Ньютоны хуулиуд

Хөдөлгөөний тухай Ньютоны хуулиуд гэж сонгодог механикийн үндэс болдог, физикийн 3 хуулийг хэлнэ. Аливаа биед тодорхой хүчээр үйлчлэхэд тухайн биеийн үүсгэх хөдөлгөөнийг тайлбарладаг. Анх Исаак Ньютон 1687 оны 7 сарын 5-нд хэвлүүлсэн Байгалийн филосософийн математик зарчмууд бүтээлдээ эдгээр хуулиа тайлбарлажээ.

1687 онд латин хэлээр хэвлэгдсэн Математик зарчмууд бүтээл дэх Ньютоны 1, 2-р хуулийг тайлбарласан хуудас.

Хуулиуд

Нэгдүгээр хууль

Аливаа биед гадны хүч үйлчлэхгүй бол тайван байсан бие тайван хэвээрээ, хөдөлгөөнд байсан бие хөдөлгөөнд хэвээр үлдэнэ. Ньютоны 1-р хууль битүү системд хүчинтэй. Ямар ч хүч байхгүй системийг битүү систем гэнэ. $\sum _{k=1}^{n}{\overrightarrow {F}}_{k}=0\Rightarrow {\overrightarrow {V}}=const,{\overrightarrow {a}}=0$

Хоёрдугаар хууль

Ньютоны хоёрдахь хууль бол материаллаг цэгт үйлчлэх хүч ба энэ цэгийн хурдатгалын хоорондын хамаарлыг тодорхойлсон хөдөлгөөний дифференциал хууль юм.

${\overrightarrow {F}}=m{\overrightarrow {a}}$

m масстай биед F хүчээр үйлчлэхэд a хурдатгалыг олж авдаг. (Хүч хурдатгал 2 нэг чиглэлтэй)

Гуравдугаар хууль

Аливаа бие хоёр дахь биед F хүчээр үйлчлэхэд хоёр дахь бие нь эхний биед -F хүчээр үйлчилнэ. F ба -F нь ижил хэмжээтэй бөгөөд эсрэг чиглэлтэй.

${\overrightarrow {F}}_{1}=-{\overrightarrow {F}}_{2}$