Стефан Банах
Стефан Банах (пол. Stefan Banach, 1892 оны 3 сарын 30 - 1945 оны 8 сарын 31) нь Польшийн математикч юм.
Тэрээр Австри-Унгарын эзэнт гүрний харьяанд байсан Краков хотод төржээ.
Львовын технологийн их сургуульд инженер болохоор суралцаж байсан боловч математик дахь авъяас билэг нь илэрч, математикч болжээ. 1920 онд докторын зэрэг горилсон бүтээлдээ өдгөө Банахын огторгуй гэгдэх болсон ойлголтыг оруулж ирснээр орчин үеийн функционал анализын эцэг гэж нэрлэгдэх болжээ. Банах 1939 онд Польшийн математикчдын нийгэмлэгийн тэргүүнээр сонгогдсон байна. Дэлхийн хоёрдугаар дайны үед Нацист Германд олзлогдож байсан бөгөөд Зөвлөлт Холбоот Улс түүний амьдарч байсан Львов хотыг бүрэлдэхүүндээ оруулахад ЗСБНУкрайн Улсын ШУА-д ажиллаж байгаад 1945 онд уушигны хорт хавдраар нас нөгчжээ.