Фолксваген Кэфер
Фолксваген Кэфер (VW Тип 1) жижиг дунд ангиллын Фолксваген компанийн суудлын автомашин бөгөөд агаарын хөргөлт бүхий дөрвөн цилиндрт боксер мотор болон ардаа хөтлөх тэнхлэгтэй, 1938 оны сүүлээс 2003 он зун хүртэл үйлдвэрлэсэн автомашин юм.
| Фолксваген | |
|---|---|
 Фолксваген Кэфер (1966) | |
| Кэфер | |
| Үйлдвэрлэсэн хугацаа: | 1938–2003 |
| Ангилал: | Жижиг дунд ангилал |
| Их биеийн хэлбэр: | Лимузин, Кабриолет |
| Хөдөлгүүр: | Бензин мотор: 1.1-1.6 литр (18-40 кВт) |
| Урт: | 4070–4140 мм |
| Өргөн: | 1540–1585 мм |
| Өндөр: | 1500 мм |
| Тэнхлэг хоорондын зай: | 2400–2420 мм |
| Хоосон жин: | 730–930 кг |
| Өмнөх загвар: | байхгүй |
| Дараах загвар: | байхгүй |
21,5 сая ширхэг борлуулагдсан тоогоороо дэлхий дээрx хамгийн ихээр зарагдсан автомашин байсан бөгөөд 2002 онд энэ борлуулалтын тооны рекордыг нь Фолксваген Голф шинээр тогтоосон байна.
Нэрийн гарал үүсэл засварлах
КдФ-Ваген засварлах
1934 оны зургаадугаар сарын 22-нд Фердинанд Порше эзэнт гүрний автомашины аж үйлдвэрлэлийн холбооноос хямд үнэтэй, түлш бага хэрэглэдэг суудлын автомашины шинэ загварыг хөгжүүлэх гэрээг хүлээн авчээ. Үүнээс нэг жилийн өмнө Адольф Хитлер берлинд зохиогдсон олон улсын автомашин мотоциклийн 24 дэх үзэсгэлэн худалдаанд зочилсоны дараа нийт ард түмэнд зориулсан хямд үнэтэй автомашин үйлдвэрлэх шаардлагатай байна гэсэн аж. Анх тус автомашиныг Kraft durch Freude (дуудлага: Крафт дюрх Фройдэ, товчлол КдФ) гэж үндэсний социалист намын нэгэн байгууллагын нэрээр нэрлэж байгаад сүүлд нь албан ёсоор өөрчлөн фолксваген (монг. ард түмний тэрэг) хэмээн нэрлэсэн юм.[1] Энэ загвараас 1938 оны сүүл хүртэл цөөн тооны загварыг энд тэндхийн үзэсгэлэн худалдаанд загвар байдлаар гаргах зорилготой үйлдвэрлэжээ. Харин цувралаар үйлдвэрлэх зорилготой байсан үйлдвэрийг нь дайн эхэлсний дараа ашиглалтанд оруулав.
Фолксваген (Тип 1) засварлах
Дайны дараа их британийн зэвсэгт хүчний удирдлагын доор фолксвагений үйлдвэрийг "Вольфсбург Мотор Воркс" нэрээр өөрчлөн нэрлээд 1945 оны хоёрдугаар хагасаас КдФ-Вагений загварыг Фолксваген гэх нэр албан ёсны нэртэй болгов. Ингээд тус үйлдвэр таван жил бараг л дан ганц энэ загварыг үйлдвэрлэсэн бөгөөд 1950 онд Фолксваген транспортер (Фолксваген Тип 2) үйлдвэрлэж эхэлсэнээр үйлдвэрийн дотоод нэршил болох Тип 1 буюу төрөл 1 гэсэн нэмэлт тодотголтой болжээ.
Фолксваген Каефер засварлах
1938 долоодугаар сарын 3-нд Нью-Йорк Таймс сонинд магад анхны англи нэр болох "beetle" (герм. Käfer, монг. цох) гэх нэршлийг хэрэглэсэн бөгөөд түүнд "Тун удахгүй германы хурдны зам дээр мянга мянган жижигхэн гялтганасан цохнууд түгэн тархах нь" хэмээн бичиж байж.[2][3][4]
-
1950 оны стандарт загвар -
Зэвсэгт хүчний каефер, бүх дугуй хөтлөгчтэй элсэн өнгийн загвар -
1966 оны загвар
.jpg)
Цахим холбоос засварлах
Commons: Фолксваген Кэфер – Викимедиа зураг, бичлэг, дууны сан |
Wiktionary: Кэфер – Энэ үгийг тайлбар толиос харна уу |
Эшлэл засварлах
- ↑ Rüdiger Etzold: Der Käfer – Eine Dokumentation, Band 2, Motorbuch Verlag-Stuttgart, 1984 ISBN 3-7168-1613-2, хуудас-74f
- ↑ Heiko Haupt: Vom KdF-Wagen zum Beetle. In: Spiegel Online, 8. Juli 2003.
- ↑ Vergangenheitsbewältigung auf vier Rädern. In: FAZ.NET, 5. Mai 2013.
- ↑ Mekkas der Moderne: Pilgerstätten der Wissensgesellschaft. Kapitel 61: Deutschland – Kraftwerk Autobahn, Seiten 336-337, 1. Mai 2010 (via Google Books)