Луйжи ди Биажо

Луйжи ди Биажо (Итали: Luigi di Biagio, 1971 оны 6 сарын 3-нд Ромд төрсөн) нь Италийн хөлбөмбөгийн хамгаалах чиглэлийн хагас хамгаалагч юм. Хамгийн сүүлд Асколи Кальчио 1898 багт тоглож байгаад (2006–07) зодог тайлжээ.

Луйжи ди Биажо

Хувийн мэдээлэл
Өндөр	1.75 м
Байрлал	Хагас хамгаалагч
Өсвөрийн баг
	Лацио
Мэргэжлийн замнал*
Он	Баг	Гараа†	(Гоол)†
1988–1989	Лацио	1	(0)
1989–1992	Монца	62	(7)
1992–1995	Фожжиа	87	(12)
1995–1999	Рома	114	(16)
1999–2003	Интернационале	117	(13)
2003–2006	Брешиа	93	(16)
2006	Ла Сторта	?	(?)
2007	Асколи	7	(2)
Шигшээ баг
1998–2002	Итали	31	(2)
* Мэргэжлийн замналын тоглолтын (гоол) үзүүлэлтийг дотоодын лигтэй нь уялдуулсан болно. † Гараа (Гоол).

Асколид тоглохоосоо өмнө Лацио (1988–89), Монца (1989–92), Фожжиа (1992–95), Рома (1995–99), Интернационале (1999–2003), Брешиа (2003–2006) багуудад тоглож байв. Шигшээ багтаа 31 тоглож, 2 гоол оруулжээ. Тэрээр эх орноо төлөөлж 1998, 2002 оны ДАШТ, Евро 2000-д оролцсон. Уг тэмцээнд Нидерландын багийн хаалганд торгуулийн цохилтоос гоол оруулснаас гадна Шведийн багтай тоглоход гоол оруулжээ. Тэрээр 1998 оны ДАШТ-д Италийн баг торгуулийн цохилтоор хожигдож хасагдахад торгуулийн цохилт алдаж, багаа хөөдөж байсан удаатай.

Ди Биажо Асколи багтай 2006 оны 11 сард гэрээ байгуулсан хэдий ч Брешиа баг чөлөөт тоглогчдоо зарлах эцсийн хугацаа болох 6 сарын 30-нд түүнийг чөлөөлөөгүй байсан тул уг шилжилтийг хөлбөмбөгийн холбоо хүлээн зөвшөөрөөгүй. Гэхдээ уг шийдвэр 2007 оны 1 сард цуцлагдаж, Асколи багийн бүрэлдэхүүн дэх анхны тоглолтоо 1 сарын 14-нд Кальяри багийн эсрэг хийжээ. Гэхдээ тэрээр холбооны хориг цуцлагдах хүртэл хугацаанд Асколи багт бэлтгэл хийж, өөрийн найз Алессандро Романогийн дасгалжуулж байсан, Промоционе буюу Италийн хөлбөмбөгийн 7-р зэрэглэлийн тэмцээнд оролцдог, Ром хотын Полиспортиво Ла Сторта багт хэдэн тоглолт хийсэн аж. Ди Биажо 2007 оны улирлын дараа зодог тайлж, өдгөө Ла Стортагийн залуучуудын багийг дасгалжуулж байна.