Наталья Кучинская
Наталья Александровна Кучинская буюу Наташа Кучинская (1949 оны 3 сарын 12-нд Ленинградад төрсөн) нь Зөвлөлт Холбоот Улсын гимнастикч юм.
| ||||||||||||||||||||||||||||||||||||||||
| ||||||||||||||||||||||||||||||||||||||||
Түүнийг цэцэрлэгт байхад нь гимнастикийн сургуульд сонгож авчээ[1]. Наташа өөрөө балетчин болохыг хүсдэг байсан ч эцэг эх нь хоёул спорттой холбоотой хүмүүс байсан учир гимнастикаар хичээллэхийг нь дэмжжээ[1]. Эхлээд Владимир Рейсоны удирдлагад бэлтгэл хийдэг байсан ба хожим шигшээ багийн дасгалжуулагч Лариса Латынинагийн удирдлагад очжээ.
1965 онд 16 настайдаа Кучинская ЗХУ-ын аварга болов. Ирэх жил нь аваргаа хамгаалсан тэрээр дэлхийн аварга шалгаруулах тэмцээнд багаараа болон хувийн дүнгээр мөнгөн медаль хүртэж, төрөл тус бүрийн дүнгээр 3 алт, 1 хүрэл медаль зүүв.
1968 оны Мехикогийн олимпын үеэр Кучинская ЗХУ-ын багийн хамгийн алдартай гишүүдийн нэг байлаа. Хувийн олон төрөлтөд Чехословакийн Вера Чаславска болон багийн анд Зинайда Воронинагийн дараа орж хүрэл медаль зүүсэн бол тэнцвэрийн төрөлд тэргүүлж, шалны төрөлд 3-р байр эзлэн, багийн хамт шагналын тавцангийн хамгийн өндөрт зогсчээ. Түүнийг Мексикийн хэвлэлүүд "Мехикогийн сүйт бүсгүй", "Мехикогийн хонгорхон бүсгүй" хэмээн нэрлэж, ардын дуу "Натали"-г түүнд зориулж байлаа[2][3][4]
Тэрхүү олимп нь Кучинскаягийн оролцсон сүүлчийн тэмцээн болжээ. Бамбай булчирхайн өвчин түүнийг спортоос хөндийрүүлсэн[3] бөгөөд 1990-ээд оны сүүлчээр өгсөн ярилцлагадаа гимнастикт хандах хандлага нь өөрчлөгдөж, дур сонирхол нь буурсан гэж хэлсэн байдаг[1].
Зодог тайлсныхаа дараа Кучинская ЗХУ, Япон, АНУ-ын багийг дасгалжуулж байлаа. Тэрээр 1980 онд гэрлэсэн бөгөөд өдгөө АНУ-ын Иллиной муж улсад өөрийн гимнастикийн сургуулийг ажиллуулж байна.
Тэрээр 2006 онд гимнастикийн алдрын танхимд багтсан[3].
Амжилт
засварлахДоорх хүснэгтэд Кучинскаягийн олимпоос бусад тэмцээнүүдэд хэрхэн оролцож байсныг үзүүлэв.
| Он | Тэмцээн | Олон төрөлт | Баг | Харайлт | Хос савлуур | Тэнцвэр | Чөлөөт |
|---|---|---|---|---|---|---|---|
| 1965 | ЗХУ-ын АШТ | 1 | 1 | ||||
| ЗХУ-ын цом | 2 | ||||||
| 1966 | Дэлхийн АШТ | 2 | 2 | 3 | 1 | 1 | 1 |
| ЗХУ-ын АШТ | 1 | 2 | 1 | 1 | |||
| ЗХУ-ын цом | 1 | ||||||
| 1967 | Европын АШТ | 2 | 2 | ||||
| ЗХУ-ын АШТ | 1 | 1 | 1 | 1 | 1 | ||
| 1968 | ЗХУ-ын АШТ | 1 |
Эшлэл
засварлах- ↑ 1.0 1.1 1.2 "Interview with Natalia Kuchinskaya". The Red Files supplementary material, PBS. 1999. Татаж авсан: 9 сарын 18.
{{cite web}}: Check date values in:|accessdate=(help); Italic or bold markup not allowed in:|publisher=(help); Unknown parameter|accessyear=ignored (|access-date=suggested) (help)[permanent dead link] - ↑ "Soviet Sports Wars(transcript)" (DOC). PBS. 1999. Татаж авсан: 9 сарын 18.
{{cite web}}: Check date values in:|accessdate=(help); Unknown parameter|accessyear=ignored (|access-date=suggested) (help); Unknown parameter|month=ignored (help) - ↑ 3.0 3.1 3.2 "Kuchinskaya's page at the IGHOF". International Gymnastics Hall of Fame. 206. Татаж авсан: 9 сарын 18.
{{cite web}}: Check date values in:|accessdate=(help); Unknown parameter|accessyear=ignored (|access-date=suggested) (help) - ↑ "Do favorites always win?". Sport in the USSR. 1988. Татаж авсан: 9 сарын 18.
{{cite web}}: Check date values in:|accessdate=(help); Italic or bold markup not allowed in:|publisher=(help); Unknown parameter|accessyear=ignored (|access-date=suggested) (help); Unknown parameter|month=ignored (help)