Sun (1985 он)
- August (1986 он)
- Journeyman (1989 он)
- From the Cradle (1994 он)
- Pilgrim (1998 он)
- Reptile (2001 он)
- Me and Mr. Johnson (2004 он)
- Sessions for Robert J (2004 он)
- Back Home (2005 он)
- Clapton (2010 он)
- Old Sock (2013 он)
- I Still Do (2016 он)
- Happy Xmas (2018 он)
- Meanwhile (2024 он)
Цахим холбоос
засварлах
Commons: Эрик Клэптон – Викимедиа дуу дүрсний сан
Вики эшлэл: Эрик Клэптон – Эшлэл Эшлэл
засварлах- ↑ grammy.com: Eric Clapton
- ↑ "whereseric.com: Grammy Aeards - all awarded to Eric Clapton". Эх хувилбараас архивласан: 2017-08-05. Татаж авсан: 2017-08-08.
- ↑ "Greatest Guitarists of All Time; abgerufen am 1. Februar 2015". Эх хувилбараас архивласан: 2008-03-14. Татаж авсан: 2017-08-08.
- ↑ J. Backfort: Music Biggest Selling Artists, Auflage 3, Verlag The Music Press, Los Angeles, 2011, S14