Оросын Зэвсэгт Хүчний Төв Музей
Оросын Зэвсэгт Хүчний Төв Музей (Орос хэл: Центральный Музей Вооруженных сил) , хуучнаар Улаан Армийн Музей нь ОХУ-ын Москва хотын хойд хэсэгт байрладаг цэргийн музей.
| Оросын Зэвсэгт Хүчний Төв Музей | |
|---|---|
| Центральный Музей Вооруженных сил | |
 | |
| Байгуулагдсан | 1919 он |
| Байршил | 129110, г.Москва, ул.Советской Армии, д.2, стр.1 |
| Цуглуулгын хэмжээ | 15,000 гаруй |
| Захирал | Никонов Александр Константинович |
| Цахим хуудас | http://cmaf.ru |
Түүх
засварлахУг музейн үүсэл 1919 оны 5 сарын 25 нд Зөвлөлт Орос Улс, Улаан армийг танилцуулсан үзэсгэлэнг Москвагийн Улсын их дэлгүүрт зохион байгуулсны дараа хэд хэдэн удаа улаан армийн тухай сэдэвчилсэн үзэсгэлэн гарсны дараа 1921 онд Улаан Арми, Флотын Музей болгох шийдвэр гарч, 1922 онд Воздвиженка 6-д (одоогийн Оросын улсын номын сангийн эсрэг талын барилга, 1930-аад онд нураасан) нүүлгэснээр үүдээ нээсэн. 1951 онд музейн нэрийг Зөвлөлтийн Улаан Армийн Төв Музей гэж нэрлэн, 1965 оноос одоогийн байршилд нүүж орсон. 1993 онд Оросын Зэвсэгт Хүчний Төв Музей гэж нэрлэв.
Үзвэр
засварлахМузей нь 15,000 гаруй үзвэр, 24 танхим, 5000 м2 талбайтай. Үзвэрүүд нь дараах үед хамаарах 24 танхимтай.
- Оросын армийн түүх 1917 он хүртэл (1-3-р танхим)
- Иргэний дайны үе (4-6-р танхим)
- Зөвлөлтийн ажилчин тариачны улаан арми байгуулагдах үе (7-8-р танхим)
- Дэлхийн хоёрдугаар дайны үеийн Улаан арми (9-18-р танхим)
- Дайны дараах Зөвлөлтийн зэвсэгт хүчний түүх (19 - 21-р танхим)
- ОХУ-ын зэвсэгт хүчин ба орчин үе (22-24-р танхим).
Үзвэрүүд нь Зөвлөлтийн үеийн нэрт зүтгэлтнүүдийн хэрэглэж байсан хувийн эд зүйлс, зэвсэг; түүхэн үйл явдалд холбоотой зөвлөлтийн болон дайсан этгээдийн эд зүйл, фото зураг, одон медаль, цэргийн дүрэмт хувцас, баримт бичиг, зурагт хуудас, сонин, цэргийн төрөл бүрийн зэвсэг техник зэрэг зүйлс байдаг.
Салбар музей
засварлахОросын Зэвсэгт Хүчний Төв Музей нь дараах салбар музейнүүдтэй.
- Г.К.Жуковын музей-кабинет[1]
- Оросын Нисэх Хүчний Төв Музей
- Стратегийн Пуужингийн Хүчний Музей[2]
- Агаарын Довтолгооноос Хамгаалах Цэргийн Музей[3]
- Агаарын Цэргийн Түүхийн Музей[4]
- Цэргийн Дүрэмт Хувцасны Түүхийн Музей[5]
- Сталины Хорогдох Байрны Музей[6]
Эшлэл
засварлах- ↑ "МЕМОРИАЛЬНЫЙ КАБИНЕТ-МУЗЕЙ Г.К. ЖУКОВА". Archived from the original on 2023-07-17. Татаж авсан: 2023-07-17.
- ↑ "Музей Ракетных войск стратегического назначения". Archived from the original on 2023-07-17. Татаж авсан: 2023-07-17.
- ↑ "МУЗЕЙ ВОЙСК ПРОТИВОВОЗДУШНОЙ ОБОРОНЫ".
- ↑ "Музей истории ВДВ". Archived from the original on 2023-07-17. Татаж авсан: 2023-07-17.
- ↑ "Музей истории военной формы одежды". Archived from the original on 2023-07-17. Татаж авсан: 2023-07-17.
- ↑ "Бункер Сталина". Archived from the original on 2023-07-17. Татаж авсан: 2023-07-17.