Виллиам Сигров
Виллиам Рэймонд Сигров (Англи: William Raymond Seagrove, 1898 оны 7 сарын 2 – 1980 оны 6 сарын 5) нь Их Британийн хөнгөн атлетикч юм.
| |||||||||||||||
| |||||||||||||||
Их Британийн армид алба хааж байхдаа дэлхийн нэгдүгээр дайнд оролцсон тэрээр 1920 оны зуны олимп Бельгийн Антверпен хотод зохиогдоход 3000 метрийн багийн гүйлтийн төрөлд Жо Блюитт, Альберт Хилл нарын хамт мөнгөн медаль хүртэж, 5000 метрийн гүйлтийн төрөлд 6-р байр эзэлжээ.
Дөрвөн жилийн дараа 1924 оны зуны олимпоос 3000 метрийн багийн гүйлтийн төрөлд дахин мөнгөн медаль зүүжээ.
Тэрээр 1926 онд Нормансал бэлтгэл сургуулийг Зүүн Сассексийн Сифордод байгуулж, хичээлийн эрхлэгч, математикийн багшаар ажиллаж байв. Сифорд хот дахь Сигров Вэй гудамж түүний нэрээр нэрлэгдсэн аж.